Дэлхий нийтээр “ХДХВ, ДОХ-ын асуудалд анхаарал хандуулах өдөр” өнөөдөр тохиож байна.
1988 онд ДЭМБ-аас “ХДХВ, ДОХ-ын асуудалд анхаарал хандуулах өдөр”-ийг тэмдэглэн өнгөрүүлэх тухай санаачилгыг гаргасан. Жил бүрийн 12 дугаар сарын 1-нийг дэлхийн улс орнууд ХДХВ, ДОХ-той тэмцэх үйл ажиллагааг эрчимжүүлэх, халдвараас урьдчилан сэргийлэхэд хүн бүрийн оролцоог нэмэгдүүлэх, нөлөөллийн ажлыг зохион байгуулах зорилгоор тэмдэглэдэг юм.
Энэ жил манай улс “ХДХВ, ДОХ-ын асуудалд анхаарал хандуулах өдөр”-ийг “Олон нийтийн манлайллыг дэмжье” уриан дор тэмдэглэж байна.
