“Хүрээ хаус” ХХК нь 2008 оны 06-р сарын 05-ны өдрөөс үүсэн байгуулагдаж үйл ажиллагаагаа эхэлснээс хойш 16 дахь жилдээ тогтвортой жигд, амжилттай ажиллаж байна. Манай компани нь 7623 у/м шугамаар цэвэр ус түгээж, 6199 у/м шугамаар бохир ус татан зайлуулж УСУГ-тай гэрээтэйгээр ажиллаж байна.

НҮБ-ын 1992 оны чуулганаас цэвэр усны гачигдалд байгаа олон улс орныг усны хомсдолоос гаргах, цэнгэг усны нөөцийг нэмэгдүүлэх, усыг зүй зохистой хэрэглэх талаар улс орнуудад уриалж жил бүрийн 3 дугаар сарын 22-ны өдрийг Дэлхийн усны өдөр болгон тодорхой уриа дор дэлхий даяар тэмдэглэж байхыг тунхагласан бөгөөд 2024 оны хувьд “ЭНХИЙГ ТЭТГЭХ УС” гэсэн уриан дор дэлхий даяар тэмдэглэн өнгөрүүлэхээр зарласан байна. НҮБ-с Дэлхий нийтээр 2030 он гэхэд бүх нийтийг шаардлага хангасан ус ариун цэврийн байгууламжаар хангах зорилго тавьсан бөгөөд уг зорилгод хүрэхийн тулд хүн бүр өөрсдийн зүгээс хувь нэмрээ оруулах усны үнэ цэнэ үнэлэмжийг олон нийтэд таниулах усны нөөц түүнийг зөв зохистой ашиглах усны менежментийн өөрчлөлт шинэчлэлтийг хурдасгаж сайжруулах чиглэлээр улс орнуудыг хамтран ажиллахыг уриалсан.

Иймээс манай компаний зүгээс та бүхнийг ч бас цэнхэр алт болох усандаа ариг хамтай байж, зөв зохистой хэрэглэхийг уриалж байна.

“ХҮРЭЭ ХАУС” ХХК