Category: цаг-үе

Усны шувууд зэл татуулан ирж мөстэй усанд хөлөө дүрэн цэмцгэнэж байна. Урь унаж усны шувуу ирнэ гэдэг энэ юм.

Шувууд унаган төрөлх нутгийнхаа ааш аягийг мэднэ. Хүн сэн бол “Нутаг ширүүн таалж байх чив ээ, ингэсхийгээд дулаарч хоол хошоор бялхаж эхэлнэ дээ” гэж ярилцах сан болов уу. Тэд хол нь номхон далай гатлан 7000-аад км туулж, арай ойр нь Энэтхэгийн далай хавьцаанаас 3500 км-ийн алсаас ирж байгаа. Усны шувууд дунджаар 40 -өөд хоног, хол нь бүүр ч олон хоног нисч ирцгээдэг гэсэн. Тэд манай энд идэр ес дундаа орж жавар тачигнаж агаар тэс хөлдөн амьсгалахад хөлдүү агаар уушги руу зүү шиг шивж байхад л наашаа хөдөлж байж дээ.

Усны шувуудыг ийнхүү мянга мянган жил уйгагүй нүүдэл хийлгэх увдис Монголын их талд оршсоор ажгуу. Зэрэглээтэн мяралзах хөхөмдөг униарт талд ямархан сүнс сүлд тэднийг далай гатлуулан дууддаг юм бол. Адууны туурай нижигнэсэн, аргалын утаа цэнхэртсэн их тал дундах аягын чинээ өвсөн үүр нь тэднийг ингэж дууддаг юм уу. Аянгын дуу тачигнасан аадар ширүүн бороо тэртээ тэнгэрийн хаяанаас наашлах ч цэцэгсийн үнэрт нь мансуурам зуны дулаахан нар тэдний ээжийг нь орлон далладаг уу.

Аль эсвэл одод асгарсан хөх шөнийн тэнгэрээс зөвхөн зуны шөнө л дуулдахтай үгүйтэй сонсогддог, хэн ч үл мэддэг мөртлөө хүн болгон мэддэг юм шиг сэтгэлд бүлээн тэр зөөлөн аялгуу нааш нь чангаана уу. Тийм ээ, тэд энд их талд төрдөг, тиймээс тал нутагт минь л гэж түмэн газрыг туулан ирдэг билээ. Төрсөн нутгийн увдис гэж ийм ажгуу.

Ерөнхий боловсролын сургуулийн 2024-2025 оны хичээлийн жилийн II улирлын амралт дөрөвдүгээр сарын 7-ноос эхэлнэ.

Сурагчдын амралтын хуваарийг хот, хөдөөгийн сургуулиудад ялгаатай тогтоодог бөгөөд нийслэлийн сургуулиуд гуравдугаар сарын 31-нээс дөрөвдүгээр сарын 4-нийг дуустал бие даалтын долоо хоног буюу сурагчид танхимаар хичээллэхгүй.

Энэ хугацаанд сурагчид музей, урлагийн тоглолт үзэх, спортоор хичээллэх зэргээр танхимаас гадуур хөгжүүлэх хөтөлбөрүүдэд хамрагдана.  III улирлын хичээл дөрөвдүгээр сарын 14-ний даваа гарагт эхэлнэ.

Харин хөдөө орон нутагт гуравдугаар сарын 24-28-нд бие даалтын долоо хоногт эхэлж, гуравдугаар сарын 31-нээс дөрөвдүгээр сарын 11-нийг дуустал II улирлын амралт үргэлжилнэ. Дөрөвдүгээр сарын 14-нээс хичээл орно.

Өнөөдөр дараах дөрвөн дүүрэгт цахилгаан хязгаарлаж, төлөвлөгөөт засвар үйлчилгээг хийхээр болжээ.

УБЦТС ТӨХК-иас цаг агаарын нөхцөл байдлаас шалтгаалан хууварьт өөрчлөлт орвол гэрээнд, бүртгэлтэй утасны дугаарт мэдээлэл хүргэхийг мэдээллээ. Мөн засварын ажлыг тухайн тоноглолыг хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэглэгчдээс хүслээ.

2025 оны гуравдугаар сарын 19-ний өдөр Булган аймгаас мэдээлэгдсэн улаанбурхан өвчний сэжигтэй 1 тохиолдол лабораториор батлагдлаа.

Нийт улаанбурханы лабораториор батлагдсан 62 тохиолдол бүртгэгдээд байна.

Мөн Төв аймгаас улаанбурханы сэжигтэй 1, Орхон аймгаас улаанбурхан өвчний сэжигтэй 3 тохиолдол тус тус мэдээлэгдэж тандалт судалгаа, шинжилгээ хийгдэж байна.

Иймд эцэг, эх, асран хамгаалагчид хүүхдийнхээ  улаанбурханы эсрэг товлолт вакцинд 9 сартай болон 2 настайд бүрэн хамруулсан эсэхийг тодруулах, товлолын дагуу улаанбурханы эсрэг вакцины 2 тунд хамрагдаагүй бол өрх, сумын эрүүл мэндийн төвд хандан улаанбурханы эсрэг вакцинд нөхөж хамруулна уу.

Тодруулах, лавлах зүйлсээ 89016199, 75 103 100 утсанд хандана уу.

Малчид, иргэд, тээвэрчдийн анхааралд: Ойрын өдрүүдэд ихэнх нутгаар дулаарч, цас эрчимтэй хайлах тул болзошгүй шар усны үерийн эрсдэлээс сэрэмжтэй байхыг анхааруулж байна.

2025 оны 03-р сарын 19-ний 20 цагаас 2025 оны 03-р сарын 20-ны 20 цаг хүртэлх цаг агаарын урьдчилсан мэдээ

Хур тунадас: Нутгийн хойд хэсгээр үүлшинэ. Бусад нутгаар багавтар үүлтэй. Нийт нутгаар хур тунадас орохгүй.

Салхи: Ихэнх нутгаар баруун хойноос секундэд 4-9 метр, говь, талын нутгаар секундэд 7-12 метр.

Агаарын температур: Шөнөдөө Увс нуурын хотгор, Тэс голын хөндийгөөр 23-28 хэм, Завхан голын эх, Идэр, Байдраг голын хөндийгөөр 18-23 хэм, Их нуурууд болон Дархадын хотгор, Хөвсгөлийн уулархаг нутаг, Эг, Үүр голын хөндийгөөр 12-17 хэм, Алтай, Хангайн уулархаг нутаг, Ерөө, Туул, Тэрэлж, Хэрлэн голын хөндийгөөр 6-11 хэм хүйтэн, Хангайн нурууны өвөр бэл, говийн бүс нутгаар 3 хэмийн хүйтнээс 2 хэмийн дулаан, бусад нутгаар 0-5 хэмийн дулаан, өдөртөө Увс нуурын хотгор, Завхан голын эх, Идэр, Тэс голын хөндийгөөр 5-10 хэм хүйтэн, Дархадын хотгор, Хүрэнбэлчир орчмоор 1-6 хэм, Алтай, Хангай, Хөвсгөлийн уулархаг нутгаар 4-9 хэм, Орхон-Сэлэнгийн сав газар, Хангайн нурууны өвөр бэл болон говийн бүс нутгийн өмнөд хэсгээр 13-18 хэм, бусад нутгаар 8-13 хэм дулаан байна.

УЛААНБААТАР ХОТ ОРЧМООР: Багавтар үүлтэй, хур тунадас орохгүй. Салхи баруун хойноос секундэд 4-9 метр. Шөнөдөө 3-5 хэм хүйтэн, өдөртөө 11-13 хэм дулаан байна.

БАГАНУУР ОРЧМООР: Багавтар үүлтэй, хур тунадас орохгүй. Салхи баруун хойноос секундэд 6-11 метр. Шөнөдөө 6-8 хэм хүйтэн, өдөртөө 11-13 хэм дулаан байна.

ТЭРЭЛЖ ОРЧМООР: Багавтар үүлтэй, хур тунадас орохгүй. Салхи баруун хойноос секундэд 4-9 метр. Шөнөдөө 6-8 хэм хүйтэн, өдөртөө 10-12 хэм дулаан байна.

2025 оны 03-р сарын 21-нээс 03-р сарын 25-ныг хүртэлх цаг агаарын урьдчилсан төлөв

Гуравдугаар сарын 21-нд нийт нутгаар хур тунадас орохгүй. 22-нд Дархадын хотгор, Монгол-Алтай, Хангайн уулархаг нутгаар, 23-нд баруун болон төвийн аймгуудын нутгийн зарим газар, зүүн аймгуудын нутгийн баруун хойд хэсгээр, 24-нд баруун, төв, говийн аймгуудын нутгийн зарим газар, зүүн аймгуудын нутгийн баруун хэсгээр хур тунадас орно. Салхи 22-нд Алтайн салбар уулс болон Арц Богдын өвөр хоолойгоор, 23-нд ихэнх нутгаар, 24-нд нутгийн баруун хагаст секундэд 15-17 метр хүрч ширүүсэж, нутгийн өмнөд хэсгээр шороон шуурга шуурна. Агаарын температур Шөнөдөө Увс нуурын хотгор, Идэр, Тэс голын хөндийгөөр 18-23 хэм, Монгол-Алтай, Хөвсгөлийн уулархаг нутаг, Хүрэнбэлчир орчмоор 11-16 хэм, Хангайн уулархаг нутаг, Орхон, Ерөө, Туул, Тэрэлж голын хөндийгөөр 5-10 хэм хүйтэн, говийн бүс нутгийн өмнөд хэсгээр 1 хэмийн хүйтнээс 4 хэмийн  дулаан, бусад нутгаар 0-5 хэм хүйтэн, өдөртөө ихэнх нутгаар дулаарч, Увс нуурын хотгор болон Тэс голын хөндийгөөр 4-9 хэм хүйтэн, Монгол-Алтай болон Хангайн уулархаг нутгаар 5-10 хэм, Орхон-Сэлэнгийн сав газар, Хангайн нурууны өвөр бэл болон говийн бүс нутгаар 16-21 хэм, бусад