Онон гол долдугаар сарын 31-нд орсон борооны улмаас үерийн аюултай түвшинг даван үерлэжээ. Үерийн улмаас Онон голын гүүрний далан сэтэрч машин техник зорчих боломжгүй болсон байна.
Мөн голын сав дагуу зусдаг айлууд усанд автжээ. Тодруулбал, Эг, Барх гол Батширээт сумын чиглэлд, Онон гол Биндэр сумын чиглэлд үерийн түвшинг 14-22 см-аар давсан, бусад голууд үерийн аюултай түвшинг 6-30 см, Онон гол Дадал сумын чиглэлд нэг метрээс дээш даван аюулын зэрэгтэй үерлэж байгааг Хэнтий аймгийн Ус цаг уур орчны шинжилгээний төвөөс мэдээлэв. Тиймээс Хэнтий аймгийн Биндэр, Баян-Адарга, Дадал сумын чиглэлд тээврийн хэрэгслийн зорчих хөдөлгөөнийг хаасан байна. Тус чиглэлд зорчихгүй байхыг анхааруулав.