Author: ДАМЖИНГИЙН БАТТОГТОХ

Categories
мэдээ цаг-үе

Үндэсний сурын харваанд 540 харваач цэц мэргэнээ сорьж байна DNN.mn

Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадам сурын харваагаар үргэлжилж байна.

Энэ жил Үндэсний сурын харваанд 540 харваач оролцож, цэц мэргэнээ сорьж байгаа юм. Тодруулбал

  • Эрэгтэй 360
  • Эмэгтэй 180 харваач оролцож буй.
Монголын үндэсний сурын харваачдын холбооны гишүүн хэлэхдээ “Үндэсний сурын харваа өнөөдөр 20:00 цаг хүртэл үргэлжилнэ. Маргааш 15:00 цаг хүртэл сурын харваа зохион байгуулагдаж, үр дүн нь гарна” гэлээ.

Халх сурын харвааны онцлог нь:

Харвааны байг “ханан” ба “хасаа” харваа гэж хоёр ангилах бөгөөд ханан харваанд гурван метр өргөн, 40 сантиметр өндөр хэц татаад, түүний дотор талд сум орвол оносонд тооцно.

Хасаа харваанд 30 сур өрж харвах агаад бөмбөг мэт бөөрөнхий хэлбэртэй, уран гоёмсог, хөндий суран сүлжмэлийг “сур” хэмээн нэрийднэ. Сураа давхарлан тавьсныг “домбо” гэх бөгөөд 12 домбо өрөөд хоёр талд тус бүр гурван хасаа хөндлөн тавьсныг “хүзүү” хэмээн нэрлэнэ. Голын хоёр домбо нь улаан байх ба хасааны урд талд хязгаар болгон татсан зураасыг “зурхай” гэдэг.

Зурхайн хоёр талд тавьсан гурав гурван сурыг азарга гэнэ. Хасаа харваанд эрчүүд 75 метр газраас 40 сум, эмэгтэйчүүд 60 метр газраас 20 сум тавьж харвадаг.

Categories
мэдээ цаг-үе

Эмээлтээр 16.452 тээврийн хэрэгсэл гарчээ DNN.mn

Долдугаар сарын 8-н буюу бямба гаригийн 06:00 цагаас 9-ний өдрийн 06:00 цагийн хооронд нийслэл Улаанбаатар хотоос орсон гарсан тээврийн хэрэгслийн талаарх мэдээллийг НЗДТГ-аас өглөө. Тодруулбал

  • Хөшигтийн хөндийгөөр 5,301 тээврийн хэрэгсэл орж, 5,424 тээврийн хэрэгсэл гарчээ.
  • Налайх дүүргийн орох ажиллахгүй байгаа ба 12,396 тээврийн хэрэгсэл гарсан.
  • Хоолтоор 4,517 тээврийн хэрэгсэл орж, 5,239 тээврийн хэрэгсэл гарсан.
  • Түргэнээр 640 тээврийн хэрэгсэл орж, 6,050 тээврийн хэрэгсэл гарсан.
  • Эмээлтээр орох ажиллахгүй, 16,452 тээврийн хэрэгсэл гарсан байна.

Нийт 10,458 тээврийн хэрэгсэл Улаанбаатар хот руу орж, 45,561 тээврийн хэрэгсэл Улаанбаатар хотоос гарсныг мэдээллээ.

Categories
мэдээ онцлох-нийтлэл туслах-ангилал цаг-үе

НААДАМ-2023: Хүчит бөхийн барилдааны нэгийн даваа эхэллээ DNN.mn

Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойд зориулсан “Үндэсний их баяр наадам Төв цэнгэлдэх хүрээлэнд үргэлжилж байна.

Хүчит бөхийн барилдааны нэгийн даваа эхэллээ. Энэ жил 512 хүчит бөх хурд хүч, уран мэхээ уралдуулна.

Categories
мэдээ цаг-үе

Наадмын түрүү бөхийг 10 мянган ам.доллараар шагнахаар болжээ DNN.mn

Энэ жилийн Үндэсний их баяр наадмын хүчит 512 бөхийн барилдаанд түрүүлсэн хүчтэнд 10.000 ам.доллар, үзүүрлэсэн бөхөд 5.000 ам.доллар тус тус гардуулах болсноо “Азуре Коал Монгол Майнинг” ХХК-ийн захирал С.Мөнхбат МҮБХ-нд өчигдөр буюу долдугаар сарын 9-ний албан ёсоор мэдэгдлээ.

Үзүүр, түрүүний шагналыг долдугаар сарын 13-ны 11:30 цагт гардуулах юм.

Categories
мэдээ нийгэм

Улаанбаатар хотод 4.3 тэрбум ам.долларын хөрөнгө оруулалт хийх суурь хэлцлийг байгуулжээ DNN.mn

Ulan Bator or Ulaanbaatar is the capital and the largest city of Mongolia.

“Монголын эдийн засгийн форум-2023” арга хэмжээний үеэр болсон “Хотын хөгжил” хэлэлцүүлгийн үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар БНХАУ-ын “СССС нэгдүгээр авто зам инженеринг групп” ХХК-тай хийсэн суурь хэлцлийн талаар мэдээлэл өглөө.

Тэрбээр, Ерөнхий сайд Л.Оюун-Эрдэнийг БНХАУ-д айлчлах үеэр хамтын ажиллагааны суурь хэлцлийг хийсэн. Энэ хүрээнд Тойрог хурдны зам, Улаанбаатарын метро төслийг эхлүүлэх, Туул голын даланг сайжруулах, нийгмийн бүтээн байгуулалт болох эмнэлэг, сургууль барихаар тусгаад байна.

4.3 тэрбум орчим ам.долларын хөрөнгө оруулалт хийх суурь хэлцлийг байгуулсан. Энэ бол Эдийн засгийн чуулганы нэгэн чухал тоон үзүүлэлт. Үүнийг хотын тулгамдсан асуудлуудыг шийдвэрлэхэд зарцуулна. Дараагийн Хотын дарга хэн байхаас үл хамаарч тулгамдсан асуудлуудыг үе шаттай шийдэх ёстой. Тэр боломж, нөхцөлийг бүрдүүлэхийн тулд ажиллаж байна. Хот санхүүгийн хувьд хүчирхэг байх ёстой.

“СССС нэгдүгээр авто зам инженеринг групп” ХХК нь дэлхийд эхний гуравт, Азидаа тэргүүлдэг дэд бүтэц, бүтээн байгуулалтын компани. Тус компанитай Улаанбаатар хотын төлөвлөлтийг хамтарч хийхээр ярилцаж байгаа. Энэ хүрээнд БХБЯ, ЗТХЯ, ЭХЯ-тай хамтран ажиллаж байна.

Улаанбаатар хотод нэг талдаа гурван эгнээ, нийт зургаан эгнээ Тойрог хурдны зам байх ёстой. Эхний байдлаар 12 уулзварын огтлолцлыг төлөвлөсөн. Мөн Улаанбаатар хотод метро хэрэгтэй. Метро байгуулах ажил хэлэлцээний шатандаа яваа. Түүнчлэн Туул гол дагуух хөгжүүлэлт буюу даланг хүчитгэх, иргэдийн ая тухтай орчинг бүрдүүлэх байгууламж хийхээр болсон. Мөн олон улсын стандартын 10 эмнэлэг, 20 сургууль байгуулахаар төлөвлөж байна хэмээлээ.

Хэлцлийн хүрээнд Улаанбаатар хотод хийхээр төлөвлөсөн мега төслүүдийг эхлүүлэх, тулгамдсан асуудлуудыг шийдвэрлэх боломж бүрдэх юм.

Categories
мэдээ нийгэм

Уралдсан морьдыг дахин хэмжиж, хасахгүй байхаар шийдвэрлэлээ DNN.mn

Монголын морин спорт уяачдын холбооноос баталсан “Хурдан морины уралдааны дүрэм”-д уралдаанд түрүүлж айрагдсан морьдын сэрвээний өндрийг дахин хяналтын хэмжилт хийж, дүрэмд заасан насны ангиллын хэмжээнээс давсан нь тогтоогдвол уралдаанаас хасаж, дараагийн морийг хэмжиж, байр эзлүүлэхээр тусгасан.

Энэхүү журмын дагуу гаргасан холбооны саналыг Хүнс, хөдөө аж ахуй, хөнгөн үйлдвэрийн яам дэмжиж, дахин хэмжих асуудлыг хурдан морины салбар хороонд оруулсан. Гэвч Үндэсний их баяр наадмаар хурдан морьдын хязаалангийн уралдаанд айрагдаж, түрүүлсэн морьдыг дахин хяналтын хэмжилт хийх явцад маргаан гарснаас үүдэн уралдсан морьдыг дахин хэмжиж, хасахгүй байх шийдвэрийг Хурдан морины салбар хороо гаргажээ.

Categories
мэдээ цаг-үе

Долдугаар сарын 10-наас 13-ны өдрүүдийн цаг агаарын урьдчилсан мэдээ DNN.mn

Долдугаар сарын 10-ны 8:00 цагаас 13-ны 20:00 цаг хүртэлх цаг агаарын урьдчилсан мэдээг хүргэж байна.

Улаанбаатарт: Хугацаа 10 11 12 13
Хур тунадас \мм\ Үдээс өмнө Багавтар үүлтэй. Бороо орохгүй. Үүлэрхэг. Завсарлагаатай бороо орно. Үүлэрхэг. Бороо орно. Үүл багасна. Бороо орохгүй.
Үдээс хойш Үүлшинэ. Оройдоо бага зэргийн бороо орно. Дуу цахилгаантай. Үүлэрхэг. Бороо орно. Дуу цахилгаантай. Үүлэрхэг. Түр зуурын аадар бороо орно. Үүлшинэ бороо орохгүй. Бороо орохгүй.
Агаарын температур ˚С Үдээс өмнө +20 +17 +15 +15
Үдээс хойш +25 +20 +19 +19
Салхины хурд \м/с\ Үдээс өмнө Б-с 3-8 м/с. Х-с 5-10 м/с. БХ-с 4-9 м/с. Бх-с 4-9 м/с.
Үдээс хойш Б-с 5-10 м/с.

Борооны өмнө түр зуур ширүүснэ.

 Х-с 5-10 м/с. Борооны өмнө түр зуур ширүүснэ. БХ-с 6-11 м/с. Бх-с 5-10 м/с.
Хүй 7 худаг: Хугацаа 10 11 12 13
Хур тунадас \мм\ Үдээс өмнө Багавтар үүлтэй. Бороо орохгүй. Үүлэрхэг. Бороо орно. Үүлэрхэг. Бороо орно. Үүл багасна. Бороо орохгүй.
Үдээс хойш Үүлшинэ. Оройдоо бага зэргийн бороо орно. Дуу цахилгаантай. Үүлэрхэг. Бороо орно. Дуу цахилгаантай. Үүлэрхэг. Түр зуурын аадар бороо орно. Үүлшинэ бороо орохгүй. Бороо орохгүй.
Агаарын температур ˚С Үдээс өмнө +19 +16 +15 +15
Үдээс хойш +24 +19 +18 +19
Салхины хурд \м/с\ Үдээс өмнө Б-с 3-8 м/с. Х-с 5-10 м/с. БХ-с 4-9 м/с. Бх-с 4-9 м/с.
Үдээс хойш Б-с 5-10 м/с.

Борооны өмнө түр зуур ширүүснэ.

 Х-с 5-10 м/с. Борооны өмнө түр зуур ширүүснэ. БХ-с 6-11 м/с. Бх-с 5-10 м/с.

Тайлбар: Шөнө-20-08 цаг, Өдөр-08-20 цаг, Тих-өдрийн хамгийн дулаан, Тбага-шөнийн хамгийн хүйтэн температур. Салхины зүг: Бө-баруун өмнөөс, Б-баруунаас, Бх-баруун хойноос, Х-хойноос, З­­-зүүнээс, ЗХ-зүүн хойноос, Зө-зүүн өмнөөс, Ө-өмнөөс

Categories
мэдээ нийгэм

Монголын эдийн засгийн чуулган 2023 хоёр дахь өдрөө үргэлжилж байна DNN.mn

“Монголын Эдийн Засгийн Чуулган 2023” чуулган 2010 оноос эхэлсэн ба энэ жил Welcome to Mongolia уриан дор арав дахь удаа зохион байгуулагдаж байна. Хоёр дахь өдрийн нэгдсэн хуралдаанд “We are ready” сэдвээр Эдийн засаг, хөгжлийн Сайд Ч.Хүрэлбаатар илтгэл тавьсан ба Монголд хөрөнгө оруулалт хийх ашигтай салбараар Аялал жуулчлалын салбарыг онцолж байв.

Монголын эдийн засгийн чуулган 2023 арга хэмжээний хүрээнд Байгаль орчин, аялал жуулчлалын асуудлаар дараах арга хэмжээнд БОАЖ-ын Сайд Бат-Өлзийн Бат-Эрдэнэ оролцоно.

• Залууст зориулсан MEF Youth арга хэмжээнд Байгаль орчин, аялал жуулчлалын салбарын хөрөнгө оруулалт, залуусын оролцооны тухай мэдээлэл өгөх;
• Консерванси (TNC) байгууллага болон бусад холбогдох талууд хамтран Байгаль хамгааллын итгэлцлийн санг байгуулж буй тухай хэвлэлийн хуралд оролцох;
• ”Ногоон хөгжил-Ногоон санхүүжилт” салбар хуралдаанд оролцох юм.

Эх сурвалж: БОАЖЯ

Categories
мэдээ нийгэм

Хараа голын гүүрийг хаасантай холбогдуулан туршилтаар галт тэрэг аялуулахаар боллоо DNN.mn

Сэлэнгэ аймгийн Мандал суманд үер бууж хараа голын гүүрийг хаасантай холбогдуулан 07-р сарын 10-ны өдрөөс эхлэн туршилтаар өдөр бүр 281/282-р галт тэргийг дараах цагийн хуваариар аялуулахаар боллоо гэж “Улаанбаатар төмөр зам” ХНН-ээс мэдээллээ.

Categories
мэдээ нийгэм

Улаанбаатар-Өндөрхаан чиглэл түр зам нээжээ DNN.mn

А0501 дугаартай Улаанбаатар-Өндөрхаан чиглэлийн хатуу хучилттай авто замын 155-159 дахь км-т ээлжит засварын ажлын хүрээнд хийгдсэн гадаргуун боловсруулалтын ажил дууссан тул түр замыг 2023 оны долоодугаар 09-нөөс долоодугаар сарын 10-нд шилжих шөнийн 00:00 цагт нээсэн.

Иймд гадаргуун боловсруулалт хийсэн зам дээгүүр нээсэн даруйд зорчихдоо хурдны хязгаарыг 40км/ц байхаар заасан тул тус хэсгээр зорчихдоо дээрх хурдыг хэтрүүлэхгүй байхыг зөвлөж байна.