Монголын Олон улсын ба үндэсний Спортын арбитраас улсын арслан М.Бадарчийн допингийн асуудлаар мэдээлэл хийлээ.
“Монголын олон улсын ба үндэсний спортын арбитр” байгууллагын ерөнхийлөгч нь Г.Батзаяа “М.Бадарчид холбогдох арбитрын шүүх хурал гурван шалтгааны улмаас хойшилсон. М.Бадарчийн шаардсан 14 төрлийн нотлох баримтаас тал нь ирээгүй. Мөн Үндэсний их баяр наадам зохион байгуулах хорооны итгэмжлэгдсэн төлөөлөгч нь гадаадад ажилтай учраас шүүх хуралд оролцож чадаагүй. Монголын үндэсний допингийн эсрэг байгууллага итгэмжлэгдсэн төлөөлөгч нар нь өмгөөлөгч авч байгаа. Өмгөөлөгч нарын ажил давхацсан учраас хэргийн материалтай танилцах хугацаа олгож өгнө үү гэх хүсэлт ирүүлсэн учраас шүүх хурал хойшилсон” гэв.