Month: September 2024

“Нийслэлийн өмчит Улаанбаатар Хөрөнгө оруулалт, менежмент ҮЦК” ХХК-ийн ТУЗ-ийн хараат бус гишүүний сонгон шалгаруулалтын зар DNN.mn

Монгол Улсын Компанийн тухай хуулийн 79 дүгээр зүйлийн 79.1 дэх заалт, 81 дүгээр зүйлийн 81.5 дахь хэсгийг тус тус үндэслэн “Нийслэлийн өмчит Улаанбаатар Хөрөнгө оруулалт, менежмент ҮЦК” ХХК-ийн Төлөөлөн Удирдах Зөвлөлийн хараат бус гишүүний сонгон шалгаруулалтыг зарлаж байна.

Хараат бус гишүүнд нэр дэвшигчид тавигдах шаардлага:

Дээд боловсролтой байх
Компанитай нэгдмэл сонирхолтой болон компанийн үйл ажиллагаанд оролцогч талуудын /хувьцаа эзэмшигчид, хувьцааны багцыг эзэмшигч, хамтран ажиллагсад гэх мэт/ ашиг сонирхлыг төлөөлдөггүй байхаас гадна бизнесийн аливаа холбоогүй байх
Тодорхой албан тушаал эрхлэх, эсвэл үйл ажиллагаа явуулах эрхийг нь шүүхийн шийдвэрээр хасаагүй, ял шийтгэл хүлээгээгүй байх
Компанийн төлөөлөн удирдах зөвлөлийн гишүүн байхад ашиг сонирхол үүсгэхгүй байх.
Санхүүгийн зах зээл дээр гурваас (3) доошгүй жил ажилласан туршлагатай, энэ чиглэлээр мэргэшсэн
Үнэт цаасны зах зээлийн зохицуулалттай этгээд болон банк, даатгал, бусад санхүүгийн компанид зөрчлийн улмаас тусгай зөвшөөрлийг хүчингүй болгох үед нь удирдлагад нь ажиллаж байсан бөгөөд зөвшөөрөл хүчингүй болсноос хойш гурван (3) жил өнгөрсөн байх
Санхүү, үнэт цаасны зах зээлд гаргасан зөрчлийн улмаас захиргааны хариуцлага хүлээснээс хойш нэг (1) жил өнгөрсөн байх
Тухайн компани болон түүний холбогдох этгээдэд ажил албан тушаал эрхэлдэггүй, эсхүл сүүлийн 3 жилийн хугацаанд эрхэлж байгаагүй
Бизнесийн харилцаатай компанийн толгой эсхүл охин, хараат компанийн ажилтан, албан тушаалтан биш байх
Хугацаа хэтэрсэн болон шүүхийн шийдвэртэй өр төлбөргүй байх
Компанийн засаглалын сургалтад хамрагдсан байх

Бүрдүүлэх материал:

Сонгон шалгаруулалтад оролцох хүсэлт
Анкет (төрийн албан хаагчийн анкетыг бүрэн бөглөх, 4*6 хэмжээтэй цээж зураг заавал наасан байх)
Ажил байдлын тодорхойлолт (ажил эрхэлдэг иргэн байгууллагаасаа тодорхойлолт авах, ажил эрхэлдэггүй иргэн өөрийн хийж гүйцэтгэсэн ажлын талаарх мэдээлэл)
Боловсролын диплом, үнэмлэх, бусад сургалт, семинарт хамрагдсан гэрчилгээ, сертификатын хуулбар
Компанийн засаглалын гэрчилгээний хуулбар
Иргэний үнэмлэхийн хуулбар
Нийгмийн даатгалын дэвтрийн хуулбар
Цагдаагийн тодорхойлолт

Дээрх сонгон шалгаруулалтын материал хүлээн авах хугацаа, газар:

Сонгон шалгаруулалтад орох иргэний материалыг 2024 оны 09 дүгээр сарын 18-ны өдрийн 10:00 цаг хүртэл “Нийслэлийн өмчит Улаанбаатар Хөрөнгө оруулалт, менежмент ҮЦК” ХХК-ийн info@ubim.mn цахим хаягаар болон компанийн байранд хүлээн авна.

Сонгон шалгаруулалтын шаардлага хангасан иргэнтэй зөвхөн холбоо барина.

Хаяг: Улаанбаатар хот, Сүхбаатар дүүрэг, 8 дугаар хороо, Ерөнхий сайд А.Амарын гудамж,

Үнэн сонины байр, 3 давхар Утас: 7717-1414

“Нийслэлийн өмчит Улаанбаатар Хөрөнгө оруулалт, менежмент ҮЦК” ХХК Төлөөлөн Удирдах Зөвлөлийн нэр дэвшүүлэх хороо

мэдээ нийгэм

Баянхонгор аймгийн Баянлиг суманд 4.5 магнитудын хүчтэй газар хөдөлжээ DNN.mn

Баянхонгор аймгийн Баянлиг суманд өчигдөр газар хөдөлжээ.

Тодруулбал, сумын төвөөс зүүн зүгт 54 км-ын зайтай газарт өчигдөр 13:35:28 цагт 4.5 магнитудын хүчтэй газар хөдөлжээ.

Бэртэж гэмтсэн хүн болон учирсан хохирол байхгүй гэж мэдэгдсэн байна.

мэдээ нийгэм цаг-үе

Өнгөрсөн долоо хоногт чиглэлийн тээврийн хэрэгслийн буюу I эгнээгээр зорчсон 51 мянга гаруй зөрчил бүртгэгджээ DNN.mn

Замын хөдөлгөөний удирдлагын төвөөс өнгөрсөн долоо хоногийн ажлын өдрүүдэд буюу энэ сарын 9-13-ны хооронд бүртгэгдсэн замын хөдөлгөөний зөрчлийн тоон мэдээг танилцууллаа.

Тодруулбал,

Хурд хэтрүүлсэн – 830;
Үзлэг, оношилгоонд ороогүй болон тэнцээгүй – 825;
Гэрлэн дохио зөрчсөн – 299;
Ачилтын торгууль – 1542;
“E-Police” аппликейшнаар ирүүлсэн зөрчил – 3004;
Автобусны буюу 1-р эгнээгээр зорчсон – 51,144;
Түр болон удаан зогсох хориотой газар зогссон – 3448 зөрчил бүртгэгдсэн байна.

Иймд жолооч та бүхэн замын хөдөлгөөнд дүрмийн дагуу соёлтой оролцоно уу.

мэдээ нийгэм цаг-үе

“Нарантуул” захын зүүн хойно цагдаагийн пост ажиллаж эхэллээ DNN.mn

Post author By Админ
Post date 2024-09-16
No Comments on “Нарантуул” захын зүүн хойно цагдаагийн пост ажиллаж эхэллээ DNN.mn

“Нарантуул” захын зүүн хойно байрлах иргэдийн ярьж заншсанаар “Мангасын ам” нь захаас зүүн хойш гардаг ганц гарц бөгөөд архидан согтуурах, тэнэмэл иргэд ихтэй, орчны нөхцөл байдал хүнд байсан. Тэгвэл энэ асуудлыг шийдэхээр Хотын дарга Х.Нямбаатар энэ сарын 7-нд тус байршилд очиж ажилласан. Ажлын үр дүнд өнөөдөр тус байршилд цагдаагийн пост ажиллаж эхэллээ. Мөн орчны нөхцөл байдлыг сайжруулсан байна.

Энэ талаар нийслэлийн Засаг даргын нэгдүгээр орлогч Н.Мандуул “Баянзүрх дүүргийн 42 дугаар хорооны нутаг дэвсгэр “Нарантуул” захын зүүн хойно бид ажиллаж байна. Есдүгээр сарын 7-нд Хотын дарга энд ирж ажиллахдаа иргэдийн тав тух, аюулгүй байдлыг алдагдуулсан хэсэгт хэв журмыг сахиулах үүрэг өгсөн. Үүний дагуу нийслэлийн Цагдаагийн газар, Баянзүрх дүүргийн Цагдаагийн газраас цагдаагийн постыг богино хугацаанд барьж, орчны байдлыг аюулгүй бөгөөд эмх цэгцтэй болгосон байна. Эмх цэгцтэй, хэв журамтай, аюулгүй хот байлгахын төлөө хотын зүгээс үргэлжлүүлэн ажлууд төлөвлөж байгаа” хэмээлээ.

Харин “Мангасын ам”-ын орчмын нөхцөл байдлын талаар Цагдаагийн ерөнхий газрын дэд бөгөөд нийслэлийн Цагдаагийн удирдах газрын дарга, цагдаагийн хурандаа О.Ганбат “Энэхүү цагдаагийн пост нь нэмэх болон хасах 50 хэмд дулаанаа бүрэн барих боломжтой зөөврийн сууц юм. Нийслэлийн Засаг даргаас богино хугацаанд хөрөнгийг шийдэж өглөө. Баянзүрх дүүргийн ЗДТГ-ынхан орчныг тохижуулах, ойр орчмын том хашаануудыг зөөвөрлөх хөрөнгийг шийдвэрлэж богино хугацаанд үр дүнтэй ажлуудыг хийлээ. Энэ хавийн нөхцөл маш хүнд. “Нарантуул” захаас зүүн хойш гардаг ганц гарц бөгөөд явган хүний зорчих хөдөлгөөн автомашинтай хамт явдаг учраас түгжрэл ихтэй. Ойр орчимд архидан согтуурах болон тэнэмэл хүмүүс олноор ирдэг. Үүнийг дүгнэж үзээд Баянзүрх дүүргийн ЗДТГ, Цагдаагийн газраас зохион байгуулалтын арга хэмжээ авч, 30 гаруй хүнийг Гачууртад эмчилгээнд хамрууллаа. Цаашид ч ажлыг үргэлжлүүлэхээр төлөвлөж байна. Энд ажиллах найман албан хаагчийг томилсон. Эдгээр арга хэмжээний үр дүнд иргэдийн аюулгүй байдлыг хангах, тав тухтай орчинд ажиллаж амьдрах нөхцөл бүрдэнэ гэж харж байна. Мөн орчны аюулгүй байдалд анхаарахын тулд камержуулах ажлуудыг хийж шаардлага бий. Гэхдээ үүнийг төр дангаараа хийх бус “Нарантуул” зах нийгмийн хариуцлагын хүрээнд санаачилга гаргаж хамтарч ажиллана гэж найдаж байна” гэв.

Иргэдийн зүгээс олон жил хүнд нөхцөл байдалтай байсан газар ийнхүү цагдаагийн пост байгуулж, орчныг тохижуулсанд талархалтай хандаж буйг Баянзүрх дүүргийн цагдаагийн газрын дарга, цагдаагийн дэд хурандаа П.Нэмэхбаатар хэллээ. Түүнчлэн “Мангасын ам”-наас зүүн тийш чиглэлтэй замын нөхцөл байдлыг сайжруулахын тулд замын трассыг баталсан. Удахгүй газар чөлөөлнө. Дахин төлөвлөлт нэрийдлээр барьсан стандартын бус замбараагүй барилгуудыг ойрын хугацаанд цэгцлэх ажлыг эхлүүлсэн тухай нийслэлийн Засаг даргын нэгдүгээр орлогч Н.Мандуул хэлсэн юм.

гадаад мэдээ

Кир Стармер: НҮБ-ын Ерөнхий Ассамблейн чуулган дээр энэ асуудал яригдана DNN.mn

Вашингтонд болсон АНУ-ын ерөнхийлөгч Жо Байден, Их Британийн ерөнхий сайд Кейр Стармер нарын хэлэлцээний дараа Украинд Оросын нутаг дэвсгэрийн гүнд барууны пуужингийн цохилт өгөх зөвшөөрлийн талаар ямар нэгэн мэдэгдэл гаргасангүй. Цагаан ордны цахим хуудсанд “АНУ, Их Британийн удирдагчид Иран болон Хойд Солонгос Орост “үхлийн зэвсэг” нийлүүлж, БНХАУ Оросын батлан хамгаалах аж үйлдвэрийн баазыг дэмжиж байгаад гүнээ санаа зовж буйгаа илэрхийлэв. Мөн Израилийн аюулгүй байдлын төлөө тууштай ажиллахаа дахин нотолсон бөгөөд барьцаалагдсан хүмүүсийг чөлөөлж, Газын зурваст үзүүлэх тусламжийг нэмэгдүүлэх боломжийг олгох, гал зогсоох яаралтай шаардлага болон энгийн иргэдийг хамгаалахын тулд Израилийн хүчин чармайлтыг нэмэгдүүлэх шаардлагатай байгааг тэмдэглэв. Байден, Стармер нар мөн Улаан тэнгис дэх худалдааны хөлөг онгоцууд руу Ираны дэмжлэгтэй хутичууд халдлага үйлдсэнийг буруушаав. Эцэст нь Стармер, Байден нар аюулгүй байдлын AUKUS холбоо болон хоёр улсын технологийн хамтын ажиллагаа, тэр дундаа ногоон эрчим хүч рүү шилжих талаар ярилцав” гэж мэдээлжээ. Мөн хоёр улсын тэргүүний хэлэлцээний дараа Цагаан ордон товч мэдэгдэл хийж, уулзалтаар “Хоёр тал Оросын түрэмгийллээс өөрийгөө хамгаалж байгаа Украиныг гуйвшгүй дэмжиж байгаагаа дахин нотолсон” гэж мэдэгдэв.

Их Британийн ерөнхий сайд Кейр Стармер Вашингтон руу нисэж явах замдаа онгоцонд сэтгүүлчдийн асуултад хариулахдаа “Украин болон Ойрхи Дорнодод чухал үйл явдлууд ойрын ирээдүйд болохтой холбогдуулан АНУ-ын ерөнхийлөгчтэй тактикийн хэд, хэдэн шийдвэр гаргах шаардлагатай байна. Би эдгээр тактикийн шийдвэрийг стратегийн хүрээнд гаргахыг үнэхээр хүсч байна” гэж хэлж байсан билээ. Иймээс уулзалтын дараа сэтгүүлчид Стармераас Жо Байденыг ятгаж чадсан эсэхийг асуухад тэрээр “Украин, Ойрхи Дорнод, Энэтхэг-Номхон далайн бүс нутаг зэрэг хэд хэдэн чиглэлээр урт, үр дүнтэй хэлэлцсэн. Байдентай хийсэн яриа нь тактикийн бус стратегийн шинжтэй байсан бөгөөд ямар нэгэн тодорхой шийдвэрийн тухай бид яриагүй. Хэдхэн хоногийн дараа болох НҮБ-ын Ерөнхий Ассамблейн чуулган дээр энэ асуудал төдийгүй бусад чухал асуудлууд илүү өргөн хүрээнд яригдаж шийдвэрлэгдэнэ” гэж хариулав. Энэ нь Их Британийн ерөнхий сайд илүү ноцтой буюу ОХУ-ыг НҮБ-ын гишүүнчлэлээс биш юм гэхэд Аюулгүйн Зөвлөлийн байнгын гишүүнчлэлээс хасах гэж байна гэдгийг зарлаж буй явдал юм. Учир нь энэхүү уулзалтын өмнө АНУ-ын Төрийн нарийн бичгийн дарга Антони Блинкен, Их Британийн Гадаад хэргийн сайд Дэвид Лэмми нар Киевт айлчилж Украины ерөнхийлөгч Владимир Зеленскийтэй уулзан НҮБ-ын Ерөнхий Ассамблейн 79-р чуулган, тус байгууллагын дүрмийг өөрчлөх асуудлаар санал солилцсон юм. Мөн өнгөрсөн долоо хоногт НҮБ-ын Аюулгүйн Зөвлөлийн бүх гишүүдийн хуралдаан болж Украины дайны асуудлыг авч хэлэлцэн, ОХУ-ын явуулж буй үйл ажиллагааг зад шүүмжилсэн билээ.

Вашингтонд болсон Стармер, Байден нарын яриа хэлэлцээний өмнөхөн ОХУ-ын ерөнхийлөгч Владимир Путин “Оросын нутгийн гүнд барууны зэвсгийг ашиглах нь барууны орнууд дайнд шууд оролцоно гэсэн үг. Учир нь Украин барууны алсын тусгалын зэвсгийг бие даан ашиглах чадваргүй” гэж хэлсэн билээ. Харин АНУ-ын Төрийн департамент ОХУ-ын ерөнхийлөгчийн энэхүү мэдэгдлийг “шинэ биш зүйл” гээд “Бид түүний хэлсэн бүх зүйлийг анхааралтай ажиглаж байдаг” гэж мэдэгдсэн юм. Мөн Их Британийн цэргийн шинжээч Жастин Крамп ВВС-д өгсөн ярилцлагадаа “Оросын ерөнхийлөгч Их Британийн шинэ засгийн газар болон АНУ-ын суудлаа хүлээлгэн өгөх гэж байгаа ерөнхийлөгчийн засаг захиргааг шалгаж, “хэр хол явах”-ыг нь ажиглаж байгаа хэрэг. Үнэндээ бол Орос улс аль хэдийнэ Их Британийн дайснуудаас зэвсэг нийлүүлж, НАТО-гийн гишүүдийн ашиг сонирхлын эсрэг тагнуул, хорлон сүйтгэх, кибер, мэдээлэл болон сансрын ажиллагаа зэрэг “идэвхтэй шийдвэрүүд”-ийг аль хэдийнэ гарган хэрэгжүүлж байгаа билээ. Иймээс барууны улсуудын эдгээр бүх алхмууд нь баруун болон Оросын асуудлыг улам “хурцатгаж” магадгүй юм. Гэвч Орос улсын хувьд НАТО-тай халз тулж, эсэргүүцэх ямар ч боломж байхгүй” гэж хэлжээ. Үнэхээр ч өнгөрсөн баасан гарагт АНУ-ын Төрийн нарийн бичгийн дарга Антони Блинкен “Оросын төрийн мэдээллийн хэрэгслүүд, тэр дундаа RT телевиз хуурамч суртал ухуулга, ташаа мэдээлэл тараагаад зогсохгүй бусад улс орны дотоод улс төрийн үйл явцад хөндлөнгөөс оролцох далд явуулга хийж байна. Жишээ нь, АНУ-д өрнөж буй улс төрийн үйл явц төдийгүй Молдов улсад ирэх аравдугаар сард болох ерөнхийлөгчийн сонгуульд хөндлөнгөөс оролцож, хуурамч платформууд болох “Red” болон “African Stream”-ыг ашиглаж хүчирхийлэл, үймээн самуун дэгдээхийг оролдож байна” гэж буруутгасан юм. Мөн Европын холбооны Гадаад бодлогын албаны албан ёсны төлөөлөгч Питер Стано “Оросын ерөнхийлөгч ийм “буруу” тайлбар байнга хийдэг. Путин Украины эсрэг хууль бус түрэмгийллээ үргэлжлүүлж, улмаар дэлхийн ардчилсан улсуудад аюул учруулж байгаа цагт түүний алдаатай мэдэгдэл бидний байр суурийг өөрчлөхгүй. Европын холбооны Гадаад харилцааны зөвлөлийн сүүлчийн хурлаар холбооны гишүүн улс бүр өөрийн аюулгүй байдлын ашиг сонирхолд тулгуурлан энэ шийдвэрийг бие даан гаргах эрхтэй гэж үзсэн” гэж мэдэгдэв.

Мөн НАТО-гийн Цэргийн Хорооны тэргүүн Роб Бауэр “Олон улсын Зэвсэгт мөргөлдөөний хууль, журмын дагуу аль ч улс орон өөрийгөө хамгаалах эрхтэй бөгөөд энэ эрх нь зөвхөн өөрийн улсын хилээр хязгаарлагдахгүй. Цэргийн зорилго бол дайсны хүчийг цохиж, фронтод түүний түлш, зэвсэг, хангамжийн ложистикийг сулруулах явдал. Иймээс Украин барууны алсын тусгалын зэвсгээр Оросын нутаг дэвсгэрт цохилт өгөх нь зөв үйлдэл учир эвслийн гишүүд тус бүрдээ энэ асуудлаар бие даан шийдвэр гаргах бүрэн эрхтэй” гэж хэлсэн бол АНУ-ын Ерөнхийлөгчийн Үндэсний аюулгүй байдлын зөвлөх Жейк Салливан уг уулзалтын дараа сэтгүүлчдэд “Үнэндээ энэ бол улс төрийн хүсэл зоригийн асуудал биш. Харин хэцүү, төвөгтэй ложистикийг яаж зөв зохицуулах тухай асуудал юм. Иймээс энэ асуудал удахгүй болох НҮБ-ын Ерөнхий Ассамблейн үеэр эцэслэн шийдэгдэнэ” гэж мэдэгджээ.

мэдээ нийгэм

Хүүхдүүддээ ном унших дадлыг багаас нь суулгацгаая DNN.mn

Энэ сарын 13-15-ны өдрүүдэд Төв талбайд номын баяр болж өндөрлөлөө. Номын баярын сургаар ойрд хэр ном уншсан билээ гэж өөрөөсөө асуув. Манай сонины Улс төр, эдийн засгийн албаны сэтгүүлч, МЗЭ-ийн болон Гомбын Сэр-Одын нэрэмжит шагналт Тэрбишийн Дарханхөвсгөлийн бэлэглэсэн “Тэнгэр дуугаргадаг хүн” номыг эхнээс нь дуустал уншсан юм байна. Хэсэг хугацаанд номын ертөнцөд нь уусан шингэж, бодол болсон. Түүний дараа цахимаар ном уншсанаа санав. Гэхдээ ном, сонинг хуудас, хуудсаар нь эргүүлж унших илүү амттай санагддаг. Өдөр тутамдаа шинэ ном хайгаад явдаггүй ч хааяахан номоор цангаж, ундаасахын зовлонг мэдэрдэг хүн би. Энэ нь монгол хэлний багш минь уран зохиолын ном ихээр уншуулж байсантай холбоотой дадал суусан юм болов уу.

Номын баярын үеэр хүүхдийн зохиолч Э.Амарзаяагийн хэвлэлд өгсөн ярилцлагыг гуравдугаар ангийн хүүгийн маань багш ангийнхаа чатанд байрлуулжээ. Хүүхдийн зохиолч “7-12 насанд нь эцэг, эхчүүд хүүхдээ ном уншуулаад сургачихвал цаашид унших дадал суудаг. Энэ насанд нь хүүхэддээ ном авч өгч, хажууд нь өөрсдөө ном уншиж үлгэр дууриал үзүүлэх хэрэгтэй” гэсэн байв. Мөн номынхоо сонголтыг олон байлгаж, хүүхэдтэйгээ хамтран уншиж, үйл явдлынх нь тухай ярилцах нь илүү үр дүнтэй аж. Тиймээс хүүхдүүддээ ном унших дадлыг багаас нь суулгацгаая, эцэг эхчүүд ээ.

мэдээ нийгэм

Өнөөдөр ихэнх нутгаар дулаарна DNN.mn

Post author By Админ
Post date 2024-09-16
No Comments on Өнөөдөр ихэнх нутгаар дулаарна DNN.mn

Малчид, хадланчид, тариаланчдад зориулсан мэдээ: Өнөөдөр ихэнх нутгаар дулаарна.

2024 оны есдүгээр сарын 16-ны 08 цагаас 20 цаг хүртэл: Нутгийн хойд хэсгээр солигдмол үүлтэй, бусад нутгаар багавтар үүлтэй. Баруун аймгуудын нутгийн баруун хойд хэсгээр бороо, уулаараа нойтон цас орно. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 5-10 метр, зарим газраар секундэд 13-15 метр хүрч ширүүснэ. Монгол-Алтай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр 12…17 хэм, Их нууруудын хотгор, говийн бүс нутгийн өмнөд хэсгээр 21-26 хэм, бусад нутгаар 17-22 хэм дулаан байна.

2024 оны есдүгээр сарын 17-ноос 2024 оны есдүгээр сарын 21-нийг хүртэлх цаг агаарын урьдчилсан төлөв

17-нд баруун аймгуудын нутгийн хойд, төвийн аймгуудын нутгийн баруун хойд хэсгээр, 18-нд баруун аймгуудын нутгийн зүүн хэсэг, төвийн аймгуудын ихэнх нутаг, зүүн аймгуудын нутгийн зарим газраар, 19-нд нутгийн зүүн хэсгээр бороо, уулархаг нутгаараа цас орно. Салхи 17-нд зарим газраар, 18-нд говь, тал хээрийн нутгаар түр зуур секундэд 16-18 метр хүрч ширүүснэ. 17-нд нутгийн баруун хойд хэсээр, 18-наас ихэнх нутгаар хүйтэрч Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 5-10 хэм хүйтэн, өдөртөө 3-8 хэм дулаан, Хэнтийн уулархаг нутаг, Эг, Үүр, Орхон, Хараа, Ерөө, Туул, Тэрэлж, Хэрлэн голын хөндийгөөр шөнөдөө цочир хүйтэрч 0-5 хэм хүйтэн, өдөртөө 9-14 хэм дулаан, Их нууруудын хотгор болон говийн бүс нутгийн өмнөд хэсгээр шөнөдөө 4-9 хэм, өдөртөө 17-22 хэм, бусад нутгаар шөнөдөө 0-5 хэм, өдөртөө 12-17 хэм дулаан байна.

мэдээ нийгэм нүүр-хуудасны-онцлох онцлох-нийтлэл туслах-ангилал

О.Билгүүн: Т.Аюурсайхан, Б.Ганхуяг нарыг анхнаасаа нүүрсний хэрэгт буруутгаагүй DNN.mn

УИХ-ын гишүүн асан Т.Аюурсайхан, Эрдэнэс Тавантолгой ХК-ийн захирал асан Б.Ганхуяг нарын 11 хүнд холбогдох эрүүгийн хэргийг Нийслэлийн эрүүгийн хэргийн давж заалдах шатны шүүх өнгөрсөн долоо хоногт хэлэлцсэн. Ингэхдээ шүүгдэгч нарын ялыг бууруулснаас гадна уг хэрэг нь нүүрсний гэгдэх хэрэгтэй хамааралгүй гэсэн агуулгыг тайлбарласан байлаа. Энэ талаар өмгөөллийн “Цогц өмгөөлөл” хууль зүйн фирмийн хуульч О.Билгүүнтэй ярилцлаа.

-Т.Аюурсайхан, Б.ганхуяг нарын 11 хүнд холбогдох хэргийн давж заалдах шатны шүүх хурал болсон. Шүүхийн шийдвэрийг энгийнээр тайлбарлаж болох уу?

-эрүүгийн хэргийн давж заалдах шатны шүүхийн шийдвэрийг харахад Уих-ын гишүүн асан т.аюурсайханыг Эрүүгийн хуулийн 22.10 дугаар зүйлийн хоёр дахь хэсэгт зааснаар үндэслэлгүй хөрөнгөжих гэмт хэрэгт нь ял шийтгэл оногдуулсан.

“Эрдэнэс тавантолгой” ХК-ийн захирал асан Б.ганхуягт анхан шатны шүүхээс үндэслэлгүй хөрөнгөжих, мөнгө угаах гэмт буруутайд тооцож, ял оногдуулсан. Энэ нь мөрдөн байцаалтаар шалгаж тогтоогдсон гэж үзсэн байна. харин нийслэлийн давж заалдах шатны шүүхээс түүнд үндэслэлгүй хөрөнгөжсөн гэж ял оноосныг үндэслэлгүй ял шийтгэл оногдуулсан гээд хэрэгсэхгүй болгожээ. ингэснээр хахууль авах гэмт хэрэг үйлдсэн нь тогтоогдсон, улмаар уг гэмт хэрэг үйлдэж олсон эд хөрөнгийг эдийн засгийн эргэлтэд оруулж мөнгө угаасан гэмт хэрэг үйлдсэн нь нотлогдож тогтоогдсон гэж давж заалдах шатны шүүх үзсэн байна.

Давж заалдах шатны шүүхийн шийдвэрт “… Тус хэрэгт нүүрстэй холбоотой хэргийн үйл баримт авагдаагүй, тэр талаар прокуророос яллах дүгнэлт үйлдэж шүүхэд шилжүүлээгүй, анхан шатны шүүхийн хэлэлцүүлэг явагдаагүй болохыг тэмдэглэж байна…”гэсэн агуулга байгаа. Т.Аюурсайхан, Б.Ганхуяг нарыг нүүрсний хэрэгт шүүсэн гэж олон нийт харж байгаа. Юу болчихов?

-Энэ хэрэгт иргэд олон нийт нүүрстэй холбоотойгоор ял шийтгүүлж байна гэж харсан боловч анхнаасаа нүүрсний хэрэгтэй холбогдолтой яллах дүгнэлт үйлдээгүй, анхан шатны шүүх дээр нүүрстэй холбоотой асуудал яригдаагүй гэсэн үг. Товчхондоо, иргэд олон нийт Т.Аюурсайхан нарыг нүүрстэй холбоотой буруутгагдсан гэж үзэж байсан боловч давж заалдах шатны шүүхийн шийдвэрээр үгүй гэдэг нь тодорхой байна.

-Нүүрсний хэргийн тухай яригдаж, бүр улсын төсөвт 40 их наяд төгрөгийн хохирол учирсан тухай улс төр, эдийн засаг гээд бүх шатанд яригдаж ирсэн. Энэ хүмүүс бол 40 их наядын нүүрсний хэргийн холбогдогчид гэж улстөрчдөөсөө эхлээд зарласан шүү дээ?

-Нэгд, миний хувьд энэ хэргийн талаар мэдээлэл өгөх нь хуулиар хориотой. Мөрдөн шалгах ажиллагаа, хэрэг хянан шийдвэрлэх ажиллагааны нууц гэж бий. Тиймээс нарийн ширийнийг дэлгэрэнгүй ярих боломжгүй. Дээрээс нь илэрхий байгаа үйл баримтаас харахад нүүрсний хэрэг гэдэг бол Т.Аюурсайхан, Б.Ганхуяг нарыг шалгаж байгаад шал өөр үндэслэлээр буюу үндэслэлгүй хөрөнгөжих, мөнгө угааж тухайн гэмт хэргийг үйлдсэн байна. Гэхдээ энэ нь нүүрстэй холбоогүй. Нөгөө талаар цагдаа болон эрх бүхий байгууллагууд тодорхой гэмт хэрэг зөрчил илэрсэн тохиолдолд мөрдөн шалгах ажиллагааг явуулах үүрэгтэй. Үүн дээр хууль хүчний байгууллагаас нүүрстэй холбоотой асуудлыг дараад байгаа гэж ойлгож болохгүй. Нүүрстэй холбоотой асуудлаар ял шийтгээгүй гэдгийг шууд дүгнэх ч боломжгүй. Мөнгө угаасан нь нүүрстэй холбоотой эсэхийг шууд хараад хэлчих боломжгүй. Ямартаа ч давж заалдах шатны шүүхийн шийдвэр дээр нүүрстэй холбоотой хэлэлцээгүй гэдгийг тайлбарласан байна.

-Тэгвэл нүүрсний хэрэг юу болов, холбогдсон хүмүүс хаачив. Та хуульч хүн, нүүрсний хэргийн сонсголоос эхлээд бүхий л нөхцөл байдлыг харж, дүгнэлт хийж байсан байх?

-Мэдээж хуульд заасан үндэслэлээр гэмт буруутай этгээд гэмээ хүртэх нь зайлшгүй. Тухайн хэргийн талаар бид хөндлөнгөөс, иргэд олон нийтийн үзэл бодлоор дүгнэлт хийж буруу зөвийг шүүх нь буруу. Энэ бол өнөөдрийн монголчуудын дунд, нийгмийн сүлжээнд дэлгэрч байгаа буруу ойлголт, хандлага гэдгийг онцолмоор байна. Дээр хэлснээр хэргийн мөрдөн шалгах ажиллагааны нууц гэж байдаг. Нууцтай холбоотой асуудлыг хэн нэгэн хуульч, тэр хэрэг дээр ажиллаж байгаа өмгөөлөгч дүгнэлт хийгээд иргэд олон нийтэд, сошиалаар, хэвлэл мэдээллээр ярих нь хориотой. Гэхдээ энэ нь гэмт хэргийг нуун дарагдуулаад байгаа гэсэн ойлголт биш. Хоёрт, энэ хэргийн нөхцөл байдлыг бүрэн мэдэхгүй байхад дүгнэлт хийх нь хуульчийн ёс зүйд нийцэхгүй гэж үзэж байна.

мэдээ нийгэм цаг-үе

Аюулт үзэгдэл, ослын 75 дуудлага бүртгэгдлээ DNN.mn

Post author By Админ
Post date 2024-09-16
No Comments on Аюулт үзэгдэл, ослын 75 дуудлага бүртгэгдлээ DNN.mn

Өнгөрсөн долоо хоногт нийслэлийн 8 дүүрэг, 17 аймгийн 28 суманд аюулт үзэгдэл, ослын 75 удаагийн дуудлага бүртгэгдлээ.

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, таван иргэний амь насыг авран хамгаалсан.

Нийт дуудлагын 54 нь гал түймэр, 14 нь хүний үйл ажиллагаатай холбоотой осол, зургаа нь ус цаг уурын гаралтай аюулт үзэгдэл, нэг нь геологийн гаралтай аюулт үзэгдэл байна гэж ОБЕГ-аас мэдээллээ.