Мандалговь-Даланзадгад чиглэлийн авто замд үер бууж, зам дээгүүр давж урсчээ. Иймд та бүхэн аян замдаа анхаарал болгоомжтой, замын нөхцөл байдлыг сайтар судлан хөдөлгөөнд оролцохыг албаныхан анхааруулж байна.
Мөн Өмнөговь аймгийн Ханхонгор суманд үерийн 30 дуудлага бүртгэгджээ.
Үер усны дуудлагад Даланзадгад сумын мэргэжлийн ангиас 28 алба хаагч 11 техник хэрэгсэл, Онцгой байдлын газраас 18 алба хаагч 3 техник хэрэгсэл, нэг тоног төхөөрөмжтэйгөөр ажилласан байна.
Энэ сарын 14-15-нд шилжих шөнө Дундговь, Өмнөговь, Говьсүмбэр, Дорноговийн нутаг, Хэнтийн өмнөд хэсгээр, 15-ны өдөр Дорноговийн хойд хэсэг, Хэнтий, Сүхбаатарын нутаг, Дорнодын баруун өмнөд хэсгээр их бороо орно.