Category: нийгэм

Нүүдэлчдийн наадамд оролцсон Монголын баг 19 дүгээр байрт жагслаа DNN.mn

Post author By Админ
Post date 2024-09-16
No Comments on Нүүдэлчдийн наадамд оролцсон Монголын баг 19 дүгээр байрт жагслаа DNN.mn

“Астана-2024” Дэлхийн нүүдэлчдийн V наадам Казахстан улсын нийслэл Астана хотод есдүгээр сарын 8-13-ны өдрүүдэд болж, 89 орны 2700 орчим тамирчин спортын 21 төрөлд 97 багц медалийн төлөө өрсөлдлөө.

Харин манай улсаас спортын 16 төрөлд 66 тамирчин өрсөлдөж, таван мөнгө, есөн хүрэл медальтайгаар 89 орноос 19 дүгээр байрт жагслаа. Дараагийн наадам 2026 онд Киргизстан улсад болохоор тогтов.

Тус улс энэ наадмыг гурав дахь удаагаа зохион байгуулах эрхээ авч буй бөгөөд өмнө нь 2014, 2018 онд зохион байгуулжээ.

Автобусны нэгдүгээр эгнээгээр автомашин зорчих зөрчил бага зэрэг буурчээ DNN.mn

Замын Хөдөлгөөний Удирдлагын Төвөөс/ЗХУТ/ өнгөрсөн долоо хоногийн ажлын өдрүүдэд буюу 2024 оны есдүгээр сарын 9-13-ны хооронд бүртгэгдсэн замын хөдөлгөөний зөрчлийн тоон мэдээг танилцууллаа. Үүнд:

Хурд хэтрүүлсэн – 830
Үзлэг, оношилгоонд ороогүй болон тэнцээгүй – 825
Гэрлэн дохио зөрчсөн – 299
Ачилтын торгууль – 1,542
E-Police аппликэйшнээр ирүүлсэн зөрчил – 3,004
Автобусны буюу нэгдүгээр эгнээгээр зорчсон – 51,144
Түр болон удаан зогсох хориотой газар зогссон – 3,448 зөрчил бүртгэгджээ.

Эдгээр зөрчлийг өмнөх долоо хоногийнхтой харьцуулбал тээврийн хэрэгслийн хурд хэтрүүлсэн, түр болон удаан зогсох хориотой газар зогссон зөрчил нэмэгджээ. Өмнөх долоо хоногт хурд хэтрүүлсэн 481, түр болон удаан зогсох хориотой газар зогссон 2,876 зөрчил бүртгэгдэж байжээ.

Харин автобусны нэгдүгээр эгнээгээр автомашин зорчих зөрчил буурчээ.

мэдээ нийгэм цаг-үе

Арав хоногийн цаг агаарын урьдчилсан төлөв DNN.mn

Post author By Админ
Post date 2024-09-16
No Comments on Арав хоногийн цаг агаарын урьдчилсан төлөв DNN.mn

2024 оны есдүгээр сарын 16-25-ныг хүртэлх цаг агаарын урьдчилсан төлөв

Есдүгээр сарын 18-нд газар тариалангийн бүс нутгаар нойтон цас орж, 18-нд нутгийн хойд хэсгээр, 19-нд ихэнх нутгаар, 20-нд нутгийн зүүн хагаст хүйтэрч, хөрсөн дээр цочир хүйтэрч болзошгүй байгааг онцгойлон анхааруулж байна.

Хур тунадас: 17-нд Монгол-Алтайн уулархаг нутгаар, 18-нд баруун аймгуудын нутгийн зүүн хэсэг, төвийн аймгуудын ихэнх нутгаар, зүүн аймгуудын нутгийн баруун хэсгээр, 19-нд төвийн аймгуудын нутгийн зүүн хэсэг, зүүн аймгуудын ихэнх нутаг, говийн аймгуудын нутгийн зарим газраар, 20-нд Халх голын сав газраар, 21-нд Алтайн уулархаг нутгаар бороо, нойтон цас орно.

Салхи: 17-нд баруун болон төвийн аймгуудын нутгаар, 18-нд ихэнх нутгаар, 19-нд говь, тал, хээрийн нутгаар, 24-нд Алтайн уулархаг нутгаар, 25-нд нутгийн зарим газраар секундэд 6-11 метр, зарим үед секундэд 16-18 метр хүрч, шороон шуурга шуурна.

Агаарын температур: 17-нд нутгийн баруун хойд хэсгээр, 18-нд нутгийн хойд хэсгээр, 19-нд ихэнх нутгаар хүйтэрч Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 6-11 хэм хүйтэн, өдөртөө 3-8 хэмийн дулаан, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 1-6 хэмийн хүйтэн, өдөртөө 6-11 хэм, Их нууруудын хотгор, говийн бүс нутгийн өмнөд хэсгээр шөнөдөө 3-8 хэм, өдөртөө 12-17 хэмийн дулаан, бусад нутгаар шөнөдөө 1 хэмийн хүйтнээс 4 хэм дулаан, өдөртөө 7-12 хэм дулаан байна. Есдүгээр сарын 21-нээс ихэнх нутгаар дулаарна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 18-19-нд шилжих шөнө бороо, нойтон цас, 19,24-нд ялимгүй хур тунадас орно. Бусад хугацаанд хур тунадас орохгүй.

Салхи: Ихэнх хугацаанд секундэд 5-10 метр. 18,25-нд баруун өмнөөс хойш эргэж секундэд 12-14 метр хүрч ширүүснэ.

Агаарын температур: Хугацааны эхээр хүйтэрч шөнөдөө 1 хэмийн хүйтнээс 4 хэм дулаан, өдөртөө 7-12 хэм дулаан байна. Есдүгээр сарын 21-нээс дулаарч шөнөдөө 4-9 хэм дулаан, өдөртөө 15-20 хэм дулаан байна.

мэдээ нийгэм

Бэрх төгөл орчмын 10 га талбайд ойн зурвас байгуулжээ DNN.mn

Post author By Админ
Post date 2024-09-16
No Comments on Бэрх төгөл орчмын 10 га талбайд ойн зурвас байгуулжээ DNN.mn

Уур амьсгалын өөрчлөлтөд тэсвэртэй ойн экосистемийг бий болгож, ой хамгааллын болон нөхөн сэргээлтийн тогтвортой менежментийг шинжлэх ухаан, технологийн шинэ ололтуудад тулгуурлан хэрэгжүүлэх арга хэмжээний хүрээнд 10 га талбайд ойн зурвас байгуулжээ.

Энэ оны зургаадугаар сараас эхлэн доройтолд өртөж буй голын эх орчмын татмыг хашаалан хамгаалах, амьд хашлага буюу модлог ургамлаар ойн зурвас байгуулах ажлыг Бэрх төгөл орчмын 10 га талбайд 1800 ам метр хашаа барьж, навчит төрлийн бортоготой 13000 ширхэг мод тарьсан байна.

Мөн 2019 онд Баянзүрх дүүргийн 20 дугаар хорооны нутаг дэвсгэр, Гачуурт голын хөндийн Бага шар хоолойн Бэрх төгөл орчмын 103 га талбай Нийслэлийн иргэдийн Төлөөлөгчдийн Хурлын 29/29 дугаар тогтоолоор орон нутгийн хамгаалалтад авч тухайн орчмыг ирээдүйд үүсэх суурьшлаас сэргийлэх, улмаар хүлэрт намгийг хэвээр нь авч үлдээх боломжийг бүрдүүлжээ.

Эх сурвалж: Нийслэлийн Байгаль Орчны Газар

мэдээ нийгэм цаг-үе

Нисэхийн тойргоос Хурдны зам хүртэлх авто замыг хааж, шинэчилнэ DNN.mn

Post author By Админ
Post date 2024-09-16
No Comments on Нисэхийн тойргоос Хурдны зам хүртэлх авто замыг хааж, шинэчилнэ DNN.mn

Хан-Уул дүүрэг 8, 21-р хорооны нутаг дэвсгэр Архивчдын гудамж буюу Нисэхийн тойргоос Хурдны зам хүртэлх авто замыг есдүгээр сарын 20-ны 23:00 цагаас 23-ны өдрийн 06:00 цагийн хооронд хааж, шинэчилнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.

мэдээ нийгэм

Эрүүгийн 11 хэргийг шүүхэд шилжүүлэх саналтай прокурорт хүргүүлэв DNN.mn

Post author By Админ
Post date 2024-09-16
No Comments on Эрүүгийн 11 хэргийг шүүхэд шилжүүлэх саналтай прокурорт хүргүүлэв DNN.mn

Авлигатай тэмцэх газрын Мөрдөн шалгах хэлтэс 2024 оны есдүгээр сарын 9-15-ны өдрүүдэд гэмт хэргийн шинжтэй 65 гомдол, мэдээллийг шалгав.

Үүнээс 5 гомдол, мэдээлэлд хэрэг бүртгэлтийн хэрэг нээж, 9 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 50 гомдол, мэдээллийг хянан шалгаж байна.

Түүнчлэн эрүүгийн 940 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 19 хэргийг хаах, 2 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 906 хэрэг шалгагдаж байна.

Говь-Алтай аймаг дахь Шүүхийн шийдвэр гүйцэтгэх газрын албан тушаалтан “М” нь өөртөө давуу байдал бий болгосон гэх, Хилийн цэргийн …р ангийн албан тушаалтан “Б” нь үргэлжилсэн үйлдлээр хахууль авсан гэх, Говь-Алтай аймгийн Чандмань сумын удирдах албан тушаалтан “Б” нь төсвийн хөрөнгийг завшсан гэх, ЦЕГ-ын Мэдээлэл дүн шинжилгээ, шуурхай удирдлагын албаны албан тушаалтан “Б” нь бусдад давуу байдал бий болгосон гэх, “Чингис хаан” олон улсын нисэх онгоцны буудал дахь Гаалийн газрын гаалийн улсын байцаагч “Б” нь бусдад давуу байдал олгосон гэх, Хотын стандарт хяналтын газрын Барилга, байгууламжийн ашиглалт, бүртгэлийн хэлтсийн удирдах албан тушаалтан “Т” нь бусдаас хахууль авсан гэх, Улаанбаатар хот дахь Гаалийн газрын хяналтын улсын байцаагч “А”, “Ө”, “Б”, “Н” нар нь бусдаас хахууль авч бусдад давуу байдал бий болгосон гэх, Говь-Алтай аймгийн Онцгой байдлын газрын албан тушаалтан “Б” нар нь төсвийн хөрөнгийг хувьдаа завшсан, мөн бусдад давуу байдал бий болгосон гэх зэрэг эрүүгийн хэргүүдийн мөрдөн шалгах ажиллагааг дуусгаж, шүүхэд шилжүүлэх саналтай прокурорт хүргүүллээ.

Нийтийн мэдээллийн тухай хуульд заасан мэдээлэл нээлттэй, ил тод, үнэн зөв байх, бодитой мэдээллээр хангах үндсэн зарчмын дагуу авлигын гэмт хэргийн мөрдөн шалгах ажиллагааны талаарх мэдээллийг Монгол Улсын Үндсэн хуулийн 16 дугаар зүйлийн 14 дэх заалт, Эрүүгийн хэрэг хянан шийдвэрлэх тухай хуулийн 29.3 дугаар зүйлийн 5 дахь хэсэгт заасныг чанд баримтлан товч байдлаар олон нийтэд мэдээлж байна гэж АТГ-аас мэдээллээ.

мэдээ нийгэм

“Ногоон_бүс” аян амжилтай хэрэгжиж байна DNN.mn

Post author By Админ
Post date 2024-09-16
No Comments on “Ногоон_бүс” аян амжилтай хэрэгжиж байна DNN.mn

Баянгол дүүргийн цагдаагийн газраас Гэмт хэрэг, зөрчлөөс урьдчилан сэргийлэх ажилд идэвхи, санаачлага гарган ажилласан иргэн, аж ахуйн нэгжид талархал гардууллаа.

мэдээ нийгэм цаг-үе

НӨАТ-ын сугалааны тохирол лхагва гаригт болно DNN.mn

Post author By Админ
Post date 2024-09-16
No Comments on НӨАТ-ын сугалааны тохирол лхагва гаригт болно DNN.mn

НӨАТ-ын урамшууллын 2024 оны есдүгээр сарын сугалааны тохирол тааруулах шууд нэвтрүүлгийг есдүгээр сарын 18-нд 13.00 цагт ибаримт аппликейшн болон Боловсрол суваг телевизээр орон даяар шууд дамжуулна.

Иргэн та 2024 оны наймдугаар сарын 01-нээс 31-ний өдрийн хооронд худалдан авалт хийсэн цахим төлбөрийн баримтаа бүртгүүлж, сугалаандаа хамрагдана уу.

мэдээ нийгэм

Дөрвөн эгнээ бүхий хоёр урсгалтай 1.5 км авто замын хөдөлгөөнийг ирэх сарын 10-нд нээнэ DNN.mn

Наадамчдын замаас Нүхтийн ам чиглэлд дөрвөн эгнээ бүхий хоёр урсгалтай 1.5 км авто замын ажил үргэлжилж байна.

Уг авто замын хөдөлгөөнийг ирэх сарын 10-нд нээх юм. Гүйцэтгэгчээр “Борхойн зам” ХХК ажиллаж байгаа бөгөөд иргэдийн зорчдог гол зам тул эгнээ бүрээр нь зам хаан, авто зам тавих ажлыг хийнэ. Мөн борооны ус зайлуулах шугам хоолой суурилуулах, авто замын дэргэдэх хөвөөг өнгөн хучилттай зэрэгцүүлж хийсний дараа нэг метр өргөнтэй явган хүний зам барина.