Монгол Улсын Засгийн газар 2023-2025 оныг “Монголд зочлох жил” болгон зарласантай холбогдуулан, энэ жилд 1 сая жуулчин хүлээж авах зорилтыг тавиад байгаа билээ.
2023 оны нэгдүгээр сарын 1-нээс зургаадугаар сарын 20-ны өдрийн хооронд нийт 283,340 жуулчин хүлээж авах зорилтыг БОАЖЯ тавиад байсан бөгөөд энэ хугацаанд Монгол Улсад 223,680 жуулчин хүрэлцэн ирсэн байна. Зорилт 78.94 хувьтай биелсэн талаар яамнаас мэдэгдлээ.
Монгол Улсад энэ онд зочилсон жуулчдын ихэнх хувийг ОХУ, БНХАУ, БНСУ, Казакстан болон Япон улсын иргэд бүрдүүлж байна. ОХУ-аас нийт жуулчдын 49.41 хувь буюу 110,529 БНХАУ-аас 18.39 хувь буюу 40,000 орчим жуулчин хүрэлцэн иржээ.
Эх сурвалж: Монголын аялал жуулчлалын холбоо