Г.Ганхуяг, Г.Хишигбат, Г.Жамбалдорж нараас допинг илэрчээ DNN.mn

Үндэсний их баяр наадамд шөвгөрсөн 32 бөхөөс дөрвөн тамирчны сорьцод сэжигтэй хариу гарсан тухай Үндэсний их баяр наадам зохион байгуулах комисс, Үндэсний бөхийн салбар хороо, Допингийн эсрэг үндэсний төвөөс мэдээлсэн.

Улмаар өнгөрөгч амралтын өдрүүдэд сэжигтэй гурван тохиолдлын нарийвчилсан шинжилгээний хариу ирж, допингийн хориотой бодис илэрсэн нь тогтоогджээ. Иймд өнөөдөр (2024.07.22) тухайн гурван тамирчинтай Үндэсний бөхийн салбар хороо уулзаж, шинжилгээнийх нь хариуг танилцуулсан байна. Үүнд:

Ховд аймгийн Булган сумын харъяат “Алдар” спорт хорооны бөх, Улсын харцага Г.Ганхуяг

Ховд аймгийн Алтай сумын харъяат “Алдар” спорт хорооны бөх Аймгийн арслан Г.Хишигбат

Баянхонгор аймгийн Хүрээмарал сумын харъяат  “Алдар” спорт хорооны бөх Цэргийн арслан Г.Жамбалдорж нар аж.

Мөн үлдсэн нэг бөхийн шинжилгээний хариу ирээгүй байна. Цаашид урьдчилсан байдлаар допинг илэрсэн бөхчүүд “Б” сорьцын шинжилгээ өгөх эсэхээ шийднэ.