Хятадын баруун хойд нутагт болсон 6.2 магнитудын хүчтэй газар хөдлөлтийн улмаас Гансү мужид амиа алдагсдын тоо 117 болж, Гансү, Чинхай мужид амь эрсэдсэн хүний нийт тоо 148-д хүрлээ гэж орон нутгийн эрх баригчид баасан гаригт мэдэгджээ.
Баасан гаригийн байдлаар Гансү мужид газар хөдлөлтийн улмаас 781 хүн гэмтэж бэртсэн гэж тус мужийн газар хөдлөлтийн гамшгийн уршгийг арилгах штабаас мэдээлсэн байна.