Сэтгүүлч Н.Өнөрцэцэгт анхан шатны шүүхээс 4.9 жилийн хорих ял оногдуулсан билээ.
Түүнийг Эрүүгийн хуулийн 13.11 дүгээр зүйлд заасан “Хувь хүний нууцыг задруулах”, 13.14 дүгээр зүйлд заасан “Худал мэдээлэл тараах”, 18.3 дугаар зүйлд заасан “Татвар төлөхөөс зайлсхийх”, 18.6 дугаар зүйлд заасан “Мөнгө угаах”, 19.11 дүгээр зүйлд заасан “Төрийн нууцыг хууль бусаар олж авах” гэх таван зүйл ангиар буруутгасан байдаг.
Сэтгүүлч Н.Өнөрцэцэгийн хувьд өөрийгөө гэм буруугүй, шүүх хурлыг өмгөөлөгчгүй явуулсан хэмээн үзэж буй юм. Иймд Н.Өнөрцэцэг өнөөдөр Нийслэлийн шүүхэд давж заалдах өргөдлөө хүргүүлжээ.
Тэрээр давж заалдах шатны шүүх хурлыг нээлттэй явуулж өгөхийг хүсчээ.