Манай улсын махны экспортод саад болдог нэг хүчин зүйл бол малын өвчлөл. Гэвч төрөөс малын өвчлөлийг бууруулахад дорвитой арга хэмжээ авахгүй байгаа талаар УИХ-ын гишүүн Ж.Чинбүрэн хэллээ. Тэрээр “Бид 70 сая малтай. Гэвч малын эмчийн асуудлыг хувийн салбарт даатгаад орхичихсон. 300 мянган малд нэг малын эмч ногдож байна. Энэ бол малыг эмчлэх, эрүүлжүүлэх бодлого алдагдсаны нэг жишээ. 50 мянган малд нэг малын эмч шаардлагатай гэсэн судалгаа бий” гэв.
