Орхон аймагт өчигдөр буюу энэ сарын 23-нд орон сууцны байранд ахуйн хийн түлш дэлбэрчээ.
Энэ талаарх дуудлага мэдээлэл тус аймгийн Онцгой байдлын албанд өдрийн 14 цагт ирсэн байна. Дуудлага ирснээс хойших гурван минутад албаныхан очиход тухайн тоотод хүн байгаагүй бөгөөд цахилгаан зуухыг асаалттай орхисон мөн дээр нь хийн түлшээр ажилладаг зуухыг давхар тавьж хэрэглэсэн байдалтай байсан аж.
Өөрөөр хэлбэл, цахилгаан зуух дээр давхар хийн түлшээр ажилладаг зуух байршуулж хэрэглэснээр дэлбэрэлт болсон гэж урьдчилсан байдлаар дүгнэж буй. Тиймээс иргэд та бүхэн болзошгүй аюулаас урьдчилан сэргийлэхийг албаныхан зөвлөж байна.