Author: ДАМЖИНГИЙН БАТТОГТОХ

Эжөү Хуаху нисэх буудал нь жилд 3.3 сая тонн ачааг дотоод гадаадын 100 хотод хүргэдэг байна

Эжөү Хуахү Олон улсын ачаа тээврийн нисэх онгоцны буудал нь Хятадын Хүбэй мужийн Эжөү хотын Эчэн дүүрэгт байрладаг. Азийн анхны мэргэжлийн ачаа тээврийн төв болсон нисэх онгоцны терминал юм.

Мөн Ачааны нислэгийн тоогоор улсын хэмжээнд гуравдугаарт ордог бөгөөд Хятад улс дотроо 58 хот, гадаадын 42 улсын хотуудад ачаагаа тээвэрлэн хүргэдэг аж.
Тэд саяхан Уханиас АНУ-ын Нью-Йорк хот хүрэх ачаа тээврийн шууд нислэгийн зам нээсэн байна.

Холын зайн хоёр нисэх замын урт нь 3600 метр, өргөн нь 45 метр байдаг. Жилд 3.3 сая тонн ачааг тээвэрлэх хүчин чадалтай, ачааны нислэгүүдээ шөнийн цагт голдуу явуулдаг байна.

Агаарын ачааны терминал нь 23,000 квадрат метр талбайтай. Онгоц зогсон 124 ачаа тээвэрлэх зогсоолтой, онгоц засварын төв, хяналтын 80 м өндөр цамхаг, ачааны агуулах, оффис зэргээс бүрдсэн бөгөөд 1 цагт 280.000 ачааг барааг ялган тээвэрлэлтэд бэлдэх хүчин чадалтай. Тун удахгүй хүчин чадлаа нэмэгдүүлж 1 цагт 1 сая ачаа барааг ялган тээвэрлэлтэд бэлтгэх зорилт тавин ажиллаж байгаа аж.

Онгоцны буудлын ойр орчимд томоохон ачаа тээврийн компанийн агуулахууд, гааль, татвар, хяналтын байгууллагууд байрладаг.

Тус онгоцны буудлыг түшиглэн 1 сарын өмнө байгуулан ашиглалтад оруулсан цахим (live) худалдааны төвөөр дамжуулан агаараар ирсэн экспорт, импортын бүтээгдэхүүн, бараа таваарыг захиалагч компаниуд өөр өөрсдийн агуулах руу зөөхгүйгээр нийтэд хандан сурталчилгаа явуулж худалдан борлуулдаг болсон нь ачаа бараагаа тээвэрлүүлэгч олон компанийн дэмжлэгийг хүлээгээд байгаа аж.

Одоогоор энэхүү төвөөр 70 компани бараа бүтээгдэхүүнээ онлайн худалдаагаар заруулж хамтран ажиллаж байгаа бөгөөд 130 компанитай хамтрах хүсэлтэй өгсөн байна.

Хятад улсын Хубэй мужийн Ухань хотын аялал жуулчлалын гол төв болсон Шар тогоруут цамхагт өчигдөр зочиллоо.

Энэхүү цамхаг нь дэлхийн соёлын өвд бүртгэгдсэн бөгөөд Хөх нуурын зүүн эрэг дагуу байрлах могой уулын оройд 1800 жилийн тэртээ  баригдсан байна.

Байгалийн үзэмж тансаг байдал, дахин давтагдашгүй шинж, түүхэн дурсгалт соёлын үнэт өв гэдэгээрээ дотоод, гадаадынн  жуулчдын сэтгэлийг соронзон мэт татдаг газар юм.

Хятадын эртний Тан гүрний их найрагч Ли бай нарын олон шүлэгчид Шар тогоруут сүмийн талаар шүлэг дуулалдаа дурьдсан байдаг.

Тус цамхаг Мин, Чин гүрний үед дайны болон гал түймэрт удаа дараа өртөж нийт 27 удаа засварлаж байжээ.

1981 онд Ухань хотын захиргаа эл цамхагийг цэцэрлэгт хүрээлэнгийн хамт сэргээн босгож эхэлсэн бөгөөд 1985 онд дуусгасан байна.

Уг цамхагт нийт 400 ажилчин албан хаагч ажилладаг бөгөөд жилдээ 20-25 сая дотоод, гадаадын жуулчин хүлээн авдаг байна.

Чыби хотын Ян Лөү Дүн эртний суурины тосон цаасан шүхэр нь их алдартай бөгөөд хийх арга техник нь биет бус соёлын өвийн жагсаалтад бүртгэгдсэн байдаг. Энэ тосон цаасан шүхэр нь зүсэхээс эхлээд дуусгах хүртэл цоолох, утас татах, цаасаа эсгэх тослох, оройг нь боох зэрэг 72 процессыг дамждаг байна.

Сүүлийн жилүүдэд Ян Лөү Дү эртний сууринд жуулчид олноор ирснээр жил бүр 3000 гаруй оюутан жуулчид тус дэлгүүрт хүрэлцэн ирж тосон цаасан шүхэр урлах эртний гар урлалыг сонирхож сурдаг байна. Энэхүү биет бус соёлын өв ийнхүү эх орныхоо өнцөг булан бүрт дэлгэрэн танигджээ.

 

Чин гүрний үеийн барилгуудаар гол болсон эртний гудамжаар зочиллоо.

Мөн Хятад Улс цай, торго, шаазан гурвыг цайны замаар Хүбэй мужийн Ухань хотоос эхлэн Монгол, Орос улсаар дамжуулан Европ руу гаргадаг байсан түүхтэй.

Чибэй хотын захиргаанаас энэхүү гудамжинд хоёр давхар цайны музейг нээж, цайны соёлын үүх түүх, эдлэл хэрэгсэл, бичиг данс, хэв загвар, шахмал цайг олон нийтэд дэлгэн үзүүлдэг байна. Тэдгээрээс уг музейд 200 жилийн өмнөх шахмал цай хүртэл хадгалж байгааг онцоллоо.

Монгол, Хятадын сэтгүүлчдийн сурвалжлах баг Улаанхад хотод байрладаг Тяньчи Монгол эм бэлдмэлийн үйлдвэртэй танилцлааа

Энэхүү үйлдвэр нь Хятад эм /Монгол эм/, эмийн материалын нөөц, эрүүл мэндийн хоол хүнс, шинжилгээний үйлчилгээ гэсэн дөрвөн том салбарыг хамардаг. Тус групп нь 12 охин компани болон 2000 гаруй ажилтантай. ӨМӨЗО-ны Улаанхад хот, Тунляо хотод нийт 950 акр талбай, 210 мянган квадрат метр барилгын талбай бүхий таван үйлдвэрлэлийн баазтай. 366 эмийн зөвшөөрөлтэй.

Тус үйлдвэрийн зочин хойморт Юань улсын ордны монгол эмч, анх удаа зохистой хоол хүнсээр дамжуулан хүнийг эмчлэх тухай бүтээл бичиж туурвисан Жамбалдорж нарын хөрөг барималыг залсан байв.

Тяньчи Монгол эм бэлдмэлийн групп үйлдвэрийн захирал  Хан Фүн Юүй “Монгол уламжлалт тан зүрх судас, дотор талын өвчлөлд илүү сайн гэдгийн онцлоод тус үйлдвэрт үйлдвэрлэсэн 1000 жилийн түүхтэй уушигний элдэв өвчнийг эдгээх танг” танилцуулав.

Уламжлалт эмийн үйлдвэр жилд 100 гаруй шинэ эмийн патент авах хүсэлтийг Хятад улсын холбогдох газарт хандан гаргаж, 40 гаруй хувьд нь зөвшөөрөл авдаг байна.

Мөн тус үйлдвэр уламжлалт эм үйлдвэрлэдэг 500 гаруй газрыг эмийн ургамал, түүхий эдээр хангахын зэрэгцээ өөрсдөө 251 нэр төрлийн 3.5 тонн уламжлалт эм үйлдвэрлэдэг байна.

Энэ үйлдвэрт үйлдвэрлэдэг эмнээс онцгойлон Хятад улс даяар эмийн сангууд, эмнэлгүүдээр түгээмэл хэрэглэгддэг цус харвалт өвчний дараах саажилтыг бууруулж, тархины цусан хангамжийг сайжруулдаг Жачүн-13 эмийг танилцуулав.

Мөн үхэр адууны чөмгийг боловсруулж хүний биеийн тамирыг сэргээх амин дэм, гоо сайханы бүтээгдэхүүн үйлдвэрлэдэг гэдгийг хэлж Монгол Улсаас бод малын чөмөгний яс авах хүсэлтэй байдаг ч одоогоор энэ чиглэлээр манай улстай холбогдогдож чадаагүй байгаа, түүнчлэн эмийн үйлдвэрүүдтэй хамтран ажиллах хүсэлтэйгээ илэрхийлэв.

Эмийн үйлдвэрийн хувьд бүрэн автоматчилагдсан, Хятад улсын 100 эмнэлэг, 25000 эмийн сангуудад бүтээгдэхүүнээ нийлүүлдэг дэргэдээ уламжлалт эм судлаач, хоол зүйч, технологич нараас бүрдсэн томоохон лаборатори ажиллуулдаг байна.

Монгол, Хятадын хэвлэл мэдээллийн 15 дахь хамтарсан багийнхан БНХАУ-ын ӨМӨЗО-ы Тунляо хотод ажиллаж байна.

Монголын Сэтгүүлчдийн Нэгдсэн Эвлэл БНХАУ-ын ӨМӨЗО-ы Засгийн газрын хэвлэлийн албатай хамтарсан энэ удаагийн багийнхан “Боломжоо хуваалцан, хамтдаа хөгжье” уриан дор, хятадын гурван хотоор зочлон техник, технологи, газар тариалан, эрчимжсэн мал аж ахуйн хөгжил, ололт амжилтыг сурвалжлаж байна.

Өнөөдөр Өвөр Монголын Жин Шы Ань Технологийн ХХК, Ах дүү нар Хүнсний технологийн компаниар зочиллоо

Жин Шы Ань технологийн компани нь 2019 оноос БНХАУ-ын Тунляо хотод үйл ажиллагаагаа эхлүүлж 2800 гаруй нэр төрлийн хүнсний бүтээгдэхүүн үйлдвэрлэдэг.

Үүнээс 1000 гаруйн ОУ-ын (ISO) стандартын шаардлагыг бүрэн хангасан юм байна. Одоогоор 100000 гаруй ажилчидтай, өөр мужид дахин нэг салбар нээх төлөвлөгөөтэй ажиллаж байна. Тунляо хотын 70-н сургуульд бүтээгдэхүүнээ нийлүүлж өдөр бүр 70000 гаруй хүнд үйлчилдэг.

Энэ компани нь бүтээгдэхүүнээ боловсруулах, хадгалах, тээвэрлэх, хөлдөөх, бүтээгдэхүүний аюулгүй байдалд хамгийн их анхаарч ажилладаг. Үйлдвэр дотроо зургаан том тасагтай бөгөөд мах, буудай, өндөг, амт оруулагч гэх мэтчилэн хувааж үйлдвэрлэлээ явуулдаг. Мөн үйлдвэрийн хяналтын төвдөө 312 газар хяналтын камер суурилуулан хянадаг.

Энэ компанийн онцлог нь бүтээгдэхүүний түүхий эдийг малчид болон тариаланчдын гар дээрээс шууд худалдан авдаг. Ингэснээр үнийн хөөргөдөл гарахгүй бөгөөд Хятад улсын Засгийн газраас үүнийг нь бүрэн дэмжин ажилладгаараа онцлог.

Мөн Өвөр Монголын Ах дүү нар Хүнсний Технологи ХХК-иар зочиллоо

---

Энэхүү үйлдвэр нь түүхий махан бүтээгдэхүүнээс эхлээд болгосон бүтээгдэхүүн хүртэл зах зээлийн эрэлт хэрэгцээнд тулгуурлан боловсруулалт хийдэг байна.

Түүхий махан бүтээгдэхүүн нь  иргэдийн хамгийн их хэрэглэдэг хөнгөн зууш, мөн эрүүл мэндийн хоол гэсэн хоёр тал дээр анхаардаг аж. Тухайлбал, өндөр настан, хүүхдүүдэд зориулсан нэмэлт бодисгүй бүтээгдэхүүн үйлдвэрлэдэг байна

Одоогийн байдлаар тус компани нь борц, даршилсан үхрийн мах, шарсан тахианы цээжин мах, халуун ногоотой үхрийн өвчүү, халуун ногоотой шөрмөс, тархи зэрэг 30 гаруй нэр төрлийн бүтээгдэхүүнтэй бөгөөд бүтээгдэхүүнийг улс даяар олон муж, бүс нутагт борлуулж, 10,000 гаруй дэлгүүрийг хамарсан байна

Хорчин зүүн гарын хойд хошууны Хорчины элсний “хос сая акр талбай” бүхий иж бүрэн менежментийн төсөл

---

Энэхүү төслийг хэрэгжүүлж эхэлснээр  нийт 11690 өрх, 30285 хүн ядуурлаас ангижирч,  нэг хүнд ногдох орлого 3100 орчим юаниар нэмэгджээ.