Зам тээврийн салбар 2024 оны эхний хагас жилд 62.3 сая тонн ачаа тээвэрлэсэн нь 2022 оны нийт тээвэрлэлтээс давсан үзүүлэлт болсныг Зам, Тээврийн хөгжлийн яам мэдээллээ.
Урьдчилсан тооцооллоор оны эцэст 120.5 сая орчим тонн ачаа тээвэрлэнэ гэж үзэж байна. Энэ нь 2023 оны нийт тээвэрлэлтээс 12.2 хувиар өссөн үзүүлэлт болно.
Авто тээврээр тээвэрлэсэн ачаа оны эхний зургаан сард 41.4 сая тонн хүрсэн бол оны эцэст 75 сая тонн хүргэхээр төлөвлөж байна. Харин төмөр замаар оны эхний хагаст 20.9 тонн ачаа тээвэрлэжээ. 2024 оны эцэст зорилтот хэмжээнд хүрч, 45.5 сая тонн ачаа тээвэрлэвэл 2023 оноос 26 орчим хувиар өсөхөөр байгаа ажээ. Харин агаарын тээврээр 2.2 сая зорчигч тээвэрлэх хүлээлттэй байна.