Богд ууланд хортон шавьж устгах бодис цацах учир аялж, алхахгүй байхыг анхааруулж байна DNN.mn

Богдхан уулын дархан цаазат газар наймдугаар сарын 30-ны өдрөөс эхлэн хоёр хоногийн хугацаад Хортон шавьж устгалын бактерын бэлдмэл цацах ажлыг хийхээр болжээ.

Иймд Богдхан уулын орчны бүсэд амьдарч буй иргэд оршин суугчид, аялалын жимээр аялаж зугаалдаг алхагчид та бүхнийг 2024.08.30-2024.09.16-ний өдрүүдэд ууланд аялаж алхахгүй байх, Богд уулаас түүгдсэн самар, жимс идэхгүй, авахгүй байхыг мэргэжлийн байгууллагуудаас анхааруулж байна.

Мөн хортон шавьж устгалын хорны нөлөөлөх, нөлөө дарагдах хугацаа 30 хоног гэдгийг анхааруулж байна гэж Богдхан уулын дархан цаазат газрын Хамгаалалтын захиргаанаас мэдэгдлээ.