Ардчилсан намын 4/11 мэдээллийн цагаар АЭХ-ны ерөнхийлөгчийн сонгуультай холбоотой Ардчилсан намын Тэргүүн дэд дарга С.Баярцогт тэргүүтэй дэд нарга нар, АЭХ-ны удирдлагууд мэдээлэл хийлээ.
Ардчилсан намын дэд дарга С.Баярцогт “П.Батчимэг дарга хөдөө аж ахуй, хөнгөн үйлдвэрийн бодлого, Ж.Баярмаа гадаад харилцаа, соёлын бодлого, С.Буяндэлгэр уул уурхай, хүнд үйлдвэрийн бодлого, П.Галиндэв зам тээврийн хөгжлийн бодлого, Ц.Жадамбаа мэдээлэл технологи, хүнс, эмийн бодлого, Ш.Жандос төсвийн бодлого, И.Мөнхжаргал боловсрол шинжлэх ухаан, Э.Одбаяр эрчим хүчний бодлого, Ч.Өнөрбаяр хууль зүйн бодлого, Т.Пүрэвхатан байгаль орчин аялал жуулчлал, Ш.Түвдэндорж батлан хамгаалах, аюулгүй байдлын бодлого, Ц.Уртнасан хөдөлмөр нийгмийн хамгаалал, эрүүл мэндийн бодлого, Р.Эрдэнэбүрэн барилга хот байгуулалтын асуудал хариуцан ажиллаж байгаа. Манай намын даргын зөвлөлд байгаа дэд дарга нар сүүдрийн Засгийн газрын хэмжээнд ажиллаж эхэлж байгаа.
Ирэх долоо хоногт хамгийн чухал асуудал бол намын дэргэдэх байгууллага болох Ардчилсан эмэгтэйчүүдийн холбооны дээд чуулга уулзалт. Энэ хурлаар зохион байгуулалтын асуудлыг хэлэлцэнэ.
УИХ-ын дэд дарга, АЭХ-ын ерөнхийлөгч С.Одонтуяа: Есдүгээр сарын 5-нд АЭХ VI дэд чуулганаа хуралдуулна. Би энэ холбоог 2016 оноос хойш удирдан ажиллаж байгаа. Энэ хавар намын удирдлагадаа албаа хүлээлгэн өгөх хүсэлтээ өгсөн. Шинэ өнгө аяст тааруулж, шинэ залуучууд гарч ирээсэй, удирдаасай гэж хүсч байна.
Энэ чуулганаар бид шинэ ерөнхийлөгчөө сонгоно. Шинэ ерөнхийлөгч эмэгтэйчүүдийн багаа бүрдүүлж, сонгуульд эмэгтэйчүүдээ амжилттай оролцоход ажиллана” гэлээ.