“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Шинэ долоо хоногийн даваа гариг бүрт “Танайд өнжье” брэнд булангаа уншигчдадаа дэлгэн хүргэдэг билээ. Манай сонины брэнд болсон энэхүү буланд Монголын нэр алдар бүхий эрхмүүд, ажил албаа нэр төртэй авч яваа албан байгууллага, хийж бүтээж буй шинэ залуу үеийнхэн бүгд уригдан ордог билээ. Энэ удаагийн дугаарт Монгол Улсын эрүүлийг хамгаалахын гавьяат ажилтан Ониогийн Бямбаагийнд өнжсөн тэмдэглэл хэвлэгдлээ. Эл эрхмийн өргөө хоймроос бэлтгэсэн сурвалжлагыг нэг, 12, 13 дугаар нүүрээс сонирхон уншина уу.
Харин улс төрийн мэдээллийн хоёрдугаар нүүрээс УИХ-ын гишүүн Ц.Даваасүрэнтэй цаг үеийн зарим асуудлын талаар хийсэн ярилцлагыг сонирхоорой. Тэрбээр ярилцлагадаа цалин хасч, татвар нэмэх нь эдийн засагт ямар хор уршигтайг өгүүлж, харин эдийн засгаа сэргээх өөр ямар боломжууд бидэнд байгааг онцоллоо.
“Өдрийн сонин”-ы гуравдугаар нүүрт гарсан аливаа нийтлэл нийгэмд шуугиан тарьж, нийгмийн оюун санааны хамгийн том талбар болж байдаг онцлогтой. Тэгвэл өнөөдрийн дугаарын гуравдугаар нүүрт нийтлэлч Н.Гантулгын “Татвар нэмэх бол адгийн шааруудын хийдэг арга барил” хэмээх нийтлэл хэвлэгдлээ. Өнгөрсөн долоо хоногт УИХ-ын чуулганаар хэлэлцсэн төсвийн тодотголын хүрээнд найман төрлийн татварыг нэмэхээр болсон билээ. Уг нийтлэлд энэ асуудлыг хөндсөн бөгөөд зарим хэсгээс нь энд онцлон эшилье. “… Ардын намын засаг ингэж ард
түмнээ татварын дарамтаар
ноёлон, жинхэнэ ёсоор нь
“цусыг нь сорж” эхэллээ.
Мөнгө олж, баялаг бүтээж,
эдийн засгийн эргэлт бий
болгож байгаа хүмүүсээ
төр засаг нь татвар нэрээр
шулж мөлжинө гэдэг хамгийн
амархан бөгөөд шалгарсан
арга юм. Энэ бол адгийн
шааруудын хийдэг ганц
ажил, арга барил. Цагдаатай,
армитай, татварын албатай
төрд иргэдээ шулах шиг
амархан зүйл байхгүй нь
мэдээж.” хэмээн бичсэн байна. Бүрэн эхээр нь гуравдугаар нүүрээс уншаарай.
Цаг үе, үйл явдлын зургаадугаар нүүрэнд Шинжлэх ухааны академийн физик, технологийн хүрээлэнгийн даргын үүрэг гүйцэтгэгч, академич, физикийн шинжлэх ухааны доктор Ц.Баатартай хийсэн ярилцлага гарлаа. Тэрбээр “Азийн бар улсууд шинжлэх
ухаанаараа дамжуулан хөгжиж байна” хэмээн ярьсан юм. Харин Баримт, үйл явдлын долоодугаар нүүрт химийн бодис хилээр оруулахын тулд хууль бус гаалийн бүрдүүлэлт хийж бусдын тусгай зөвшөөрлийг ашигласан тухай сурвалжлага нийтлэгдлээ.
Тэгвэл “Танин мэдэхүй”-н булангаас академич, анагаахын
шинжлэх ухааны доктор,
Ш.Болдтой хийсэн ярилцлагыг уншаарай. Тэрбээр тун сонирхолтой яриа дэлгэлээ. “Хүннүгийн анагаах ухаан Хятадын Хан улсын
анагаах ухааны хөгжилтэй зиндаа нэг байсан” хэмээн нэлээд анхаарал татах үгийг хэлжээ. 11 дүгээр нүүрээс уншаарай. Туркийн
Мармарагийн их сургуулийн
докторант, шашин судлаач
Х.Амантайтай хийсэн ярилцлага ч өнөөдрийн дугаараас сонирхол татах нь мэдээж. Тэрээр ярилцлагадаа “Исламын шашинтнууд ашиг
сонирхлын бүс нутагт амьдардаг” хэмээсэн юм. Дөрөвдүгээр нүүрээс унших боломжтой.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ