Month: November 2024

Categories
мэдээ нийгэм

Он гарсаар 84700 гадаадын иргэнд цахим виз олгожээ DNN.mn

Хууль зүй, дотоод хэргийн сайд О.Алтангэрэл өчигдөр Гадаадын иргэн, харьяатын газрын үйл ажиллагаатай танилцжээ. Энэ үеэр Гадаадын иргэн, харьяатын газрын дарга Н.Ууганбаяр байгууллагын бүтэц зохион байгуулалт, виз, оршин суух зөвшөөрөл олголт, цахим үйлчилгээний нэгдсэн системийн үйл ажиллагаа, хууль тогтоомжийн хэрэгжилт, байгууллагын үйл ажиллагаатай холбоотой нэгдсэн тоон мэдээлэл өгч, цаашид хэрэгжүүлэх ажлаа тайлагнасан байна. Гадаадын иргэн, харьяатын газар нь 2024 онд гадаадын иргэн, түүнийг уригч иргэн, хуулийн этгээдэд үзүүлэх виз зөвшөөрлийн үйлчилгээг бүрэн цахимжуулсан бөгөөд 2021 оноос хойш 700 мянга гаруй иргэнд цахимаар үйлчилгээ үзүүлсэн байна. Тухайлбал, Энэ оны эхний 10 сарын байдлаар цахим визийн evisa.mn cистемээр жуулчин /K2/, соёл урлаг, спортын тэмцээн уралдаанд оролцогч /K4/, дамжин өнгөрөх /K6/ зэрэг дөрвөн ангиллын визийг гадаадын 84744 иргэнд олгожээ. Энэ нь өмнөх оны мөн үеэс 3.2 дахин өссөн үзүүлэлттэй байгаа юм.

Мөн өнгөрсөн сараас визийн зөвшөөрлөөр олгогддог байсан 54 ангиллын визийг цахимаар олгож, гадаадын иргэнийг уригч нь immigration.gov.mn системээр шууд виз мэдүүлэх боломж бүрдсэн байна.

Categories
мэдээ нийгэм

Нийслэлд 559.8 мянга гаруй мод тарилаа DNN.mn

Уур амьсгалын өөрчлөлтийн нөлөөллийг бууруулах, ой, усны нөөцийг хамгаалж нэмэгдүүлэх, экологийн тэнцвэрт байдлыг хангах, мод тарих соёлыг түгээн дэлгэрүүлэх, олон нийтэд сурталчлан таниулах зорилгоор 2024 оны намрын мод тарих арга хэмжээг нийслэлийн Байгаль орчны газраас “Ногоон хот – Иргэний оролцоо” уриатайгаар аравдугаар сарын 4-26-ны хооронд нийслэлийн 9 дүүргийн хэмжээнд зохион байгууллаа.

2024 оны намрын байдлаар 23084 иргэн, 1052 аж ахуйн нэгж байгууллага нийт 559802 мод, бут, сөөгийг тарьж, агаар орчны бохирдлыг бууруулахад хувь нэмэр оруулаад байна.

Гэр хорооллын 15974 айл өрх хашаандаа 44425 ширхэг мод тарьжээ. Мөн нийслэлд нийтийн эзэмшлийн 67084 ам.метр талбайд зүлэгжүүлэлт, 19851 ам.метр талбайд цэцгийн мандал байгуулжээ.

Түүнчлэн модлог ургамлын тарьц, суулгацын үзэсгэлэн худалдааг нийслэлд 5 байршилд зохион байгуулж, мод тарих аж ахуйн нэгж, байгууллага, иргэдийг стандартын тарьц, суулгацаар хангаж, технологийн заавар, зөвлөмж өгөх, тарьц, суулгацын гарал үүсэлд хяналт тавих ажлуудыг хэрэгжүүлээд байна.

Монгол Улсын Ерөнхийлөгчийн 2021 оны 58 дугаар зарлиг “Тэрбум мод” үндэсний хөдөлгөөний хүрээнд 2021-2024 онуудад нийт 3.369.619 ширхэг мод бут таригдаж, 95 хувийн амьдралтай байгаа билээ.

2024 оны намрын байдлаар дараах байршлуудад мод тарьжээ.

– Баянзүрх дүүргийн 28 дугаар хороо “IGM” цэцэрлэгт хүрээлэн – 8267

– Хан-Уул дүүрэг, 14 дүгээр хороо, Түргэний гол дагуух “Ногоон хэрэм” зурвас – 10570

– Налайх дүүрэг, 7 дугаар хороо, “Шинэ Налайх цэцэрлэгт хүрээлэн”- 1671

– Баянгол дүүрэг, 20 дугаар хороо, “Баянгол цэцэрлэгт хүрээлэн”- 1292

– Сонгинохайрхан дүүрэг, 21 дүгээр хороо, “Инчон мөрөөдлийн төгөл”- 13846

– Чингэлтэй дүүрэг, 19 дүгээр хороо, дээд салхит “Хайрхан хөгжлийн төв”- 256

-Хан-Уул дүүрэг, 14 дүгээр хороо, Айцын ам – 1680

-Баянзүрх дүүрэг, 20 хороо, Гачууртын зам-1, “УБЗАА-Мод үржүүлгийн газар”- 30460

Categories
мэдээ цаг-үе эдийн-засаг

Он гарсаар 278,5 мянган тонн нүүрс экспортолжээ DNN.mn

Монгол Улс 2024 оны арваннэгдүгээр сарын 4-ны өдөр 278,5 мянган тонн нүүрс экспортолсон байна. 2024 оны эхнээс экспортолсон нүүрсний хэмжээ 66,726.0 мянган тонн хүрч, үүнийг өнгөрсөн оны мөн үетэй харьцуулахад 26.5 хувиар өссөн байна.

Categories
мэдээ спорт

Волейболын Үндэсний дээд лигийн тоглолтууд эхэллээ DNN.mn

Монголын Волейболын Холбооноос жил бүр зохион байгуулдаг, 2024-2025 оны Үндэсний дээд лигийн албан ёсны нээлт өчигдөр AIC STEPPE ARENA-д болов.

Монголын волейболын холбоо, Аренжвент Энтертаймэнт Вишн компани хамтран 2 дахь жилдээ AIC STEPPE ARENA-д зохион байгуулж буй Үндэсний дээд лигийн энэ жилийн онцлог нь орчин үеийн дэвшилтэт технологи болох, олимпод ашиглагддаг 4D REPLAY ухаалаг камерын ухраах, удаашруулах зэрэг торгон мөчүүдийг дэлгэцээр давтан дамжуулах юм.

Гурван сарын хугацаанд үргэлжлэх тус тэмцээнд эрэгтэй 9, эмэгтэй 7 баг өрсөлдөх ба лигийн нэгдүгээр тойргийн тоглолт 11-р сарын 23-ныг дуустал AIC STEPPE ARENA-д үргэлжилж, харин хоёрдугаар тойргийн тоглолт 12-р сард орон нутагт аялан тоглолт хэлбэрээр явагдах ба эхний гурван тойргоос хамгийн их оноотой эрэгтэй, эмэгтэй дөрвөн баг хагас шигшээд шалгарч, үлдсэн тоглолтууд 2025 оны 1-р сараас AIC STEPPE ARENA-д болох юм.

Нээлтийн үйл ажиллагааг Visual 3D контентоор цацсан нь онцгой байсан ба МУГЖ, поп дива Т.Ариунаа, “ЧИНГИС ХААН” одонт, Соёлын элч Морин хуурын чуулга, реппер Цэцэ, бүжигчин Чингүүн нар уран бүтээлээрээ чимлээ.

Дашрамд онцлоход 100 гаруй жилийн түүхтэй, багийн спортын ууган төрлийн нэг болох волейболын спорт нь Монгол Улсын хэмжээнд хамгийн олон үзэгчтэй, хамгийн олон хичээллэгчтэй, хамгийн олон хөгжөөн дэмжигчтэй багийн спортуудын нэг билээ.

Тасалбарыг aicsteppearena.mn вэбсайтаар худалдаалагдаж байна.

Categories
мэдээ цаг-үе эдийн-засаг

Тяньжинд автаар гарахаар хүлээгдэж буй 450-500 чингэлэг байна DNN.mn

Тяньжин боомтын нөхцөл байдлын мэдээг хүргэж байна.

Аравдугаар сарын 1-нээс 10-р сарын 31-ны хооронд Тяньжин боомтоос Эрээн/ЗҮ чиглэлд нийт 39 галт тэрэг гарсан гэсэн мэдээлэлтэй байна. Тяньжин төмөр замын өртөөнд Монгол руу явахаар хүлээгдэж байгаа 7500TEU буюу 3750 орчимд чингэлгүүдийн үлдэгдэл хэлбэлзэж байна. Тяньжин боомт дээр автаар гарахаар хүлээгдэж буй 450-500 чингэлэг, Эрээн-ээс Замын-Үүд дээрхи автын чингэлэг 500 орчим байна. 2024 оны МУ болон БНХАУ ачаа тээврийн C болон D бичиг хугацаа нь дууссан бөгөөд 11, 12-р сард хугацаа нь дуусах C төрлийн зөвшөөрлийн бичиг 2024.12.31-ний өдрийг хүртэл хэвийн явна.

2024.11.05-ний өдрөөс эхлэн D зөвшөөрлийн бичгийг олгож эхлэхээр болсон байна.

Тяньжин боомтод ирсэн чингэлгүүд дунджаар 95-150 хонож гарч байгаа бол боомтоос Эрээн/ЗҮ чиглэлд чингэлэг дунджаар 6-8 хоног, ЗҮ/Улаанбаатар чиглэлд 3-7 хоногт тээвэрлэгдэж байна.

Улаанбаатар хотын гаалийн хяналтын талбайнуудад нийт 1582 чингэлэг байгаагаас Ачаатай: 955, Хоосон: 627 чингэлэг байна.

Categories
мэдээ нийгэм

Нарансэвстэйн боомтыг нээхийг эсэргүүцэж Засгийн газар, УИХ-ын гишүүдэд захидал илгээлээ DNN.mn

Монголын байгаль орчны иргэний зөвлөлөөс Нарансэвстэйн боомтыг нээх гэж байгааг эсэргүүцэж байгаль орчны эрдэмтэд, Засгийн газар, УИХ-ын гишүүдэд хандан захидал хүргүүлж байна.

Энэ боомтыг нээснээр Их говийн дархан цаазат газрын А хэсгийн экологийн тэнцвэрт байдал болон мазаалай, хавтгайд сөргөөр нөлөөлөх ажээ.

 

Эх сурвалж: Зууны мэдээ

Р.Оюун

Categories
эдийн-засаг

Агаарын тээврээр зорчигч өнгөрсөн оны мөн үеэс 27 хувиар өсчээ DNN.mn

Энэ оны эхний 10 сард бүх төрлийн тээврээр 125.3  сая зорчигч тээвэрлэлээ. Үүнээс:

  • автотээврээр 121.7 сая зорчигч,
  • агаарын тээврээр 1.9 сая,
  • төмөр замаар 1.6 сая зорчигч тээвэрлэсэн байна.

Агаарын тээврээр зорчигчдын тоог өнгөрсөн оны мөн үетэй харьцуулахад 27 хувиар өсөлт үзүүлжээ.

Тэгвэл 2024 оны эхний 10 сард бүх төрлийн тээврээр 107 сая тонн ачаа тээвэрлэлээ. Үүнээс:

  • автотээврээр 70.5 сая тонн ачаа,
  • төмөр замаар 36.5 сая тонн ачаа
  • 8.5 мянган тонн ачааг агаараар тээвэрлэсэн байна.

Бүх төрлийн тээврийн ачааг өнгөрсөн оны мөн үетэй харьцуулахад 20.5 хувиар өссөн үзүүлэлттэй байна.

Тодруулбал 2023 оны мөн үетэй харьцуулахад автотээврээр тээвэрлэсэн ачаа 24.2 хувиар өссөн бол төмөр замаар тээвэрлэсэн ачаа 14 хувиар тус тус өсжээ.

Categories
мэдээ спорт

Жюү жицүгийн бүсний ангилалтай ДАШТ-нд оролцох баг тамирчид Абу Дабиг зорилоо DNN.mn

Абу Даби хотноо энэ сарын сарын 6-16нд болох жюү жицүгийн бүсний ангилалтай ДАШТ-нд оролцох  баг тамирчдын түрүүч өнөөдөр эх орноосоо мордлоо.

Тус Дэлхийн аваргад 137 орны 9000 тамирчин 11 өдрийн турш бүх нас, бүсний ангилалд өрсөлдөнө. Манай улсаас 107 тамирчин, 6 дасгалжуулагч, 2 шүүгч, 3 албаны хүмүүс оролцоно.

Categories
мэдээ улс-төр

ЭЗБХ: Тогтвортой хөгжлийн зорилгын дэд хорооны даргаар УИХ-ын гишүүн Б.Мөнхсоёлыг сонгов DNN.mn

Улсын Их Хурлын Эдийн засгийн байнгын хорооны өнөөдрийн (2024.11.05) хуралдаан 10 цаг 57 минутад гишүүдийн 52 хувийн ирцтэйгээр эхэлж, хоёр асуудал хэлэлцэн шийдвэрлэлээ.

Эхлээд “Нэр дэвших хүсэлтийн загвар батлах тухай”  Байнгын хорооны тогтоолын төслийг хэлэлцэн батлав. Байнгын хорооны дарга Р.Сэддорж төслийн талаар танилцуулсан. Монгол Улсын Их Хурлын тухай хуулийн 22 дугаар зүйлийн 22.3.13 дахь заалт, Монгол Улсын Их Хурлын чуулганы хуралдааны дэгийн тухай хуулийн 129 дүгээр зүйл, Монгол Улсын Их Хурлын хяналт шалгалтын тухай хуулийн 30 дугаар зүйлийн 30.1, 30.6 дахь хэсэг, Төвбанк/Монголбанк/-ны тухай хуулийн 26 дугаар зүйл 1, 2, 3 дахь хэсэг, 271 дүгээр зүйлийн 3, 4 дэх хэсэг, 273 дугаар зүйлийн 2 дахь хэсэг, Санхүүгийн зохицуулах хорооны эрх зүйн байдлын тухай хуулийн 11 дүгээр зүйлийн 11.2, 11.5, 11.6 дахь хэсэг, 29 дүгээр зүйлийн 29.3, 29.4, Статистикийн тухай хуулийн 131 дугаар зүйлийн 131.2 дахь хэсэг, 14 дүгээр зүйлийн 3 дахь хэсгийг үндэслэн Эдийн засгийн байнгын хорооноос төслийг боловсруулжээ. Тус төслийн хавсралтаар Монголбанкны ерөнхийлөгч, Тэргүүн дэд ерөнхийлөгч, Дэд ерөнхийлөгч, Монголбанкны Хяналтын зөвлөлийн дарга, гишүүн, Төв банкны Мөнгөний бодлогын хорооны гишүүн, Санхүүгийн зохицуулах хорооны дарга, гишүүн, тус Хорооны Хяналтын зөвлөлийн дарга, гишүүн, Үндэсний статистикийн хорооны дарга, тус Хорооны зөвлөлийн гишүүнд нэр дэвших хүсэлтийн загваруудыг төслийн хавсралтаар тус бүрд нь батлахаар боловсруулсан байна.

Төслийн танилцуулгатай холбогдуулан Улсын Их Хурлын гишүүн М.Бадамсүрэн, Л.Соронзонболд, А.Ундраа, Н.Батсүмбэрэл, П.Батчимэг нар асуулт асууж, Байнгын хорооны дарга болон Байнгын хорооны ажлын албанаас хариулт, тайлбар авав. Нэр дэвших хүсэлтийн маягтыг холбогдох хуульд заасан шалгуурын дагуу нарийвчлан боловсруулах саналыг М.Бадамсүрэн гишүүн хэлсэн бол тус маягтуудад хуулиас давсан шалгуур, шаардлагыг тусгахгүй байхад анхаарахыг Э.Батшугар гишүүн анхааруулж байв.

Хуулиар тогтоосон хугацаатай албан тушаалтнуудын ажиллах хуулийн хугацаа дуусч байгаатай холбогдуулан сонгон шалгаруулалт болон нээлттэй сонсголыг шуурхайн зохион байгуулах саналыг Н.Батсүмбэрэл гишүүн гаргасан. Ийнхүү гишүүд төсөлтэй холбогдуулан үг хэлсний дараа санал хураалт явуулахад хуралдаанд оролцсон гишүүдийн 84.6 хувь нь дэмжиж  “Нэр дэвших хүсэлтийн загвар батлах тухай”  Байнгын хорооны тогтоолын төслийг баталлаа.

“Тогтвортой хөгжлийн зорилгын дэд хорооны даргыг сонгох тухай” Байнгын хорооны тогтоолын төслийг дараа нь хэлэлцэв. Эдийн засгийн байнгын хорооны харьяанд Монгол Улсын тогтвортой хөгжлийн зорилгуудыг хууль тогтоомж болон хөгжлийн бодлого, төлөвлөлтийн баримт бичигт тусгах, хэрэгжилтэд хяналт тавих асуудлыг дагнан хариуцаж, эрхлэх асуудлынхаа хүрээнд судалгаа хийх, холбогдох мэдээлэл авах, зохих албан тушаалтан, иргэн, байгууллагаас тайлбар авах, ажлын хэсэг байгуулах, Улсын Их Хурлын бусад шийдвэрийн төсөл боловсруулах, санал, дүгнэлт гаргаж, түүнийгээ харьяалагдах Байнгын хороонд, шаардлагатай бол Байнгын хороогоор уламжлан нэгдсэн хуралдаанаар хэлэлцүүлэх, эрхэлсэн асуудлаараа тогтоол гаргах эрхтэй Тогтвортой хөгжлийн зорилгын дэд хороо байгуулагдсан. Тус дэд хорооны даргад Улсын Их Хурлын гишүүн Б.Мөнхсоёлыг нэр дэвшүүлж буйг Р.Сэддорж дарга танилцууллаа.

Тогтвортой хөгжлийн зорилгын дэд хорооны даргад нэр дэвшүүлэхтэй холбоотой асуудлаар Н.Алтаншагай гишүүн лавлаж, Байнгын хорооны даргаас хариулт авлаа. Дэд хорооны даргад нэр дэвшүүлэх, сонгох нь Монгол Улсын Их Хурлын тухай хуулийн дагуу явагддаг гэлээ. Дараа нь санал хураалт явуулахад гишүүдийн олонх Тогтвортой хөгжлийн зорилгын дэд хорооны даргаар Б.Мөнхсоёл гишүүнийг сонгохыг дэмжив. Иймд холбогдох тогтоолын төсөл батлагдаж, Р.Сэддорж

Categories
мэдээ нийгэм

Ганц худгийн аманд 150 метр үерийн хамгаалалтын сувгийг шинэчилж, 3 хэсэгт ус хуримтлуулах сан барина DNN.mn

Баянзүрх дүүргийн 21, 27 дугаар хороо, Дарь-Эх Ганц худгийн ам орчим нь сүүлийн жилүүдэд дараалан үер бууж, их хэмжээний хохирол учруулж байсан эрсдэл ихтэй байршил юм. Тиймээс үер болдог эрсдэл ихтэй тухайн байршилд гурван хэсэгт ус хуримтлуулах сан бүхий 150 метр урттай үерийн хамгаалалтын сувгийн засвар, нөхөн сэргээлтийн ажлыг хийхээр төлөвлөж, газар шорооны ажлыг хийж байна. Энэ талаар ГУББГ-ын Ерөнхий инженер С.Батсайханаас тодрууллаа.

Тэрбээр “Улаанбаатар хотод орсон усархаг борооны улмаас 2023 оны зун Дарь-Эх, Ганц худгийн ам орчимд үер бууж, дөрвөн хүний амь эрсдэж, айл өрхүүдийн хашаа, байшин, автомашин үерт автаж их хэмжээний хохирол учруулж байсан. Мөн 2018, 2021, 2022 онд ч Дарь-Эхийн үерийн улмаас хохирол үүсэж, Ганц худгийн урссан замыг дахин барьсан ч тохиолдол байдаг. Тиймээс тухайн хэсгийн үерийн байгууламжийг сэргээн засварлах, дээд хэсэгт шаталсан байдлаар 3 ус хуримтлуулах сан үүсгэхээр зураг төслийг боловсруулсан.

2024 оны хавар НОБГ-ын дарга, хурандаа А.Дашнямаар ахлуулсан ажлын хэсгийн бүрэлдэхүүн Дарь-Эх Ганц худаг орчимд газар чөлөөлөлтийг эхлүүлсэн. Айл өрхүүдийн орон байрыг шийдэж, нүүлгэн шилжүүлэх ажлуудыг НОБГ, ГУБГГ, Баянзүрх дүүргийн тохижилт үйлчилгээний компаниудтай хамтарч хийсэн. Газрыг чөлөөлж, өнөөдрийн байдлаар ГУБГГ-аас 11 машин механизм, 23 инженер, техникийн ажилчдын бүрэлдэхүүнтэйгээр тухайн байршилд ажиллаж байна. Ус хуримтлуулах сангийн байршлын талбайг гаргаж авах газар шорооны ажлыг арваннэгдүгээр сард багтаан хийнэ. Ажил 10-20 хувийн гүйцэтгэлтэй байна. Харин ирэх хавар инженерийн хийцлэлтэй барилгуудыг барихаар төлөвлөж, төсөвт санал оруулсан” гэлээ.

Тодруулбал, Ганц худгийн ам орчимд нийт 80 мянган метр куб газар шорооны ажлыг арваннэгдүгээр сард багтаан хийж дуусгана. Үргэлжүүлэн 3 шаталсан ус хуримтлуулах сан, 150 метр үерийн хамгаалалтын даланг хавтанжуулах, боомтын барилгыг сэргээн засварлах ажлуудыг хийхээр төлөвлөжээ.