Цахим орчинд есдүгээр сарын 25-нЫ өдөр олон нийтийн сүлжээнд LEXUS 600 машины жолооч эмэгтэй замын голд хүүхдийн биед халдаж буй бичлэг цацагдаж, шүүмжлэлд өртөөд буй.
Цахим орчинд нийтлэгдсэн бичлэг дээрх зөрчил нь Баянзүрх дүүргийн 43 дугаар хорооны нутаг дэвсгэрт байрлах Натур худалдааны төвийн дунд зам дээр үйлдэгдсэн байна.
Уг зөрчилд холбогдуулан тээврийн хэрэгслийн жолооч 42 настай, эмэгтэй О-г шалгаж, Монгол Улсын Зөрчлийн тухай хуулийн тусгай ангийн 5.3 дугаар зүйлийн 1 дэх хэсэгт зааснаар буюу “Хүний биед гэмтэл учруулахгүйгээр халдаж зодсон” гэх заалтаар 100 нэгжээр торгох шийтгэл оногдууллаа.
Зөрчлийн тухай хуулийн 5.3 дугаар зүйл.Хүний биед халдах
1.Хүний биед хохирол учруулахгүйгээр халдаж зодсон бол хүнийг нэг зуун нэгжтэй тэнцэх хэмжээний төгрөгөөр торгоно.