Category: баннер

Categories
мэдээ нийгэм нүүр-хуудасны-онцлох онцлох-нийтлэл туслах-ангилал эдийн-засаг-ангиллын-баннер

Тэрбумтан Роберт Фридланд: Ирээдүйд Оюу толгой шиг 20 орд бий болсноор дэлхийн зэсийн хэрэглээг хангана DNN.mn

– УУЛ УУРХАЙН ДОЛОО ХОНОГ ҮРГЭЛЖИЛЖ БАЙНА –

“Mongolian Mining week 2023” буюу “Монголын уул уурхайн долоо хоног” нэгдсэн арга хэмжээ хоёр дахь жилдээ Шангри-ла Их танхимд зохион байгуулагдаж байна. Уг чуулганаар салбарын бүх түвшний оролцогч талууд тулгамдсан асуудлуудаа таван өдрийн турш өргөн хүрээнд хэлэлцэнэ. Тус чуулганаар эрдэс баялгийн салбарын олон улс дахь өрсөлдөх чадварыг тодорхойлж, хөрөнгө оруулалтын шинэ орчныг бүрдүүлсэн эрх зүйн шинэчлэл, бүтээгдэхүүний тээвэрлэлт, дэд бүтцийн төслүүдийг онцолж, байгал орчинд сөрөг нөлөөгүй, хариуцлагатай уул уурхайг хөгжүүлэх чиглэлд хийгдэж буй ажлуудыг танилцуулж байгаа юм.

Тус арга хэмжээнд Австрали, Австри, Канад, АНУ, БНСУ, БНХАУ, ОХУ, Герман, Энэтхэг, Япон, Финлянд, ӨАБНУ, Арабын нэгдсэн Эмират улс, Франц, Испани, Пакистан зэрэг 20 орчим улсын 300 гаруй зочин төлөөлөгч, хөрөнгө оруулагчид хүрэлцэн ирж, дотоодын аж ахуйн нэгж байгууллагын 3000 гаруй төлөөлөгч оролцож байгаа гэдгийг албаныхан хэллээ.

Чуулганы эхний өдөр Ерөнхийлөгч У.Хүрэлсүх арга хэмжээнд оролцогчдод болон гадны хөрөнгө оруулагчдад хандан үг хэлсэн. Тэрбээр “Өнгөрсөн хугацаанд 80 гаруй нэр төрлийн ашигт малтмалын 10 мянган гаруй орд, илрэлийг тогтоож, улсын эрдэс баялгийн сан хөмрөг арвижсан. Өнөөдрийн байдлаар уул уурхайн салбарт 60 гаруй мянган хүн ажиллаж, эдийн засгийн дөрөвний нэг, нийт экспортын орлогын 90 гаруй хувь, төсвийн орлогын 30 орчим хувь, нийт гадаадын хөрөнгө оруулалтын 80 шахам хувийг энэ салбар дангаараа бүрдүүлж, эдийн засаг, төсөв, санхүүгийн гол судас болон хөгжиж байна. Олборлолтоос боловсруулалтад шилжих шилжилтийг богино хугацаанд амжилттай хийхэд онцгой анхааран ажиллаж, зэсээ бүрэн баяжуулж, нүүрсээ гүн боловсруулахаас эхлээд уул уурхайн баялгаа нэмүү өртөг шингээсэн эцсийн бүтээгдэхүүн болгох учиртай” гэсэн юм.

ХӨРӨНГӨ ОРУУЛАГЧИД ТУХАЙН УЛСЫН ХУУЛЬ, БОДЛОГЫГ НЬ ХАРААД Л ХӨРӨНГӨ ОРУУЛАХ ЭСЭХЭЭ ШУУД ТОДОРХОЙЛДОГ БОЛОМЖИЙГ НЭЭХ ХЭРЭГТЭЙ ГЭВ

Харин чуулганы хоёр дахь өдрийн хэлэлцүүлгээр яригдсан чухал сэдэв бол Ашигт малтмалын тухай хуулийн шинэчилсэн найруулгын төслийг танилцуулсан явдал байлаа.

Монгол Улс хөрөнгө оруулалтын орчноо сайжруулах, хөрөнгө оруулагчдын эрх ашгийг хамгаалах чиглэлд цогц шинэчлэл хийж, хөрөнгө оруулалтын бодлогоо улам сайжруулж, тогтвортой, тууштай байж, “Итгэлтэй, найдвартай, удаан хугацааны түнш” байх зарчим баримтлан, хөрөнгө оруулалтын орчныг сайжруулах, хөрөнгө оруулагчдын эрх ашгийг хамгаалах чиглэлээр эрх зүйн болон институтийн шинэчлэлүүдийг хэрэгжүүлж байгаа талаар албаныхан хэллээ.

УУХҮЯ-ны Төрийн нарийн бичгийн дарга С.Магнайсүрэн: -Энэхүү арга хэмжээнд гадаадын хөрөнгө оруулагчдыг түлхүүтэй оролцуулах, татах чиглэлээр цааш цаашдаа уламжлал болгон зохион байгуулна. Арга хэмжээгээр яригдаж байгаа гол асуудал бол эрх зүйн орчинг сайжруулах. Тэр утгаараа Ашигт малтмалын хуулийг шинэчлэх, Үндэсний баялгийн сангийн тухай хуультай болох зэргийг голлож ярилаа. Хүнд үйлдвэртэй холбоотой аж үйлдвэржилтийн бодлогоо бид бас тодорхой болгох ёстой юм байна. 2020 оноос Ашигт малтмалын хуулийг боловсруулах ажлын хэсэг ажиллаж эхэлсэн байдаг. Уг хууль өөрөө орон нутгийн уялдаа холбоог хангах, салбар хоорондын уялдаа холбоог хангах хамгийн том ач холбогдол бүхий хууль. Тэр утгаараа багагүй хугацаанд энэхүү хуулийн төслийг судалж, одоо бэлэн болоод байна.

Хуульч, өмгөөлөгч К.Жархынбек: -Мэдээж уул, уурхайн салбарт гадаадын хөрөнгө оруулалт асар их шаардлагатай. Тэр утгаараа бид гадаадын хөрөнгө оруулалтыг яаж татах вэ гэдэг дээр анхаарах ёстой. Хөрөнгө оруулагчдыг татахын тулд манай улсын хууль эрх зүйн орчин тодорхой, ойлгомжтой, тогтвортой байх шаардлагатай.

Үүнд л хамгийн гол зүйл оршиж байгаа юм. Батлагдсан хуулиа бид хөрөнгө оруулагчдадаа танилцуулах, цаашид ямар байдлаар эрх зүйн орчин өөрчлөгдөх вэ гэдгээ сайн хэлж, таниулж байх учиртай. Тэгэж байж бид хөрөнгө оруулагчдын итгэлийг олж авна. Итгэл байгаа цагт хөрөнгө оруулагчид орж ирэх нь гарцаагүй. Тиймээс юун түрүүнд бид хууль, эрх зүйн орчноо маш зөвөөр, ойлгомжтой тодорхой гаргах шаардлагатай байна. Хоёрдугаарт, татварын бодлого тогтвортой байх ёстой.

Цаашдаа Монгол Улсын хууль нь ийм байна, бодлого нь ийм байдаг юм байна гээд хөрөнгө оруулагчид шууд хардаг, итгэдэг болгох хэрэгтэй. Өөрөөр хэлбэл Монгол Улсын төрийн бодлого, хууль эрх зүйн орчин нь ийм юм байна. Тэгэхээр бид ийм хөрөнгө оруулалтыг ингэж хийвэл бидэнд тийм хэмжээний ашигтай байх нь гэдэг ерөнхий тооцоолол хийх боломжоор нь бид хангах шаардлагатай. Тэгэж чадаж байж бид хөрөнгө оруулагчдыг татна. Маш энгийнээр хэлбэл хууль, тогтоол, татварын бодлого хөрөнгө оруулагчдад ойлгомжтой, боломжийг нь нээж өгсөн байдлаар гарчихсан байх шаардлагатай гэсэн үг. Товчхондоо хөрөнгө оруулагчид тухайн улсын хууль, бодлогыг нь хараад л хөрөнгө оруулах эсэхээ шууд тодорхойлдог боломжийг нээх хэрэгтэй.

Монголын уул уурхайн үндэсний ассоциацийн зөвлөлийн дарга Г.Батцэнгэл: -Хайгуулын салбар манай улсад зогсонги байдалд орсон. Үүнийгээ дагаад гадаадын хөрөнгө оруулалт удааширч, эрдэс баялгийн сангийн нөөц хомсдож байгаа. Монгол Улс одоогоор хайгуулд 42 сая ам.доллар зарцуулсан бол дэлхий нийт 11.2 тэрбум ам.доллар зарцуулж байна. Дэлхий ногоон эдийн засаг, хөрөнгө оруулалт руу чиглэж байгаа энэ үед мэдээж нүүрсний салбарт хөрөнгө оруулалт бага байх нь тодорхой харагдаж байгаа учраас зэс, алт, газрын ховор элементийн нөөцийг нэмэгдүүлэх хайгуулын санхүүжилтийг нэмэгдүүлэх шаардлагатай.

АНУ, Канадын бизнесмэн, тэрбумтан Роберт Фридланд: -Дэлхийн улсууд уул уурхайн салбарын хөгжил тогтвортой, ногоон ирээдүйн төлөө чиглэж байна. 2035 он гэхэд дэлхийн зэсийн хэрэглээ 82 хувьд хүрч өснө. Тухайлбал, АНУ сэргээгдэх эрчим хүч үйлдвэрлэлд ирэх онд 397 тэрбум ам.доллар зориулахаар байгаа. 2022 онд тус улсын хэрэглээ 44 хувь байсан бол 2035 он гэхэд 65 хувь болж өсөхөөр байна. Түүнчлэн монголчууд Оюутолгойн ордоос олон үе дамжин ашиг хүртэнэ. Ирээдүйд Оюутолгой шиг 20 орд бий болсноор дэлхийн зэсийн хэрэглээг хангана. Монголын өмнийн говь зэс болон нефтийн асар их нөөцтэй. Тиймээс шинэ нөөц тогтоох хайгуулын ажлыг эрчимжүүлэх хэрэгтэй. Сүүлийн 20 жилд дэлхийд өрөмдлөг хийхгүйгээр нөөц тогтоодог өндөр технологи нэвтэрсэн. Тиймээс Монгол Улс тогтвортой ногоон хөгжлийн дэмжих орчин үеийн өндөр технологийг ашиглаж шинэ орд нээх боломж байна. Мөн шинэ технологийг нэвтрүүлж нутагшуулснаар дэлхийн бусад оронд туршлагаа экспортлох боломж бас байна.

Монголчууд уул уурхайн чадварлаг мэргэжилтнүүдийг бэлтгэж бусад орноос ялгарч болно. Конго болон Монгол Улс ойрын хугацаанд уул уурхайн салбарын хөгжлөөр тэргүүлэх боломжтой. Манай Конго дахь Оюутолгойн ордтой дүйцэхүйц зэсийн том орд долоо хоногт 301366 тонн зэс үйлдвэрлэдэг. Цаашид 650 мянган тонн зэс баяжуулна. Өөрөөр хэлбэл, Дэлхийд гуравт орох ногоон үйлдвэрлэлийг эрхэлсэн том орд. Энэ ордын орлогын 50 хувь нь улсдаа үлддэг.

Э.МӨНХТҮВШИН

Categories
мэдээ нүүр-хуудасны-онцлох онцлох-нийтлэл туслах-ангилал эдийн-засаг-ангиллын-баннер

А.Батпүрэв: Бодит цалинг өсгөхийн тулд бүтээмжийг нэмэгдүүлэх ёстой DNN.mn

Эдийн засагч А.Батпүрэвтэй ярилцлаа

-Иргэдийн цалин үнийн өсөлтийг дийлэхгүй байгаад нийгэм бухимдалтай байна. Тэгэхээр цалингийн хэмжээг ахиулахын тулд төрийн зүгээс ямар бодлого хэрэгжүүлэх ёстой вэ?

-Цалин нь иргэдийн гол орлого болохоор амьжиргааны түвшинтэй шууд холбоотой. Үүнээс гадна иргэдийн боловсрол, ур чадвараа дээшлүүлэх хүсэл эрмэлзэлд эергээр нөлөөлдөг. Тэр утгаараа эдийн засгийн нэг чухал нөөц болох хүмүүн капиталын хөгжилд голлох үүрэгтэй. Хөдөлмөр эрхлэлт нь улс орны эдийн засгийн өсөлтийн амин чухал хөдөлгөгч хүч юм. Учир нь төрөөс хөдөлмөр эрхлэлтийг дэмжих, иргэдийн хөдөлмөрийн орчныг сайжруулах, бодит цалинг нэмэгдүүлэхэд оролцох зайлшгүй шаардлага тулгардаг.

Монгол Улсын дундаж цалин сүүлийн таван жилд 60 хувь өсч 1.5 сая төгрөг болсон байна. Байршлаар нь харвал уул уурхайн дагасан Орхон ба Өмнөговь аймгууд хамгийн өндөр цалинтай байна. Гэвч энэ хугацаанд бодит цалин арван хувиар л өсчээ. Иймд ажилчдын худалдан авах чадварыг хамгаалах зорилгоор бодит цалингийн өсөлтөд анхаарах шаардлага тулгарч байна.

Том дүр зургаар нь авч үзвэл төрөөс иргэдийн цалингийн бодит орлогыг нэмэгдүүлэхийн тулд эдийн засгийн өсөлтийг бий болгох, бүтээмжийг нэмэгдүүлэх, инфляцийг нам тогтвортой байлгах ажлуудаа сайн хийх ёстой. Харин микро түвшинд шууд оролцдог үндсэн арга хэлбэр нь хөдөлмөрийн хөлсний доод хэмжээ, цалингийн орлогын татварыг оновчтой тогтоох юм.

-Төрийн албан хаагчдын цалин саяхан нэмэгдсэн. Энэ нь бодит цалинг өсгөхөд ямар нөлөө үзүүлэх вэ?

-Манай улсад албан ёсоор байнгын ажил хөдөлмөр эрхэлж буй хүмүүсийн 20 орчим хувь нь төрийн байгууллага, төрийн өмчит компаниудад ажиллаж байгаа гэдэг. Энэ бол хувийн хэвшил давамгайлсан чөлөөт эдийн засагтай орны хувьд өндөртөө орохоор тоо. Тийм ч учраас төрийн албан хаагчдын цалин нэмэгдэх нь хөдөлмөрийн зах зээл дэх нэг өрсөлдөгч гэдэг утгаараа хувийн хэвшлийн цалинд тодорхой нөлөө үзүүлж болох юм. Гэхдээ төрийн албан хаагчдын тооны гол цөмийг бүрдүүлдэг эрүүл мэнд, боловсролын байгууллагуудын хувьд угаасаа хувийн хэвшилд илүү өндөр цалинтай байдаг. Иймд орлуулах нөлөө нь бага.

-Манай улс импортлогч орон. Гэтэл цалингийн хэмжээ дэлхийн дунджаас ч доогуур байдаг. Ийм бага цалингаар дэлхийн зах зээлийн ханшаар заримдаа бүр өндөр үнээр худалдан авалт хийж байна. Тэгэхээр цалин хөлсний хэмжээгээ дэлхийн дундаж руу дөхүүлж очихын тулд хөдөлмөр эрхлэлтийг хэрхэн дэмжих вэ?

-Хөдөлмөрийн нийлүүлэлт болон бүтээмжийн өсөлт нь эдийн засгийн өсөлтийг тодорхойлдог. Гэвч манай улсын эдийн засгийн өсөлт болон ажилгүйдлийн түвшин харилцан хамаарал бага явж ирсэн. Энэ нь манай эдийн засгийн дөрөвний нэгийг бүрдүүлж буй уул уурхайн салбар нь ажиллах хүчийг бага шингээж байгаатай холбоотой юм. Уул уурхайн салбарт бүтээмж бусад салбартай харьцуулахад өндөр байдаг. Гэтэл хөдөө аж ахуйн салбарт уул уурхайгаас тав дахин их хүн ажилладаг боловч бүтээмж нь 8.6 дахин бага байгаа. Үүнээс болоод хөдөө аж ахуй, үйлчилгээний салбарт цалин бодитой өсөхгүй байгаа юм. Товчхондоо бүтээмж, цалингийн өсөлт өндөр байгаа уул уурхайн салбарт хөдөлмөрийн нийлүүлэлт нь эрэлтээсээ өндөр. Харин бусад салбарт нийлүүлэлт нь хомс буюу бүтцийн ажилгүйдэл бий болоод байна. Тиймээс хөдөлмөрийн оролцоог нэмэгдүүлэхийн тулд цалинг өсгөх шаардлагатай. Цалин өсгөхийн тулд салбарын бүтээмжийг нэмэгдүүлэх ёстой.

-Ингэхэд халамжийн бодлого хөдөлмөр эрхлэлтэд яаж нөлөөлж байна?

-Саяхан “Нээлттэй Нийгэм Форум”-ын захиалгаар манай судлаачид судалгаа хийсэн. Үр дүнгээс нь үзэхэд халамжийн бодлого хөдөлмөр эрхлэлтэд шууд нөлөөлж байна. Тодруулбал, судалгаанд авч үзсэн хөдөлмөрийн насны хүн амын хөдөлмөр эрхэлдэг болон хөдөлмөр эрхэлдэггүй байдалд нийгмийн халамжид хамрагддаг эсэх нь бодитой нөлөөтэй байгаа юм. Судалгаанаас харахад халамж авдаг иргэдийн хувьд халамж авдаггүй иргэдтэй харьцуулахад 12.1 хувиар доогуур хөдөлмөр эрхлэх магадлалтай. Эрэгтэйчүүдийн хувьд халамж авдаг байх нь хөдөлмөр эрхлэх магадлалыг 15.5 хувиар бууруулж байгаа нь эмэгтэйчүүдээс харьцангуй өндөр байна.

-Хувийн хэвшлийнхэн цалингийн өсөлтийг дэмжихийн тулд юу хийх ёстой вэ. Ямар шийдэл байна. Цаашлаад бидэнд эдийн засгаа тэлэх ямар боломжууд байгаа вэ?

-Эдийн засгийг тэлэх гэдэгт өсөлт, төрөлжилт аль алиныг нь багтаана гэж ойлгож байна. Өсөлтийг дэмжихийн тулд өнөөдөр бид төр буюу төсвөөр дамжуулан орлого хуваарилах юм уу төрийн өмчит компаниудыг улам томруулснаар сайн үр дүнд хүрэхгүй. Энэ бол онолын хувьд төдийгүй бодит амьдрал дээр одоо нэгэнт нотлогджээ. Сүүлийн 20 жилд манай улсын төсөв 30 дахин томорсон. Гэвч өрхийн орлого ердөө арав дахин нэмэгдсэн. Үр дүнд нь хувийн хэвшил шахагдаж нэг хүнд ногдох ДНБ 4000 орчим долларын хавьцаа арав гаруй жил гацлаа. Иймд эдийн засгийн өсөлтийг дорвитой томоор нь өөрчилье гэвэл эдийн засгийг нээлттэй болгоё. Гадаад, дотоодын хувийн хэвшлийн хөрөнгө оруулалтыг салбар бүрд татах, бас айл өрхийн санхүүгийн чадавхыг бий болгох хэрэгтэй байна. Яг орон сууц, мал хувьчилсан шиг, хилээ нээж бүх хүн гадаад паспорт аваад наймаанд явдаг болсон шиг реформын шинжтэй өөрчлөлт хиймээр байна. Үүнийг хийх боломжит гарц нь төрийн мэдэлд байгаа уул уурхайн ордууд, тэдгээрийг эзэмшиж буй ТӨК-иудыг иргэддээ эзэмшүүлэх. Мөн иргэн бүрдээ газар өмчлүүлэх явдал байж болох юм. Аль алийг нь сайтар судлаад оновчтой хэрэгжүүлж чадвал Монголын эдийн засаг үсрэнгүй хөгжинө. Мөн эдийн засаг урт хугацаанд тогтвортой хөгжих тамир тэнхээг нь бүрдүүлэхийн тулд одоо нэгэнт бий болсон “Голланд өвчин”-ий сөрөг нөлөөг анагаах орлогын зөв менежмент хэрэгжүүлэх хэрэгтэй. Ингэж бий болгосон үр өгөөжөөсөө уул уурхайн бус, нэн ялангуяа олон улсад өрсөлдөх боломжтой салбаруудаа хөгжүүлэх хөрөнгө оруулалт хийх шаардлагатай байна. Дахиад л улс төр, засгаас хамааралтай байдлаар хуваарилах биш жинхэнэ утгаар нь Үндэсний баялгийн санг байгуулж хараат бусаар ажиллах боломжийг нь бүрдүүлж өгөх нь чухал.

-Ер нь Монгол Улсад дундаж давхаргыг яаж нэмэгдүүлэх вэ?

-Манай орны хувьд нийгмийн хамгааллын зардал дэлхийн дунджаас өндөр. Өөрөөр хэлбэл, өндөр орлоготой улс оронтой жишихүйц хэмжээнд байна. Уг нь цалин, хөдөлмөрийн хөлсийг нэмэгдүүлж, нийгмийн халамжийг бууруулах ёстой. Мөн бага орлоготой өрхийн гишүүдийн хөдөлмөр эрхлэлтийг нэмэгдүүлснээр нийгэм болон эдийн засагт эерэг нөлөө авчрах боломжтой. Ингэснээр хөдөлмөрийнхөө үр шимээр боломжийн амьдардаг дундаж давхаргыг бий болгох нөхцөл бүрдэнэ. Мэдээж хэрэг дундаж давхарга гэдгийг цалин гэх мэт орлогын абсолют тоогоор биш амьдралын чанараар нь тодорхойлох нь зүйтэй. Ингэж авч үзвэл дундаж давхаргыг нэмэгдүүлэх, бэхжүүлэх бодлого нь эдийн засгийн тогтвортой, олон тулгуурт өсөлт, нийгмийн цогц арга хэмжээнээс бүрдэх учиртай.

 

Categories
мэдээ нийгэм нийгэм-ангиллын-баннер нүүр-хуудасны-онцлох улс-төр

ЕРӨНХИЙ САЙД Л.ОЮУН-ЭРДЭНЭ АНУ-ЫН ДЭД ЕРӨНХИЙЛӨГЧ КАМАЛА ХАРРИС НАР АЛБАН ЁСНЫ ХЭЛЭЛЦЭЭ ХИЙЛЭЭ DNN.MN

Монгол Улсын Ерөнхий сайд Л.Оюун-Эрдэнэ АНУ-ын Дэд Ерөнхийлөгч эрхэмсэг хатагтай Камала Харрисын урилгаар тус улсад албан ёсны айлчлал хийж байна.

Наймдугаар сарын 2-ны өдөр Ерөнхий сайд Л.Оюун-Эрдэнэ АНУ-ын Дэд Ерөнхийлөгч Камала Харристай Цагаан ордонд албан ёсны хэлэлцээ хийв. Хэлэлцээний өмнө Монгол, Америкийн Стратегийн түншлэлийн өнөөгийн байдал, харилцаа, хамтын ажиллагааны тэргүүлэх чиглэлийн талаар хоёр орны Засгийн газрын түвшинд анх удаа мэдэгдэл хийлээ.

Ерөнхий сайд Л.Оюун-Эрдэнэ, Дэд Ерөнхийлөгч К.Харрис нар Монгол, Америкийн харилцаа Стратегийн түншлэл бэхжиж, хамтын ажиллагааны хүрээ улс төр, батлан хамгаалах, эдийн засаг, боловсрол, хүмүүнлэгийн салбарт өргөжиж байгааг онцлон тэмдэглээд цаашид хоёр улсын хамтын ажиллагааг сансар судлал, цахим хөгжил, эрдэс баялаг, тээвэр, ложистик, цаг уурын өөрчлөлт зэрэг салбарт гүнзгийрүүлэн хөгжүүлэх талаар санал солилцлоо.

Ерөнхий сайд Л.Оюун-Эрдэнэ Монгол Улс АНУ-тай сансар судлалын чиглэлээр хамтран ажиллах боломжуудыг судлах, цахим эдийн засаг, өндөр технологийн салбар дахь боловсон хүчний чадавхийг нэмэгдүүлэх, англи хэлний багш бэлтгэх, харилцан солилцох тоог нэмэгдүүлэх, ногоон хөгжил, онц чухал эрдэс баялгийн салбарт хамтран ажиллах, төсөл, хөтөлбөр хэрэгжүүлэх, Монгол Улсын Засгийн газраас 2023-2024 оныг “Авлигатай тэмцэх жил” болгон зарласантай холбогдуулж ардчиллыг бэхжүүлэх, авлигатай тэмцэх чиглэлд нягт хамтран ажиллах сонирхолтой байгаагаа илэрхийлэв.

Дэд Ерөнхийлөгч Камала Харрис олон жилийн дараа Монгол Улсын Ерөнхий сайд албан ёсны айлчлал хийж буйд баяртай байгаагаа илэрхийлээд АНУ нь Монгол Улстай ардчилал, зах зээлийн эдийн засаг, хүний эрх, эрх чөлөө, иргэний нийгмийн төлөвшил зэрэг нийтлэг үнэт зүйлсэд суурилсан харилцаа, хамтын ажиллагааг хөгжүүлэхэд ач холбогдол өгч буйг чухалчиллаа. Энэ хүрээнд хоёр улсын худалдаа, эдийн засгийн хамтын ажиллагааг шинэ агуулгаар баяжуулах, ардчилал, хүний эрхийг хамгаалах, сайн засаглалыг бэхжүүлэх, цаашид энэхүү ойр дотно хамтын ажиллагаагаа улам гүнзгийрүүлж нягт хамтран ажиллах эрмэлзэлтэй байгаагаа цохон тэмдэглэв.

Ерөнхий сайдын энэ удаагийн айлчлалаар “Стратегийн гуравдагч хөршийн түншлэлийн Монгол Улсын Засгийн газар, Америкийн Нэгдсэн Улсын Засгийн газар хоорондын эдийн засгийн хамтын ажиллагааны тухай Замын зураглал”-д хамтын ажиллагааны шинэ чиглэлүүдийг тусгаж батлахын зэрэгцээ “Агаарын тээврийн тухай Монгол Улсын Засгийн газар, АНУ-ын Засгийн газар хоорондын хэлэлцээр”, “Тээврийн салбарын харилцан сонирхсон асуудлаар хамтран ажиллах тухай Монгол Улсын Зам, тээврийн хөгжлийн яам, Америкийн Нэгдсэн Улсын Тээврийн яам хоорондын санамж бичиг”, “Хамтран ажиллах тухай Монгол Улсын Оюуны өмчийн газар, Америкийн Нэгдсэн Улсын Патент, барааны тэмдгийн газар хоорондын харилцан ойлголцлын санамж бичиг”-ийг тус тус байгуулна. Хэлэлцээний дүнгээр “Монгол, Америкийн Стратегийн гуравдагч хөршийн түншлэл”-ийн тухай хамтарсан мэдэгдэл гаргана

Categories
баннер мэдээ нийгэм цаг-үе

ШӨХТГ: “Юнивишн” ХХК-д 1.1 тэрбум төгрөгийн торгууль ногдуулжээ DNN.mn

Шударга өрсөлдөөн, хэрэглэгчийн төлөө газраас олон суваг дамжуулах, гурвалсан үйлчилгээ эрхлэгчдийн үзүүлж байгаа үйлчилгээ, бүтээгдэхүүн нь Өрсөлдөөний тухай, Хэрэглэгчийн эрхийг хамгаалах тухай болон бусад хууль тогтоомжид нийцэж байгаа эсэхэд удирдамжтай хяналт шалгалт хийсэн. Хяналт шалгалтаар Улаанбаатар хотын бүсэд “телевизийн олон суваг дамжуулах” үйлчилгээнд давамгай байдалтай аж ахуй эрхлэгчээр тогтоогдсон “Юнивишн” ХХК нь өөрийн давамгай байдлаа хууль бусаар ашиглаж хуулиар хориглосон ноёлох үйл ажиллагаа явуулсан зөрчил тогтоогдсон тул Зөрчлийн тухай хуульд заасны дагуу өмнөх жилийн борлуулалтын орлогын 4 хувьтай тэнцэх буюу 1.163.740.176 төгрөгийн торгууль ногдуулжээ.

“Юнивишн” ХХК-ийн Гүйцэтгэх захирлын 2022 оны 06 дугаар сарын 30-ны өдөр баталсан №В22/043 дугаартай үндсэн багцуудын шинэчилсэн нөхцөлд Улаанбаатар хотын бүх орон сууцанд өрхийн үйлчилгээний “S plus” багцыг 39.900 төгрөгөөр, гэр хороололд яг ижил үйлчилгээтэй “S plus” багцыг 43.900 төгрөгөөр хэрэглэгчдэд дамжуулахаар шийдвэрлэсэн байна.

Өрхийн үйлчилгээний төлбөрийг орон сууц болон гэр хороолол гэж ангилан ялгавартай үнэ тогтоосон нь давамгай байдалтай аж ахуй эрхлэгч өөрийн давамгай байдлаа хууль бусаар ашиглаж хуулиар хориглосон ноёлох үйл ажиллагаа явуулсан үйлдэл юм.

Categories
баннер гадаад мэдээ

Бен Ходжес: Оросын төр, засаг цэргийн гэмт хэрэг үйлдэж байна DNN.mn

АНУ-ын бэлтгэл генерал Бен Ходжес “BBC” агентлагт ярилцлага өгч “Украинд дайн болж байна. Иймээс Крым болон бусад гүүрийг ашиглалтаас гаргах нь оросын цэргийг зэвсэг хэрэгслээр хангах явдлыг тасалдуулна. Энэ нь Украины ялалтанд маш чухал үүрэгтэй зүйл. Иймээс Укриан Крымын гүүрийг хэрхэн, ямар аргаар дэлбэлснээ нуух нь зүйн хэрэг. Гол нь үр дүн. Иймээс Крымын гүүрийг дэлбэлсний хариуцлагыг Украин хүлээх албагүй.

Өнөөдөр Путинолон мянган эрчүүдийг цэрэг болгондайчилж,байлдаанызохихбэлтгэл хийлгэхгүйгээр фронтод явуулж байна. Оросын авлигаас болж цэргүүд нь олигтой зэвсэг хэрэгслээр хангагдаж чадахгүй байна. Дайчлагдсан орос цэргүүдэд байлдах чадвар ч, зориг ч, зорилго ч алга. Энэ бол Оросын төр, засаг цэргийн гэмт хэрэг үйлдэж байна гэсэн үг. Иймээс энэ дайчилгаа Кремльд сөрөг нөлөө үзүүлнэ гэдэгт би итгэлтэй байна.

Путин Украины фронтыг удирдуулахаар шинэ генерал томиллоо гээд байдал өөрчлөгдөхгүй. Учир нь энэ бүхэн бол Оросын армийн бүхэл бүтэн тогтолцооны асуудал. Иймээс ганц генерал байдлыг өөрчлөхгүй.

Путин Украины дайнд тактикийн цөмийн бөмбөг хэрэглэсэн чбайдлыг өөрчилж чадахгүй. Бас АНУ дайнд оролцохоос өөр аргагүй болно. Үүнийг Кремлийнхэн хүснэ гэж бодохгүй байна” гэж хэлсэн байна.

Categories
баннер нүүр-хуудасны-баннер нүүр-хуудасны-баннер-1

Баннер баруун

Categories
баннер мэдээ онцлох-нийтлэл туслах-ангилал улс-төр

Б.Оюунгэрэл: Намайг доромжлоход өнөөдөр би чимээгүй болоод ширээн доогуур ороод суучихаж болно, харин маргааш таны, миний охинд яг ийм тулгалт ирнэ || DNN.mn

Монголын эмэгтэйчүүдийн холбооны ерөнхийлөгч Б.Оюунгэрэлтэй ярилцлаа.

-Та Монголын эмэгтэйчүүдийн холбооны ерөнхийлөгчөөр сонгогдоод гурван жил өнгөрчээ. Тус холбоо өдгөө хэрхэн ажиллаж байна вэ?

-2021 онд Монголын эмэгтэйчүүдийн холбоо нийт 22 удаагийн сургалт, лекцийг цахимаар хийсэн байна. Жил бүр МЭХ нэг сэдвийг барьж авч ажилласаар ирсэн. 2019 онд “Хүчирхийллийн эсрэг хүн бүрийн оролцоо” буюу бага насны хүүхдийн эсрэг үйлдэгдэж байгаа бэлгийн хүчирхийллийн асуудлыг хөндсөн. 2020 онд архины эсрэг “Архитай биш, тархитай тэмцье”, 2021 онд “Хаалга” буюу хаалганы цаана үйлдэгддэг гэр бүлийн хүчирхийллийг хөндөж энэ нь гэмт хэрэг гэдгийг олон нийтэд ойлгуулах зорилготой байсан. Гэр бүлийн хүчирхийллийн цаана хэн нэгний амь нас, аюулгүй байдал яригдаж байдаг. Энэ хүрээнд МЭХ-ноос гэр бүлийн тухай хууль батлуулах, гэр бүлийн хүчирхийлэлтэй тэмцэх хууль болон Зөрчлийн тухай хууль, Эрүүгийн тухай хуульд нэмэлт, өөрчлөлт оруулах саналуудыг гаргаад Хууль зүйн яамтай хэд хэдэн уулзалт зохион байгуулаад явж байна.

-Хуульд ямар ямар өөрчлөлт оруулахаар санал хүргүүлсэн бэ?

-Бэлгийн хүчирхийлэлд өртөж байгаа хүүхдийн тоо сүүлийн гурван жилд гурав дахин өссөн харамсалтай тоо баримт байна. Энэ бүгдээс харахад бид хүчирхийлэлтэй ялын бодлогоор тэмцэж чадахгүй нь ээ. Хүүхэд бэлгийн хүчирхийлэлд өртөнө гэдэг бол насан туршийн бие мах бод, сэтгэл санааны хохирол амсдаг. Түүнчлэн эдийн засгийн хохирол ч амсдаг. Бага насны хүүхэд өөрийгөө өмгөөлөх чадвар байдаггүй. Тэр утгаараа гэр бүлийн хүн нь тухайн хүүхдийг шүүх дээр өмгөөлдөг, түүний өмнөөс шийдвэр гаргаж оролцдог. Гэтэл хамгийн харамсалтай нь бэлгийн хүчирхийлэлд өртсөн хүүхдийн цаана ихэнх тохиолдолд буюу 85 хувь нь гэр бүлийн гишүүд нь байдаг. Хамгийн аюулгүй амьдрах учиртай гэр орон хамгийн эрсдэлтэй орчин болж хувираад байна. Хүүхэд, эмэгтэйчүүдийг гудманд барьж авч зодож хүчирхийлэхээс илүү гэр орны хүрээнд энэ асуудал өрнөөд байна шүү дээ. 2020 онд гэхэд 330 хүүхэд бэлгийн хүчирхийллийн хохирогч болсон гэх тоо байна. Энэ зөвхөн шүүх дээр ирсэн тоо. Огт ирээгүй, нуун дарагдаж байгаа олон тохиолдол бий. Яагаад гэвэл ихэнх нь гэр бүлийн хүрээнд үйлдэгддэг хэрэг учир нуун дарагдуулж өнгөрөөх нь элбэг байна. Хүүхэд хаана, хэнд гомдол гаргахаа мэддэггүй. Энэ төрлийн гэмт хэргийн хохирогч болсон хүүхэд насан туршийн хохирогч, насан туршийн даван туулагч байдаг. 0-13 насны хүүхэд бэлгийн хүчирхийллийн хохирогч болсон бол гэмт хэргийг үйлдсэн этгээд өнөөгийн мөрдөгдөж байгаа Эрүүгийн хуулиар 1220 жилийн ял авдаг санкцтай.

Гэтэл 20 жилийн ял авсан түүх байдаггүй. Ихэвчлэн ялын доод, бага хэмжээгээр ял авсан байдаг. Үүнийг дэлгэрүүлээд харах юм бол хохирогч хүүхдийг төлөөлж байгаа хүн нь гэр бүлийнх нь насанд хүрсэн этгээд, гэмт хэрэг үйлдсэн этгээд нь мөн л гэр бүлийнх нь насанд хүрсэн этгээд байдаг. Үндсэндээ нэг гэр бүлийн хоёр хүн нэг нь хохирогч, нөгөөх нь яллагдагч болж ирж байгаа юм. Энэхүү тохиолдолд энэ төрлийн гэмт хэрэг ял завших магадлал маш өндөр. Тийм учраас ялын доод хэмжээг дээшлүүлэх саналыг хүргүүлсэн. Түүнчлэн энэ төрлийн гэмт хэрэгт өртсөн хүүхдүүдэд сэтгэл санааны нөхөн төлбөр олгодог байя гэж байгаа юм. 0-13 нас, 14-18 нас хоёр ангиллаар ялын санкц нь өөр өөр байдаг. Тиймээс 0-18 нас хүртэлх хүүхдийг хүчирхийлсэн бол нэг ялын санкцаар шийтгэдэг байх саналыг мөн хүргүүлсэн. Түүнчлэн ажлын байрны бэлгийн дарамттай холбоотой заалтыг хасчихсан. Энэ заалтыг буцааж оруулъя гэж байгаа юм.

-Цар тахлын үед гэр бүлийн хүчирхийлэл нэмэгдсэн гэх тоон мэдээлэл бас л эмзэг сэдэв болоод авлаа…

-Цар тахлын улмаас гэр бүлийн хүчирхийлэл 19 хувиар өссөн гэх тоо гарсан. Монголын эмэгтэйчүүдийн холбоо таслан сэргийлдэг биш, урьдчилан сэргийлдэг улс болгох зорилготой. Бид мянга мянган хамгаалах байр, шорон бариад хүчирхийлэлтэй тэмцэж чадахгүй. Харин маш сайн хүн хүмүүжүүлж, хайр түгээж, урьдчилан сэргийлж, соён гэгээрүүлж байж тэмцэнэ. Социализмын үед улсын төсвийн 30 хувийг соён гэгээрүүлэх ажилд зарцуулдаг байсан юм билээ. Нэг жагсаал хийгээд, хэд хэдэн акц хийгээд хүчирхийлэлтэй тэмцэхгүй ээ. Компаничилсан бодит ажил хэрэг болгож удаан хугацаанд хэрэгжүүлэх шаардлагатай. Монголын эмэгтэйчүүдийн холбоог нийгэмд төрийн байгууллага мэтээр үздэг. Төрийн өмнө үүрэг хүлээсэн субьект гэж ойлгодог хандлагууд ажиглагддаг. Монголын эмэгтэйчүүдийн холбоо бол Монголд үйл ажиллагаа явуулж байгаа 27 мянган ТББ-ын л нэг нь. Тэр утгаараа бидний хуулиар хүлээсэн үүрэг юу билээ. Хуулийн хүрээнд зохион байгуулж хийх ажил маань юу билээ. Энэ хүрээндээ л үйл ажиллагаагаа явуулдаг. Шүгэлээ үлээж байна. Төр засаг руу саналуудаа хүргүүлж байна. Эргээд нийгэмдээ соён гэгээрлийн ажлуудаа хийж байна. Мөн салбаруудаараа дамжуулан иргэд олон нийт рүү чиглэсэн сургалт, лекц зохион байгуулахаас гадна төсөл хөтөлбөрүүдийг хэрэгжүүлж байна.

-Төрийн соёрхолт С.Удвалын амьдралаас сэдэвлэсэн “Улаан цэцэг” киног Монголын эмэгтэйчүүдийн холбоо санаачилж, дэлгэцнээ гарахад бэлэн болжээ. Яагаад С.Удвал гуайн амьдрал намтраар кино хийх болов?

-Анх Монголын эмэгтэйчүүдийн холбооны ерөнхийлөгчөөр сонгогдчихоод энэ байгууллагынхаа түүхийг судалж үзээд их сүрдсэн л дээ. Яг үнэндээ социализмын үед Монголын эмэгтэйчүүдийн холбоо яамны дайтай бүтэц байсан юм билээ. МЭХ XX зууны төр, нийгмийн зүтгэлтэн, Төрийн соёрхолт зохиолч С.Удвалын амьдралаас сэдэвлэсэн “Улаан цэцэг” кино төсөл бичиж, Швейцарийн хөгжлийн агентлагаас санхүүжилт авч, хандив босгож киногоо хийж бүтээсэн. Кино маань энэ сарын 7-нд нээлтээ хийх гэж байна. Түүнчлэн эмэгтэйчүүдтэй холбоотой түүх маш бага бичигдэж үлдсэн байдаг. Шийдвэр гаргах түвшинд ажилладаг эмэгтэйчүүдийн цаана ямар жаргал, зовлон байдаг, тэд юу золиосолж нийгмийн төлөө зүтгэдэг гэдгийг энэ киногоор олон нийтэд хүргэхийг хичээсэн. Эмэгтэй хүн шийдвэр гаргах түвшинд дээд албан тушаал хашаад явахад ямар асуудал тохиолддог, ямар дарамт шахалт ирдэг, ямар жаргал зовлог байдаг зэргийг харуулахыг зорилоо. Энэ киноноос олсон орлогоо бид нийгмийн сайн сайхны төлөө зорилтот төсөл рүү зарцуулахаар төлөвлөж байна.

-Өөр ямар ажлуудыг хийхээр төлөвлөж байна?

-2022 онд “Эмэгтэйчүүдийн эрүүл мэнд, хөдөлмөр эрхлэлт”-ийг дэмжиж ажиллахаар төлөвлөсөн. МЭХ-ноос “Хавдаргүй монгол эмэгтэй” төсөл эхлүүлж байгаа юм. Төслийн хүрээнд Mobile clinic буюу “Явуулын эмнэлэг”-ийг бид ажиллуулахаар төлөвлөж байна. Үүнтэй холбогдуулан энэ сарын 9-нд хандивын хүлээн авалт зохион байгуулна. Энэхүү төсөлд алслагдсан аймаг сумд буюу хөдөө орон нутагт амьдарч буй эмэгтэйчүүд, хөгжлийн бэрхшээлтэй эмэгтэйчүүд, хотын захын дүүрэгт амьдарч буй эмэгтэйчүүдэд “Явуулын эмнэлэг” очиж үйлчлэх юм. Уг үйлчилгээгээр умайн хүзүүний хавдрын эрт илрүүлэг, оношилгоо, хөхний хавдрын эрт илрүүлэг оношилгоог хийхээс гадна эрүүл мэндийн боловсрол олгох, ажлын байрны сургалт явуулах зэрэг хөтөлбөрүүдтэй.

-Эмэгтэйчүүдийн эрх зөрчигдсөн асуудалд Монголын эмэгтэйчүүдийн холбоо дуугарахгүй байна гэдэг. Учир нь МЭХ-ны ерөнхийлөгч нь эрх барьж байгаа намын гишүүн учраас дуугарахгүй байна гэх шүүмжлэл байх юм…

-Монголын эмэгтэйчүүдийн холбооны найман ерөнхийлөгч нь УИХ-д нэр дэвшиж байсан. Үүний долоо нь УИХ-д сонгогдон ажиллаж байсан. Монголын эмэгтэйчүүдийн холбоо гэдэг байгууллагын стратегийн нэг гол зорилго нь шийдвэр гаргах түвшинд эмэгтэйчүүдийн оролцоог нэмэгдүүлэх, шийдвэр гаргах түвшинд ажиллах, эмэгтэйчүүдийг дэмжих байдаг. Тэр утгаараа Монголын эмэгтэйчүүдийн холбооны ерөнхийлөгчийг сонгуульд нэр дэвших эрхийг нь энэ холбоо өөрөө дэмждэг байгууллага. Би МАН-ын гишүүн байлаа гээд Монголын эмэгтэйчүүдийн холбоо улс төрийн ямар ч үйл ажиллагаа явуулаагүй. Үүнийг би маш хариуцлагатай хэлнэ. Цаашдаа ч явуулахгүй. МЭХ хүмүүнлэгийн маш олон ажил хийдэг. Бид татвар төлөгчдийн мөнгөөр цалинждаггүй. Бид төрөөс 2022 онд нэг ч төгрөг аваагүй. МЭХ-ны 21 аймгийн дарга цалингүй ажилладаг. 2021 онд Гэр бүл, хүүхэд залуучуудын газарт төсөл бичиж 20 гаруй сая төгрөгийн санхүүжилт авснаар “Бүүвэй-бүү айг” акц, хүүхдийн бэлгийн хүчирхийллийн эсрэг үйл ажиллагаа, жендерт суурилсан 16 хоногийн аян зэрэг үйл ажиллагааг нэгтгэж зохион байгуулж тайлангаа өгсөн. Бид байгаа нөөцдөө ажиллаж байна. Гэсэн хэдий ч байгаа нөөцдөө гэлгүй аймаг, сум бүрт олон нийтийн ажил хийгдэнэ. МЭХ өнгөрсөн жил хоёр оюутны төлбөрийг төлсөн байна. Ээжүүдэд мөн гэр авч өгсөн. Дорнод аймгийн МЭХ маань эмнэлгүүдэд аппарат авч өглөө. Сүхбаатар аймгийн холбоо маань ээжүүдэд хандив тусламж өгч байна. ОУЭЭХӨ-ийг угтан “Хаалга” төслийг үндэсний хэмжээнд зохион байгуулсан. Энэ нь хаалганы цаана үйлдэгддэг хүчирхийлэл нь гэмт хэрэг юм гэдгийг олон нийтэд ойлгуулах зорилготой. Арга хэмжээний хүрээнд “Эмэгтэйчүүдэд тулгамдаж байгаа асуудлыг асууя” санал асуулгыг нийслэлийн есөн дүүрэг, 21 аймаг, 330 суманд явуулсан. Хөхний хавдраас урьдчилан сэргийлэх, эрт илрүүлэх зорилгоор “Эрүүл хөх” аянд 10 мянган охид, эмэгтэйчүүд хамрагдсан. Арга хэмжээ долоо хоног үргэлжилсэн.

-Нийгмийн сүлжээ бидний амьдралын салшгүй нэг хэсэг болсон. Энэ талаар та ямар бодолтой байдаг вэ?

-Өнөөдөр бид нийгмийн сүлжээнд хэр ёс суртахуунтай байгаа билээ. Эмэгтэйчүүдийг үсний ширхэгнээс нь хөлний ул хүртэл нь өөлж муулж байна. Бүр үр хүүхэд, үнэт зүйл рүү нь орж байна. Тухайн хүний цаана гэр бүл, үр хүүхэд нь бий. Тэдэнд нь яаж нөлөөлж байгааг ойлгохгүй, хүний эрх нэрийн дор бусдын эрхийг дэвсэлж байна. Өөрөө хүний эрх гэж ярьчихаад бусдын эрхийг зөрчдөг байдал бий болчихсон шүү дээ. Хүний эрх гэж үг хэлж байгаа бол бусдын эрхийг зөрчихгүй байх хэрэгтэй. Хүний эрх гэдэг бол дур зоргоороо авирлахын нэр биш. Тэр утгаараа хэн нэгний нэр төрд халдана гэдэг байж болохгүй зүйл.

-Таны хувцас хунартай холбоотой зүйл нэлээд явдаг, энэ тухай?

-Намайг гоё хүүхэн, ганган хүүхэн гээд нийгмийн сүлжээнд хэсэг бүлэг бичдэг. Нэгдүгээрт, би татвар төлөгчийн мөнгөөр хувцас авч өмсөөгүй. Өөрийнхөө хөдөлмөрлөсөн мөнгөөр хувцас авч өмсөж байна. Миний ямар хувцас өмсөх нь шүүмжлээд байгаа хэсэг нөхдөд хамаатай зүйл биш.

Миний юу ярих, юу хийх хамаатай бол сайн. Мөн намайг нийгмийн сүлжээнд зургаа их оруулдаг гэдэг. Цаашдаа ч би оруулах болно. Яагаад гэхээр нийгмийн сүлжээ гэдэг нэг талаасаа таны, миний орон зай. Нөгөө талаасаа нийгмийн орон зай. Ямар тохиолдолд өөрийн зай гэж ойлгодог вэ гэхээр би бусдын эрхэд халдаагүй тохиолдолд энэ миний орон зай гэж ойлгодог. Би хэн нэгний эрхэд халдчихвал нийгмийн орон зай болно. Намайг доромжлоход өнөөдөр би чимээгүй болоод ширээн доогуур ороод суучихаж болно. Харин маргааш таны, миний охинд яг ийм тулгалт ирнэ. Тэгэхээр бид нэг ч гэсэн хүний хандлагыг өөрчилж, бараан чулууг түлхэж өнгөрүүлээд дараагийн үеийнхээ явах замын бартааг бага ч гэсэн засч өгмөөр байна. Аливаа зүйлд таны эрхэд халдаагүй бол бусдын эрхэд битгий халдаач ээ гэж хэлмээр байдаг.


Categories
баннер мэдээ нийгэм онцлох-нийтлэл туслах-ангилал

Өдрийн сонинд “Нэг хүн, нэг намын засаглал дэлхийд үеэ өнгөрөөсөн байна” хэмээн өгүүллээ

Өглөө бүр тантай хамт байдаг “Өдрийн сонин”-ы баасан гаригийн дугаар 12 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт УИХ-ын гишүүн Т.Энхтүвшин “Гуравдугаар
сараас хил
гаалийн
асуудал
сайжрах
болов уу гэж
бодож байна” гэснийг “Улс төр” нүүрээс уншаарай.

ШӨХТГ-ын
дарга Б.Бат-Эрдэнэ “Тоёота сейлс Монголиа”
компанийг торгоод зогсохгүй монополь
байдлыг нь задална” гэлээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Нэг хүн, нэг намын засаглал
дэлхийд үеэ өнгөрөөсөн байна” хэмээн өгүүллээ.

СУИС-ийн Хөгжмийн
урлагийн сургуулийн
морин хуурын багш,
СТА Д.Түвшинбаяр “Үг хэлэх
эрх гэдэг
хэн нэгнийг
доромжилж
элдвээр
хэлэх эрх биш
байлтай” хэмээснийг “Амьдралын өнгө” нүүрээс уншаарай.

Энэ удаагийн “Өдрийн сурвалжлага”-аар Эрээн, Замын-Үүдэд
үүсээд буй нөхцөл байдал,
ачаа тээврийн бөөгнөрөл,
хил хаалттайн улмаас
бараа материалын үнэ
өссөн зэрэг шалтгааны
талаар сурвалжиллаа. Замын-Үүдийн
тээвэрчин Ж.Мөнхцэцэг “Монголын гаалийн
татварыг хятадууд өөрсдөө мэдээд
тохироод авчихдаг” гэв.

“Болор цом”-ын эзэн яруу
найрагч Б.Болорцэрэн “Мууранд дургүйцэж,
шоглох тохиолдол их гарахад
“Чөлөө учрал” шүлгээ бичсэн юм” хэмээлээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы баасан гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 86888990 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу


“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
баннер мэдээ нийгэм

Ерөнхий боловсролын 145 дугаар сургууль болон 277 дугаар цэцэрлэгийн цогцолбор ашиглалтад оржээ

Нийслэлийн ерөнхий боловсролын 145 дугаар сургууль, 277 дугаар цэцэрлэгийн цогцолбор ашиглалтад орж, хамран сургах тойргийн дагуу Чингэлтэй дүүргийн 14 дүгээр хорооны хүүхдүүд гэртээ ойр, тав тухтай орчинд сурч боловсрох боломжтой боллоо.

Сургууль, цэцэрлэгийн хүрэлцээ хангамжийг сайжруулах зорилгоор 20 айлын 9,000 м.кв газрыг улсын төсвөөр чөлөөлж, 2018 онд барилгын ажил эхэлсэн бөгөөд энэ оны зургаадугаар сард улсын комисс хүлээн авчээ.

Тус цогцолборын 145 дугаар сургууль нь 180 хүүхдийн суудалтай, зургаан анги танхим, спорт заал, халуун хоол үйлдвэрлэл явуулах стандартын гал тогоотой баригджээ. Өнөөдрийн байдлаар 103 сурагч 20 багш ажилтантайгаар хичээл сургалтын үйл ажиллагаагаа эхлүүлсэн байна.

Цэцэрлэгийн тухайд таван бүлэгт 120 хүүхдийг хүлээн авах хүчин чадалтай. 20 багш, ажилтан халдвар хамгааллын дэглэмээ баримтлан хүүхэд багачуудаа хүлээн авч байгаа аж.

Categories
баннер мэдээ энтертаймент-ертөнц

“Iphone 13”-ын эрэлт буурчээ

Өнгөрсөн есдүгээр сард “Apple” компани “iPhone” гар утасны шинэ загвараа танилцуулсан. Уг загвар нь худалдаанд гарсан цагаасаа борлуулалтаараа тэргүүлж байсан ч сүүлийн үед эрэлт нь буурчээ.

Шинжээчид компанийн борлуулалтыг зургаан хувиар өсөж, 117.9 тэрбум ам.доллар хүрнэ гэж тооцоолж байв. Энэ нь өнгөрсөн оныхтой харьцуулахад маш бага үзүүлэлт юм. Эрэлт бага байгаа нь дараагийн загварт олон шинэчлэл орсон гэх мэдээлэлтэй холбоотой байж болзошгүй тухай гаднын хэвлэлүүд онцолжээ.