Month: August 2023

Дээд боловсролын тухай хууль нь суралцагч төвтэй, оролцогч талуудын харилцааг зохицуулахад чиглэснийг БШУЯ-ны Дээд болон мэргэжлийн боловсролын удирдлага, зохицуулалтын газрын дарга Х.Тамир хичээлийн шинэ жил эхэлж буйтай холбогдуулан хийсэн хэвлэлийн хурлын үеэр онцлов.

Тэрбээр, хуулийн хэд хэдэн зохицуулалтын талаар тайлбарлахдаа, “Их сургуулиудын засаглалын байдлыг тодорхой болгож, төрийн өмчит их сургуулиудын захирлыг нээлттэй сонгон шалгаруулалтаар томилж, чөлөөлөх болсон нь улс төрийн томилгоонд хуулиар цэг тавьсан”-ыг тэмдэглэж байлаа.

Энэ жилийн онцлох ажил нь өнгөрсөн онд дээд боловсролын сургалтын байгууллагыг чанарт шилжүүлэх үйл ажиллагааг хэрэгжүүлж, 88 дээд сургуультай байсны 27-г зогсоож, одоогоор 65 дээд сургууль үйл ажиллагаа явуулж байгаа. Энэ намар 22 дээд сургуульд албан шаардлага хүргүүлснээ шалгахаас гадна 65 их сургуулийнхаа эрэмбэ чансааг ирэх есдүгээр сард багтаан тогтоож, олон нийтэд зарлана.

Мөн их сургуулиудын түвшин нь их сургууль, дээд сургууль, коллеж гэсэн 3 ангилалтай байна. Одоо байгаа 30 дээд сургуулийн ангиллыг 2025 оны 6 дугаар сарын 15 хүртэл шинэчлэн тогтоож, 2025 оноос хойш ийм ангилал байхгүй, зөвхөн их сургууль, коллеж гэсэн ангилалтай болгох аж.

Түүнчлэн, аймгийн төв дэх зарим МСҮТ-ийг нийлүүлнэ. Үүнд, Дорнодын хоёр МСҮТ, Эрдэнэтийн хоёр МСҮТ-ийг нийлүүлж, Дарханы гурван МСҮТ-ийг цогцолбор болгожээ. Сэлэнгэ дэх МСҮТ-ийг нийлүүлж, ХААИС-ийн харьяа, Булганд байгаа хоёр МСҮТ-ийг нийлүүлж, ХААИС-ийн харьяа, Өмнөговьд байсан МСҮТ-ийг ШУТИС-ийн харьяа болгосон байна.

Засгийн газраас багш мэргэжлээр суралцах оюутны сургалтын төлбөрийг 100 хувь чөлөөлнө гэж зарласан билээ. Гэхдээ авьяас шаардсан буюу зураг, дуу хөгжмийн багшаас бусад багш мэргэжлийг сонгож их дээд сургуульд элсэн суралцах элсэлтийн шалгалтын босго оноо 500-гаас дээш болгож, чанартай сурагчдад тэтгэлэг олгох юм.

Сургалтын төлбөрийг төрөөс олгосон тохиолдолд сургалтын чанар, голч дүнгээс хамаарч үргэлжлүүлэх эсэхийг шийдэхээс гадна төгсөөд заавал багшлах гэрээ байгуулна гэдгийг БШУЯ-наас мэдээллээ.

“Хуучин төрийн өмчийн сургуулиудын элсэлтийн босго оноо их, хувийн өмчийн сургуулийнх бага байсан. Босго оноо тогтоохдоо өмнөх түвшингээс бууруулахгүй байх заалт орсон. Багш боловсролын шинэчлэл гэдэг 3 тулгуурт бодлого гаргаад явж байна. Багш бэлтгэх тогтолцоо нь багшийн мэргэжлийн тасралтгүй хөгжлийг хангах, нийгмийн баталгаа цалин, үнэлэмж нэр хүнд гэсэн 3 тулгууртай болж байна.Тухайлбал, багш бэлтгэх тогтолцоонлд хуучин 40 сургууль 400 хөтөлбөр байсныг хумьсан. Багш, цэрэг, цагдаа, анагаахын хөтөлбөрт төрийн зохицуулалт шаардлагатай. Зарим мэргэжлээр багш элсэхгүй, заримд нь илүүдэлтэй байгаа багшийн эрэлтэд суурилсан элсэлтийн хяналтын тоо тогтооно. Сургалтын хөтөлбөрийг шинэчилнэ. Бүгдийг нь уламжлалт сургалтын, нэг хэв маягийн хөтөлбөртэй байлгах боломжгүй тул шинэчилж байгаа. Хэмжих үнэлэх, чанарыг баталгаажулах үйл ажиллагааг шинэ шатанд гаргана. Сургууль бүрээс гарч буй хэмжилтийг найдвартай эсэхийг хянана” хэмээн БШУЯ-ны Дээд болон мэргэжлийн боловсролын удирдлага, зохицуулалтын газрын дарга Х.Тамир мэдээлэл хийх үеэрээ тэмдэглэв.

Агаарын дүүжин замаар явж байхдаа мөргөлдөж, гэмтсэн дуудлага цагдаагийн байгууллагад иржээ.

Энэ талаар ЦЕГ-ын ХМТ-өөс “Налайх дүүргийн 6 дугаар хороо Горхи, Тэрэлжийн цогцолбор газарт байрлах аялал жуулчлалын газарт 2023 оны наймдугаар сарын 13-ны өдөр 15-36 насны эрэгтэй, эмэгтэй иргэд агаарын дүүжин замаар явж байхдаа хоорондоо мөргөлдөж, гэмтсэн гэх дуудлага, мэдээлэл ирсэн.

Налайх дүүргийн цагдаагийн хэлтэст гомдол мэдээллийг бүртгэлд авч шалгаж байна” гэв.

Иргэд аялал зугаалгаар явахдаа эрсдэлтэй үйлдэл хийхгүй байх, өөрийн аюулгүй байдлаа хангаж, сонор сэрэмжээ дээшлүүлэхийг цагдаагийн байгууллагаас зөвлөлөө.

Түүнчлэн Архангай аймгийн Тариат сумын Цагаан нуур баг Ногоон нуур гэх газарт өчигдөр Hyundai Porter маркийн тээврийн хэрэгсэл нуурын усанд осолдож, эрэгтэй, эмэгтэй хоёр хүний амь хохирсон харамсалтай осол гарчээ.

Улаанбаатар хот, Сүхбаатар дүүрэг, 11 дүгээр хороо, “Хангай” хотхонд иргэн С-ын гал тогооны өрөөнд 220 граммын савалгаатай ахуйн хэрэглээний газ тэсэрч, 1 цонх хагарсан байсан бөгөөд гал түймэр гараагүй байна.

Энэ хичээлийн жилд сургуулийн өмнөх боловсролд 302 мянган хүүхэд бүртгүүлээд, элсэлтээ хийсэн байна. Нийслэлийн цэцэрлэгийн бүртгэлийг цахимаар зохион байгуулна гэдгийг мэдэгдсэн. Шинээр 71 мянга 690 хүүхэд элсэж байна гэх тооцоолол гаргасан. Харин ЕБС-д 781 мянган хүүхэд элсэн суралцахаар байна. Ингэснээр өнгөрсөн жилийнхээс 40 орчим мянгаар хүүхдийн тоо нэмэгдэж байна. Эдгээрийн 50-60 хувь нь нийслэлд суралцахаар байна. МСҮТ-д 40 мянга орчим хүүхэд суралцахаар байгаагаас 22 мянга нь шинээр элсэж байна. Харин дээд боловсролын тухайд 147 мянган хүүхэд суралцахаас 25 мянга нь шинэ элсэгч юм” гэлээ.