Category: соёл-урлаг

Categories
мэдээ соёл-урлаг

“Алтайн магтаал”, “Аргил цагаан өвгөн” туульсыг хайлжээ

Нацагдоржийн нэрэмжит Улаанбаатар хотын нийтийн номын санд өчигдөр Монгол төрийн батламжит туульч, Монгол Улсын Соёлын Гавьяат зүтгэлтэн Авирмэдийн Балдандорж “Алтайн магтаал”, “Аргил цагаан өвгөн” туульсийг хайллаа.

Алтайн магтаалыг хаврын тэргүүн цагаан сарын үеэр айл гэртээ хайлуулах нь хамгийн эрхэм нандин ёс уламжлал бөгөөд бүтэн жилийн турш айл хотлоороо Алтайн эзний ивээлд багтаж, ашдын ерөөл хурж байна хэмээн сүсэглэдэг учиртай аж. Харин “Аргил цагаан өвгөн” тууль нь хамгийн зөөлөн цагаан туулийн нэг бөгөөд айл гэрийн настнуудад үр хүүхдүүдэд нь ивээл буян хишгээ хайрлах ерөөл увдистай хэмээн үздэг нэн эртний тууль юм байна.

Categories
мэдээ соёл-урлаг энтертаймент-ертөнц

“The Hu” хамтлаг баримтат киноныхоо эхний ангийг цацжээ

Монголын хүннү рок урсгалаар уран бүтээлээ туурвидаг “Хү” хамтлаг өнөөдрийг хүртэлх замналынхаа талаар өгүүлэх “Citizens Of The World” нэртэй гурван ангит богино хэмжээний баримтат кино бүтээжээ.

“Хү” хамтлагийнхан сүүлийн таван жилийн хугацаанд Өрнөдийн орчин үеийн рок/металл урсгалыг Монгол хөөмий, уламжлалт хөгжмийн зэмсгүүдтэй хослуулсан “хүннү рок” хэмээх урсгалаараа дэлхийн өнцөг булан бүрт үзэгчдийг байлдан дагуулсаар ирсэн билээ.

Тэд стриминг үйлчилгээгээр нийтдээ 329 сая гаруй хандалт, “Youtube” платформд 290 сая гаруй хандалт аваад байгаа бөгөөд Америкийн “Billboard” сэтгүүлийн “Top 5 Mainstream Rock” жагсаалтад хоёр дуу нь багтаж, дэлхий даяарх олон аялан тоглолтынх нь тасалбар өндөр хувьтай борлогдсон амжилт үзүүлж, “Coachella”, “Lollapalooza”, “Download Festival” зэрэг хөгжмийн наадамд оролцсоноос гадна “Billboard”, “NPR”, “GQ”, “The Guardian”, “Revolver” зэрэг сонин сэтгүүлээр зогсохгүй алдарт дуучин, хөгжмийн зохиолч Элтон Жоноос өндөр үнэлгээ аваад байгаа юм.

“Citizens Of The World” баримтат киноны эхний ангиар үзэгчид хамтлагийг үүсгэн байгуулсан дөрвөн гишүүн Гала, Жаяа, Тэмка, Энкүш нартай, мөн морин хуур, товшуур, төмөр хуур зэрэг уламжлалт хөгжмийн зэмсгүүдтэй нь танилцах боломжтой. Түүнчлэн сонсогчдод өөрсдийнхөө дотор орших “дайчин сүнс”-ийг сэрээж, түүгээрээ дамжуулан дэлхий даяар сайн сайхныг түгээн дэлгэрүүлэх үзэл санааных нь талаар өгүүлсэн байна. “Хү”-г 2022 онд НҮБ-ын Боловсрол, шинжлэх ухаан, соёлын байгууллагын /ЮНЕСКО/ “Энх тайвны төлөөх уран бүтээлч”-ээр тодруулснаар уг анги төгсдөг. Ирэх гуравдугаар сарын 1, 15-ны өдрүүдэд тус тус цацагдах сүүлийн хоёр ангид хамтлагийн гишүүд өнгөрсөн 12 дугаар сард ЮНЕСКО-гийн Парис хот дахь төв байранд хүрэлцэн очиж арга хэмжээнд оролцсон тухай, мөн алдарт “Casino de Paris” концертын танхимд уран бүтээлээ толилуулсан талаар өгүүлэх ажээ.

Categories
их-уншсан соёл-урлаг

ХӨРӨНГИЙН БИРЖИЙН ТОП-20 ИНДЕКСИЙН БАГЦ ШИНЭЧЛЭГДЖЭЭ

Монголын хөрөнгийн биржийн “Үнэт цаасны үнийн индекс тооцох тухай журам” -ын дагуу ТОП-20 индексийн багцыг шинэчлэн 2022 оны 1-р сарын 20-ны өдрөөс мөрдөхөөр боллоо. 2022 оны үзүүлэлтээр ТОП-20 индексийн багцыг шинэчлэхэд өмнөх багцад багтаж байсан 15 компани хэвээр үлдэж, “Махимпекс” ХК, “Би Ди Сек” ХК, “Дархан нэхий” ХК, “Талх чихэр” ХК болон “ЛэндМН ББСБ” ХК нар хасагдаж шинээр “Төрийн банк” ХК, “Сэнтрал Экспресс Си Ви Эс” ХК, “Богд банк” ХК, “Сэндли ББСБ” ХК, болон “Голомт банк” ХК нар нэмэгдэн шинэчилсэн багцыг бүрдүүлж байна.

 
№ Үнэт цаасны нэр Үсгэн код Зах зээлийн үнэлгээ /20221230/ Өдрийн дундаж гүйлгээ
1 “АПУ” ХК APU 1,584,895,341,813 59,732,950
2 “Голомт банк” ХК GLMT 1,030,229,407,844 23,082,452
3 “Ард санхүүгийн нэгдэл ” ХК AARD 139,637,603,440 88,800,054
4 “Эрдэнэ Pесурс Девелопмент Корпорэйшн” ХК ERDN 227,286,864,495 10,565,106
5 “Инвескор ББСБ” ХК INV 379,100,126,405 9,758,428
6 “Төрийн банк” ХК SBM 494,512,534,125 6,953,841
7 “Сэнтрал Экспресс Си Ви Эс”ХК CUMN 139,920,214,817 16,727,178
8 “Говь” ХК GOV 193,717,536,000 8,519,435
9 “Улсын Их Дэлгүүр” ХК UID 145,556,802,384 7,888,476
10 “Тавантолгой” ХК TTL 426,851,446,000 3,612,162
11 “Түмэн шувуут” ХК TUM 70,092,000,000 15,452,054
12 “Монос хүнс” ХК MFC 51,000,002,389 13,638,418
13 “Мандал даатгал” ХК MNDL 52,547,465,672 10,071,254
14 “Сүү” ХК SUU 162,354,050,801 2,854,496
15 “Богд банк” ХК BOGD 124,937,500,000 4,355,912
16 “Ард кредит ББСБ” ХК ADB 36,009,850,054 5,135,202
17 “Ард даатгал” ХК AIC 23,218,750,000 6,931,135
18 “Монгол шуудан” ХК MNP 99,072,497,367 1,323,599
19 “Сэндли ББСБ” ХК SEND 36,242,932,700 2,269,402
20 “Бодь даатгал” ХК BODI 29,926,912,544 2,837,642

МОНГОЛЫН ХӨРӨНГИЙН БИРЖ

Categories
их-уншсан соёл-урлаг

ЗАСГИЙН ГАЗАР КАЗИНОГИЙН ОРЛОГЫН 40 ХУВИЙГ ТАТВАРТ АВНА DNN.MN

УИХ-ын намрын чуулган завсарлахаасаа өмнө Засгийн газраас өргөн барьсан Казиногийн тухай хуулийг хэлэлцэн дэмжиж хэлэлцэх нь зүйтэй гэж үзлээ. Ирэх хаврын чуулганаар уг хуулийн төслиг үргэлжлүүлэн хэлэлцэхээр боллоо. Хууль зүй, дотоод хэргийн сайд Х.Нямбаатар хуулийн төслийнхөө талаар мэдээлэл өгөхдөө “Орчин цагийн хууль цаазын түүхэнд батлагдаад огт хэрэгжилгүй байж байгаад хүчингүй болсон ганцхан тохиолдол байдаг. Энэ нь 1998 онд батлагдсан Казиногийн тухай хууль. Тухайн үед би оюутан байсан. Казиногийн хууль тойрсон авлигын асуудлаас болоод түүнээс хойш монголчууд нийтээрээ казиногийн тухай бараг ярьж чадахаа больсон. Өнөөдөр бид аялал жуулчлалыг нэмэгдүүлэх, гаднаас ирж байгаа хүмүүсийг зугаа цэнгэлтэй аялалаар урин дуудах хамгийн том бүтээгдэхүүн бол казино. Казиногийн хоёр дахь том давалгаа буюу олон түмнийг жигшээсэн зэвүүцүүлсэн зүйл бол 2005-2006 онд болсон үйл явдал байдаг. Энэ нь Хууль зүйн яамнаас бооцоот, төлбөрт таавар тоглоомын журмаар казиногийн зөвшөөрөл олгосон явдал. Тухайн үед Улаанбаатар хотод борооны дараах мөөг шиг казинонууд байгуулагдсан. Автомат тоглоомын ширээнүүд, фокерын ширээнүүдтэй газрууд байгуулагдсан. Үүнээс болоодд олон залуу мөрийтэй тоглоомонд донтож амьдрал ахуйгаа үрсэн. Нэг яамны төрийн нарийн бичгийн дарга яамныхаа ажилчдын цалингаар бүхэлд нь тоглоод ял авсан гашуун түүх бий. Тиймээс аялал жуулчлалын бүтээгдэхүүнийг бий болгохын тулд монгол хүнийг оруулахгүй хязгаарлалттай казиног эхний ээлжид нээх нь олон залууг тоглоомонд донтохоос сэргийлнэ.

Эхний ээлжинд ганцхан аж ахуйн нэгжид казиногийн зөвшөөрөл олгоно. Тухайн аж ахуйн нэгж Хөшигийн хөндийд аялал жуулчлалын цогцолбор барихаас ажлаа эхлүүлнэ. Ийм шаардлага тавьж байгаа. Тэгэхгүй бол түрээсийн байранд үйл ажиллагаа явуулаад хэзээ ч хамаагүй хөрөнгө оруулалтаа буцааж татаад явчихдаг байж болохгүй. Үлй ажиллагаанд нь аль боох төр оролцохгүй. Татвараа л авна. Засгийн газар орлогынх нь 40 хувийг авна. Өөр ямар нэгэн оролцоо байхгүй, дарамт үүсгэхгүй” гэлээ.

Categories
соёл-урлаг

АТГ: УЛСЫН ХЭМЖЭЭНД 13 МЯНГАН АЛБАН ТУШААЛТАН ХАСХОМ-ЭЭ МЭДҮҮЛСЭН DNN.MN

Авлигатай тэмцэх газраас Хувийн ашиг сонирхлын мэдүүлэг болон хөрөнгө, орлогын мэдүүлгийг шинэчлэн гаргуулах ажлыг хэрэгжүүлсэн бөгөөд 2023 оны нэгдүгээр сарын 20-ны өдрийн байдлаар нийт 13 мянган мэдүүлэг гаргагч ХАСХОМ-ээ цахим системээр шинэчлэн гаргасан байна.

Мэдүүлгийг шинэчлэн гаргуулах ажлын хүрээнд Соёлын яам, Эрүүл мэндийн яам, Шүүх, Улсын ерөнхий прокурорын газар, Шүүхийн шийдвэр гүйцэтгэх ерөнхий газар, Цэргийн тагнуулын газар, Татварын ерөнхий газар, Нийслэлийн ИТХ, Нийслэлийн Засаг даргын Тамгын газар, Баянгол дүүргийн Засаг даргын Тамгын газар, “Чингис хаан” олон улсын нисэх буудал дахь гаалийн газар, Улаанбаатар хот дахь гаалийн газар, “Эрдэнэс Монгол” ХХК, тэдгээрийн харьяа байгууллагын мэдүүлэг гаргагч нарт “ХАСХОМ гаргахад анхаарах асуудал” сэдвээр танхимаар болон цахимаар сургалт зохион байгуулж, 5 мянга гаруй мэдүүлэг гаргагчийг хамруулжээ.

Categories
соёл-урлаг

МОНГОЛ УЛС ХҮҮХДИЙН МӨНГӨН ТЭТГЭМЖИД 2005-2023 ОНД 7.2 ИХ НАЯД ТӨГРӨГ ЗАРЦУУЛЖЭЭ DNN.MN

“Хүүхдийн мөнгө тэтгэмж-“ийг Монгол Улс 2005 оноос өнөөдрийг хүртэл 18 жилийн хугацаанд олгожээ. Хүүхдийн мөнгөн тэтгэмжийг анх сар бүр 3 000 төгрөгөөр олгож эхэлсэн бөгөөд 2005-2023 оны хооронд нийт 7.2 их наяд төгрөг зарцуулжээ.

0-18 насны нийт хүүхдийн мөнгөн тэтгэмжид хамрагдсан хувь хэмжээ

-2005 онд 34%
-2006 онд 70%
-2007-2016 оны 6 сарыг дуустал 100%
-2016 оны 7 сараас 60%
-2017 онд 100%
-2018 оны 3 сарыг дуустал 60%
-2018 оны 4 сараас 80%
-2019 онд 80%
-2020-2022 онд 100%
-2023 онд нийт хүүхдийн 91%

Хүүхдийн мөнгөн тэтгэмжийн хэмжээ:

-2005- 2007 оны хагас жил хүртэл сар бүр 3 000 төгрөг
-2007 оны 07 сараас 2012 оны 09 сар хүртэл улиралд 25000 төгрөг
-2012 оны 10 сараас 2019 оныг дуустал сар бүр 20000 төгрөг
-2020-2022 онд сар бүр 100 000 төгрөг
-2023 онд сар бүр 100 000 төгрөгийг хүүхдийн мөнгөн тэтгэмжид зарцуулж байна гэж Сангийн яамнаас мэдээллээ.

Categories
мэдээ нийгэм соёл-урлаг энтертаймент-ертөнц

“Outlaw” хамтлагийн VIP тоглолтын хос тасалбар 247 мянган төгрөгөөр худалдаалагдана DDN.mn

“Outlaw” хамтлаг тайзнаа эргэн ирлээ. Тус хамтлагийнхан “Надаас бүү холдооч” VIP тоглолтоо валентины баяраар хийхээр болжээ.

Тоглолт Z’Terra terrace restauran-д болох бөгөөд 200 хүнд л тасалбараа борлуулах ажээ. Тасалбарын үнэ 25 Хосын тасалбар нь

Тус хамтлагийг “Андын дурсгалд”, “Мөсөн хайр”, “Зүрхэн тэнгэрийн наран”, “Дэлхий хүртэл таниар минь бахархдаг” зэрэг сэтгэлд хоногшсон уран бүтээлүүдээр нь та бүхэн мэдэх биз ээ.

Categories
соёл-урлаг

ТАТВАР ТӨЛӨГЧ ТА БУЦААН ОЛГОЛТОО АВААРАЙ DNN.MN

Монгол Улсын Үндсэн хуульд заасан албан татвар төлөх үүргээ биелүүлсэн татвар төлөгч та эрхээ эдэлж, буцаан олголтоо аваарай.

ААНОАТ-ын 22.1, 22.5-р зүйлд заасан хөнгөлөлтийг эдлэх, 28.4-д заасан илүү төлсөн татвараа буцаан авахдаа:

1) Тайлангаа хугацаандаа ирүүлсэн байх
2) Ногдуулсан албан татвараа 02 дугаар сарын 10-ны өдрийн дотор бүрэн төлсөн байх
3) Хуулийн 22.1 болон 22.5.1-д заасан хөнгөлөлт эдлэх бол хуульд зааснаас бусад салбарт үйл ажиллагаа явуулдаг байх

Хэрхэн буцаан авах вэ ?

1) ААНОАТ-ын тайлангийн ХМ-02 (“Албан татварын хөнгөлөлтийн тооцоолол”-ын хавсралт мэдээг заавал бөглөсөн байх
2) Буцаан олголт авах хүсэлтээ татварын албанд цахимаар заавал илгээсэн байх

Categories
соёл-урлаг

ДЭЛХИЙН ЭДИЙН ЗАСГИЙН ЧУУЛГА УУЛЗАЛТ БОЛЛОО DNN.MN

Дэлхийн эдийн засгийн 2023 оны чуулга уулзалт Швейцарын Давос хотноо “Хуваагдсан дэлхий ертөнц дэх хамтын ажиллагаа” сэдвийн дор амжилттай боллоо.

Энэ жилийн чуулга уулзалтад цар тахлын дараах дэлхийн бизнесийн салбарын олон төлөөлөл оролцсон бөгөөд энэ нь “бизнес”, “маркетинг” гэсэн нэр томъёоны утгыг жинхэнэ утгаар өөрчиллөө. Чуулга уулзалтаар эдийн засгийн хямралаас гадна, Орос-Украины дайн, уур амьсгалын өөрчлөлт болон дэлхий дахинд тулгамдаж буй бусад асуудлыг хэлэлцлээ.

Дэлхийн эдийн засаг

Эдийн засгийн тал дээр бизнесийн салбарын манлайлагчид цаашдын хэтийн төлөвийн талаар эерэг таамаг дэвшүүлснээр өөдрөг дүр зураг харагдаж байв.

АНУ, Европ ч мөн одоогоор эдийн засгийн уналтад орох эрсдэлээс хол байгаа бололтой. Үүний сацуу дэлхийн ихэнх улс орны эдийн засаг “COVID-19”-өөс үүдэлтэй нөхцөл байдлаас гарч байгаа нь сайны шинж тэмдэг юм.

Хятад улс “COVID-19”-тэй тэмцэхийн тулд хэрэгжүүлж байсан хязгаарлалтуудаа цуцалж хилээ нээсэн нь хэтийн төлөв байдлыг эергээр төсөөлөхөд мөн нөлөөлөв.

Гэсэн ч томоохон эдийн засагтай орнуудын Төв банкууд санаа зовоосон асуудлууд байсаар байгааг анхааруулж, инфляцыг хяналтдаа авахын тулд бодлогын хүүгээ өндөр байлгахаа мэдэгдсэн байна.

Украины тухайд

Украины тал цэргийн нэмэлт тусламж, сэргээн босголтын ажилд санхүүгийн тусламж шаардлагатай байгааг дахин мэдэгдэж, сэргээн босгох үйлст зориулсан амлалтуудыг дайн дууссаны дараа биш, харин одоо өгч эхлэх хэрэгтэй гэж үзэж байгаагаа илэрхийлжээ.

Европын сэргээн босголт, хөгжлийн банкны тэргүүн Одил Франсуа Рено-Бассогийн хувьд, “Одоо бид хэдий чинээ хүчин чармайлт гаргана, төдий чинээгээр сэргээн босголтын ажил хөнгөвчлөгдөнө” гэж хэлснийг “Reuters” агентлаг эш татан мэдээлсэн байна.

Украины Ерөнхийлөгч чуулга уулзалтад цахимаар үг хэлж, тус улсын тэргүүн хатагтай Давост биечлэн очжээ.

Уур амьсгалын өөрчлөлт

Дэлхийн эдийн засгийн чуулга уулзалтын үеэр хөндөгдсөн гол сэдвүүдийн нэг нь уур амьсгалын өөрчлөлт байлаа. Ногоон эрчим хүчийг ашиглах, энэ чиглэлд оновчтой хөрөнгө оруулалт хийх нь нэн шаардлагатай байгааг уулзалтад оролцогч бүх тал хүлээн зөвшөөрчээ.

Бизнесийн салбарын манлайлагчид мөн чинээлэг улс орнууд болон корпорацууд уур амьсгалын өөрчлөлттэй тэмцэхэд илүү их хөрөнгө мөнгө зориулах хэрэгтэй гэдэгтэй санал нэгдсэн байна.

Дэлхийн эдийн засгийн чуулга уулзалтын цахим хуудсанд мэдээлснээр, хорт хийн ялгарлыг бууруулах, 2050 он гэхэд биологийн олон янз байдлыг сэргээхэд жил бүр шаардлагатай 3 их наяд долларын санхүүжилтийг бий болгоход туслах зорилготой санаачилгыг эхлүүлжээ.

Чуулга уулзалтын үеэр Грета Тунберг тэргүүтэй байгаль хамгаалагч идэвхтнүүд “Бидэнд Б гараг гэж байхгүй”, “Олборлодог түлшнээс татгалзах ёстой” гэсэн уриа лоозонгуудыг барин эсэргүүцлийн жагсаал өрнүүлсэн байна.

Categories
соёл-урлаг

НИЙТ 68 КОМПАНИЙН ХУВЬЦАА АРИЛЖААЛЛАА DNN.MN

“Монголын хөрөнгийн бирж” ТӨХК нь 2023 оны 1 дүгээр сарын 16-наас 2023 оны 1 дүгээр сарын 20-ны өдрүүдэд 5 удаагийн үнэт цаасны арилжаа зохион байгуулж, нийт 2,823,184,663 төгрөгийн арилжаа хийсэн байна.

1. ХУВЬЦААНЫ АРИЛЖАА:

Нийт 68 компанийн 9,383,253 ширхэг хувьцааг 2,043,948,151 төгрөгөөр арилжааллаа.

Хувьцааны хоёрдогч зах зээлийн арилжаанд идэвхтэй арилжаалагдсан үнэт цаасууд:

 
№ Симбол Компанийн нэр Тоо ширхэг Үнийн дүн
1 MSE МОНГОЛЫН ХӨРӨНГИЙН БИРЖ 4,458,328 730,818,138
2 APU АПУ 160,634 239,713,774
3 GLMT ГОЛОМТ БАНК 134,356 154,940,867
4 TTL ТАВАН ТОЛГОЙ 13,080 134,203,105
5 AARD АРД САНХҮҮГИЙН НЭГДЭЛ 31,215 124,187,559
6 BOGD БОГД БАНК 56,969 102,646,469
7 ERDN ЭРДЭНЭ РЕСУРС ДЕВЕЛОПМЕНТ КОРПОРЭЙШН ХК 119,840 100,695,630
8 MFC МОНОС ХҮНС 821,386 96,213,233
9 MBF МОН БИЙФ 1,256,708 55,115,267
10 GOV ГОВЬ 210,747 52,732,225

Хоёрдогч зах зээлийн арилжаанд идэвхтэй оролцсон үнэт цаасны компаниуд:

 
№ Симбол Компанийн нэр Ширхэг Үнийн дүн
1 GLMT Голомт Капитал ХХК 3,968,350 870,993,757
2 MIBG Мандал Капитал Маркетс ҮЦК 819,821 622,495,910
3 BDSC БиДиСек ХК 1,611,790 587,532,311
4 MNET Ард Секюритиз ХХК 1,667,305 475,948,428
5 TTOL Апекс Капитал ҮЦК 1,915,269 435,992,077
6 ARD Өлзий Энд КО Капитал ХХК 2,070,870 405,738,943
7 ZGB Таван Богд Капитал ХХК 2,336,992 302,141,698
8 TDB Ти Ди Би Секьюритис ХХК 1,268,432 262,345,019
9 BUMB Бумбат-Алтай ХХК 669,056 129,216,326
10 GDSC Гүүдсек ХХК 466,577 88,413,774

2. КОМПАНИЙН ӨРИЙН ХЭРЭГСЛИЙН АРИЛЖАА:

Хоёрдогч зах зээлийн арилжаа:

 
№ Үнэт цаасны нэр Арилжсан ширхэг Үнийн дүн Дээд Доод
1 ICBN-BD-17/08/23-C0016-13 1994 198,241,990 99,730 95,000
2 LNBD-BD-02/07/23-C0014-14 195 18,755,080 96,400 95,040
НИЙТ 2,189 216,997,070

2023 оны 1 дүгээр сарын 16-наас 2023 оны 1 дүгээр сарын 20-ны өдрүүдэд компанийн бондын хоёрдогч зах зээлийн арилжаанд 2,189 ширхэг үнэт цаасыг 216,997,070 төгрөгөөр арилжаалав.

3. ХӨРӨНГӨ ОРУУЛАЛТЫН САНГИЙН НЭГЖ ЭРХИЙН АРИЛЖАА:

 
№ Симбол Үнэт цаасны нэр Ширхэг Үнийн дүн
1 MFG Мандал Ирээдүйн Өсөлт 283,093 278,847,252
2 XOC Үндэсний Хувьчлалын Сан 108,329 11,730,571
НИЙТ 391,422 290,577,823

2023 оны 1 дүгээр сарын 16-наас 2023 оны 1 дүгээр сарын 20-ны өдрүүдэд хөрөнгө оруулалтын сангийн хоёрдогч зах зээлийн арилжаанд 391,422 ширхэг нэгж эрхийг 290,577,823 төгрөгөөр арилжаалав.

4. ХӨРӨНГӨӨР БАТАЛГААЖСАН ҮНЭТ ЦААСНЫ АРИЛЖАА:

Хоёрдогч зах зээлийн арилжаа:

 
№ Үнэт цаасны симбол Арилжсан ширхэг Үнийн дүн Дээд Доод
1 BGF-BD-19/12/24-C0037-17.5 728 72,800,000 100,000 100,000
2 MONI-BD-04/03/24-C0026-14.5 1994 198,861,620 99,730 99,730
НИЙТ 2,722 271,661,620

2023 оны 1 дүгээр сарын 16-наас 2023 оны 1 дүгээр сарын 20-ны өдрүүдэд хөрөнгөөр баталгаажсан үнэт цаасны хоёрдогч зах зээлийн арилжаанд 2,722 ширхэг үнэт цаасыг 271,661,620 төгрөгөөр арилжаалав.

5. БАГЦЫН АРИЛЖАА:

 
№ Өдөр Симбол Үнэт цаасны нэр Нэгж үнэ Арилжсан ширхэг Үнийн дүн
1 2023.01.18 MFG Мандал Ирээдүйн Өсөлт 1,000 250,000 250,000,000
ДҮН 250,000 250,000,000

2023 оны 1 дүгээр сарын 18-ны өдөр багцын арилжаагаар 250,000 ширхэг үнэт цаасыг 250,000,000 төгрөгөөр арилжаалав.

2023 оны 1 дүгээр сарын 20-ны өдрийн байдлаар зах зээлийн үнэлгээ 6,888,598,768,131 төгрөг болсон бол ТОП-20 индекс 38,035.66 нэгж болж, өмнөх долоо хоногоос 1.02 хувиар өссөн үзүүлэлттэй байна.

МОНГОЛЫН ХӨРӨНГИЙН БИРЖ