Баянзүрх дүүргийн 23 дугаар хорооны Улиастайн гүүрний баруун талд хоёр автомашин мөргөлдөж, таван хүн гэмтсэн осол өнөөдөр (2024.05.27) өглөөний 06.12 цагт гарчээ.
Ослын дуудлагаар нийслэлийн Аврах ангийн алба хаагчдыг очиж иргэн Б /41 настай, эрэгтэй/, иргэн А /18 настай, эрэгтэй/ нар хавчуулагдсан байсныг 15 минут ажиллаж гаргасан аж.
Мөн иргэн Э /62 настай, эрэгтэй/, Н /33 настай, эрэгтэй/, Ц /35 настай, эрэгтэй, ухаангүй/ нарт эмнэлгийн анхан шатны тусламж үзүүлэн өвчин намдаах булчин тариа хийжээ. Улмаар тэднийг ГССҮТ рүү хүргэж, ослын газрыг тус дүүргийн цагдаагийн хэлтсийн зохицуулагчид хүлээлгэн өгчээ.