АНУ-ын Элчин сайдын яамнаас 2024-2025 оны Бакалаврын оюутнуудад зориулсан Глобал UGRAD хөтөлбөрт өргөдлийн материал хүлээн авч эхэллээ.
Тус хөтөлбөр нь Монгол Улсын магадлан итгэмжлэгдсэн их дээд сургуулийн бакалаврын оюутнуудад өөрсдийн сурч буй чиглэлээрээ АНУ-ын их дээд сургуульд зэргийн бус солилцоонд хамрагдах боломжийг олгодог.
Глобал ЮГРАД хөтөлбөрийг сонирхсон оюутнууд онлайн өргөдлийн материалаа 2023 оны 12 дугаар сарын 15 хүртэл өгөх боломжтой.
Global Undergraduate Exchange Program (Global UGRAD) буюу Глобал ЮГРАД хөтөлбөр нь Монгол Улсын магадлан итгэмжлэгдсэн их дээд сургуулийн бакалаврын оюутнуудад өөрсдийн сурч буй чиглэлээрээ АНУ-ын их дээд сургуульд зэргийн бус нэг семестрийн солилцоонд хамрагдах боломжийг олгодог. АНУ-ын Төрийн департаментын Боловсрол, соёлын товчооноос хэрэгжүүлдэг тус хөтөлбөр ба өмнө нь ямар нэг байдлаар АНУ-д суралцаж байгаагүй оролцогчдыг элсүүлэхийг зорьдог. Амжилттай өргөдөл гаргагчид АНУ-ын нийгэм, соёл, эрдэм шинжилгээний байгууллагуудтай гүнзгий танилцаж, мэргэжлийн ур чадвараа дээшлүүлэх боломжийг хүлээж болно.