Month: October 2024

Categories
мэдээ цаг-үе

Улаанбаатарт өдөртөө 6 хэм дулаан байна DNN.mn

Малчид, иргэд, тариаланчид, тээвэрчдийн анхааралд: 05-нд төвийн аймгуудын нутгийн өмнөд, говийн аймгуудын нутгийн хойд, зүүн аймгуудын нутгийн баруун өмнөд хэсгээр ахиухан хэмжээний нойтон цас орж, ихэнх нутгаар сэрүүсэхийг анхааруулж байна.

2024 оны 10-р сарын 02-ны 20 цагаас 10-р сарын 03-ны 20 цаг хүртэлх

цаг агаарын урьдчилсан мэдээ:

Хур тунадас: Ихэнх нутгаар солигдмол үүлтэй. Шөнөдөө Увс нуурын хотгор, Хөвсгөлийн уулархаг нутгаар, өдөртөө баруун болон төвийн аймгуудын нутгийн хойд хэсгээр бороо, нойтон цас, цас орно.

Салхи: Нутгийн хойд хэсгээр баруун өмнөөс баруун хойш эргэж, бусад нутгаар баруун өмнөөс секундэд 5-10 метр, Алтайн салбар уулсаар секундэд 13-15 метр хүрч ширүүснэ.

Агаарын температур: Шөнөдөө Алтай, Хэнтийн уулархаг нутаг, Завхан голын эх, Хүрэнбэлчир орчим, Байдраг, Туул, Тэрэлж голын хөндийгөөр -3…-8 градус хүйтэн, Их нууруудын хотгор, Орхон Сэлэнгийн сав газар, говийн бүс нутгийн баруун өмнөд хэсгээр +2…+7 градус, бусад нутгаар -2…+3 градус дулаан, өдөртөө Монгол-Алтай, Хөвсгөлийн уулархаг нутаг, Хүрэнбэлчир орчим, Идэр, Тэс, Эг, Үүр, Сэлэнгэ, Ерөө голын хөндийгөөр +6…+11 градус, Их нууруудын хотгор, говийн бүс нутгийн баруун өмнөд хэсэг, Дорнодын тал нутгаар +16…+21 градус, бусад нутгаар +11…+16 градус дулаан байна.

УЛААНБААТАР ХОТ ОРЧМООР: Шөнөдөө цэлмэг, өдөртөө үүлшинэ. Хур тунадас орохгүй. Салхи баруун өмнөөс секундэд 5-10 метр. Шөнөдөө Яармаг-Сонгины орчмоор -4…-6 градус хүйтэн, бусад хэсгээр 0 градус орчим, өдөртөө +14…+16 градус дулаан байна.

БАГАНУУР ОРЧМООР: Шөнөдөө цэлмэг, өдөртөө үүлшинэ. Хур тунадас орохгүй. Салхи баруун өмнөөс секундэд 6-11 метр. Шөнөдөө -4…-6 градус хүйтэн, өдөртөө +14…+16 градус дулаан байна.

ТЭРЭЛЖ ОРЧМООР: Шөнөдөө цэлмэг, өдөртөө үүлшинэ. Хур тунадас орохгүй. Салхи баруун өмнөөс секундэд 5-10 метр. Шөнөдөө -4…-6 градус хүйтэн, өдөртөө +12…+14 градус дулаан байна.

Categories
мэдээ нийгэм цаг-үе

Арав хоногийн цаг агаарын урьдчилсан төлөв DNN.mn

2024 оны 10 дугаар сарын 4-14-нийг хүртэлх цаг агаарын урьдчилсан төлөв

Аравдугаар сарын 4-нд нутгийн баруун өмнөд хэсгээр, 5-нд нутгийн зүүн өмнөд хэсгээр ахиу хэмжээний нойтон цас орж, хүйтрэх тул, зам, даваанд халтиргаа гулгаа үүсэж болзошгүйг анхааруулж байна.

Хур тунадас: Аравдугаар сарын 4-нд баруун аймгуудын нутгийн өмнөд хэсэг, төвийн аймгуудын нутгийн зарим газраар, 05-нд нутгийн зүүн өмнөд хэсгээр, 08-нд Алтай, Хангай, Хөвсгөл, Хэнтийн уулархаг нутгаар, 09-нд Хараа, Ерөө, Туул голын хөндий, Хэнтийн уулархаг нутгаар, 12-нд Монгол-Алтайн уулархаг нутгаар, 13-нд баруун аймгуудын нутаг, төвийн аймгуудын нутгийн баруун хойд хэсгээр хур тунадас орж, зөөлөн цасан шуурга шуурна.

Агаарын температур: Аравдугаар сарын 4, 5-нд ихэнх нутгаар хүйтэн байх боловч бусад хугацаанд өдөртөө дулаарч, Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 2-7 хэм хүйтэн, өдөртөө 0-5 хэм дулаан, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 2 хэмийн хүйтнээс 3 хэм дулаан, өдөртөө 3-8 хэм дулаан, Их нууруудын хотгор, говийн бүс нутгийн өмнөд хэсгээр шөнөдөө 4-9 хэм, өдөртөө 13-18 хэм, бусад нутгаар шөнөдөө 0-5 хэм дулаан, өдөртөө 7-12 хэм дулаан байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Аравдугаар сарын 9-нд ялимгүй хур тунадас орно. Бусад хугацаанд хур тунадас орохгүй.

Салхи: Ихэнх хугацаанд секундэд 5-10 метр. Аравдугаар сарын 8, 13-нд баруун өмнөөс хойш эргэж сезундэд 12-14 метр хүрч ширүүснэ.

Агаарын температур: Аравдугаар сарын 4, 5-нд хүйтэн шөнөдөө 0-5 хэм хүйтэн, өдөртөө 3-8 хэм дулаан, бусад хугацаанд өдөртөө дулаарч шөнөдөө 0-5 хэм, өдөртөө 8-13 хэм дулаан байна.

Categories
мэдээ нийгэм

ЭМДЕГ: Аппликейшнээр 6045 иргэн 399.7 сая төгрөгийн шимтгэл төлжээ DNN.mn

Өнгөрсөн долоо хоногт буюу 2024 оны есдүгээр сарын 28-наас аравдугаар сарын 4-ны 14:00 цагийн байдлаарх ЭМД-ын шимтгэл төлөлтийн мэдээг хүргэж байна.

И-баримт гар утасны аппликейшнээр 6045 иргэн, 6477 удаагийн гүйлгээгээр нийт 399.7 сая төгрөгийн шимтгэл төлжээ.

И-Монголиагаар 1225 иргэн, 1381 удаагийн гүйлгээгээр нийт 83.1 сая төгрөгийн шимтгэл төлжээ.

Categories
мэдээ нийгэм

Маргааш бүх нийтээрээ мод тарих өдөр DNN.mn

Ойн газраас “Бүх нийтээр мод тарих үндэсний өдөр”-ийн хүрээнд мод тарьж, арчлан ургуулах арга хэмжээг энэ сарын 24-ний өдрөөс 10 дугаар сарын 26-ныг дуустал зохион байгуулахаар төлөвлөсөн.

Энэ дагуу Улаанбаатар хотын хэмжээнд аравдугаар сарын 5-наас эхлэн доор дурдсан 10 байршилд мод тарих ажлыг зохион байгуулна.

Байршил:
1. Баянзүрх дүүргийн 28 дугаар хороо “IGM” цэцэрлэгт хүрээлэн
2. Хан-Уул дүүрэг, 14 дүгээр хороо, Түргэний гол дагуух “Ногоон хэрэм” зурвас.
3. Налайх дүүрэг, 7 дугаар хороо, “Шинэ Налайх цэцэрлэгт хүрээлэн”.
4. Баянгол дүүрэг, 20 дугаар хороо, “Баянгол цэцэрлэгт хүрээлэн”.
5. Сонгинохайрхан дүүрэг, 21 дүгээр хороо, “Инчон мөрөөдлийн төгөл”.
6. Чингэлтэй дүүрэг, 19 дүгээр хороо, дээд салхит “Хайрхан хөгжлийн төв”.
7. Хан-Уул дүүрэг, 14 дүгээр хороо, Айцын ам.
8. Баянзүрх дүүрэг, 20 хороо, Гачууртын зам-1, “УБЗАА-Мод үржүүлгийн газар”
9. Богд хаан уул ДЦГ -Уул уурхайн байгууллагууд
10. Тэрбум мод сан

Тухайн байршлуудад ажиллах хөтөч, мэргэжилтнүүд мод тарих арга хэмжээнд оролцогчдыг угтан авч, доор дурдсан чиглэлийн дагуу ажиллана гэж Байгаль орчин, уур амьсгалын өөрчлөлтийн яамнаас мэдээллээ. 

Categories
мэдээ улс-төр

Д.Амарбаясгалан: Хуралдаа суухгүй байгаа гишүүдийг олон нийтэд зарлана DNN.mn

УИХ-ын чуулганы нэгдсэн хуралдаан үргэлжилж байна. Ээлжит хуралдаанд 126 УИХ-ын гишүүнээс 66 гишүүн буюу 52.4 хувийн ирцтэйгээр оролцож байна. Энэ үеэр УИХ-ын дарга Д.Амарбаясгалан хуралдаа суухгүй, ирэхгүй байгаа гишүүдэд сануулга өгөв.

Тэрээр “Тамгын газар хуралдаантай өдөр цагтаа ирээгүй УИХ-ын гишүүдийг тэр даруйд нь хэвлэлд мэдээлж байх үүргийг өгч байна. УИХ-ын гишүүнээр сонгогдчихоод долоо хоногийн хоёрхон өдөр чуулгантай байхад цагтаа ирж чадахгүй байгаа гишүүдийн асуудлаар тойргийн иргэдэд байнга мэдээлэл өгч байх ёстой гэдэг байр суурийг илэрхийлж байна” гэсэн юм.

Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийг 2024 оны аравдугаар сарын 11-ний Баасан гарагт зохион байгуулахаар товлосон. Сонгуулийн сурталчилгааны өдрүүд үргэлжилж буй энэ өдрүүдэд цөөнгүй УИХ-ын гишүүн хуралдаа суухгүй, чөлөө хүсч байгаа аж. Өчигдрийн УИХ-ын чуулганы хуралдаанаас 20 гишүүн чөлөө хүссэн боловч УИХ-ын дарга чөлөө өгөхгүй гэдгийг мэдэгдэж байв.

Эх сурвалж:www.polit.mn

Categories
мэдээ нийгэм

Шинээр төрсөн нярайг хүүхдийн мөнгөнд хэрхэн бүртгүүлэх вэ? DNN.mn

Шинээр төрсөн нярайг хүүхдийн мөнгөнд хэрхэн бүртгүүлдэг талаар Гэр бүл, хөдөлмөр, нийгмийн хамгааллын яамнаас мэдээллээ.

  1. Хүүхдийнхээ нэр дээр арилжааны банканд данс нээлгэнэ.
  2. Нийгмийн халамжийн ehalamj.mn сайтад нэвтрэн хүүхдийн мөнгөн тэтгэмжид хамрагдах хүсэлтийг цахимаар гаргах боломжтой бөгөөд мэдээллээ үнэн зөв оруулж хүүхдийн нэр дээрх арилжааны банкны дансыг холбон бүртгүүлнэ.
Categories
мэдээ нийгэм

Сураггүй болсон эмэгтэйг эсэн мэнд олж, ар гэрийнхэнд нь хүлээлгэн өгчээ DNN.mn

Увс аймгийн Улаангом сум, 8 дугаар баг “Униалтын нуур” гэдэг газар /52 настай, эмэгтэй/ өчигдөр /2024.10.03/ 08:00 цагийн үед /Toyota Probox/ загварын автомашинтай Улаангом сум руу бензин авахаар явжээ. Тэрбээр 10:00 цагийн үед “Бензин аваад гарч байна” гэж хэлээд сураггүй /утас нь сүлжээгүй/ байна гэсэн дуудлагыг мөн өдрийн 18:08 цагт Онцгой байдлын байгууллага хүлээн авсан байна.

Тус аймгийн Онцгой байдлын газрын Эрэн хайх, аврах салбарын алба хаагчид очиж, эрэн хайх ажиллагааг зохион байгуулан 19:04 цагт иргэн О /52 настай, эмэгтэй/-г гэрээсээ урд зүгт 3 км-т машин дотроо байсныг эсэн мэнд олж, аймгийн Нэгдсэн эмнэлгийн түргэн тусламжийн эмч болон ар гэрийнхэнд нь 19:45 цагт хүлээлгэн өгчээ.

Categories
мэдээ эдийн-засаг

“Эрдэнэс Тавантолгой” 12 сая тонн нүүрс борлуулжээ DNN.mn

2024 онд “Эрдэнэс Тавантолгой” ХК нийт 36 удаагийн биржийн арилжаагаар 12.2 сая тонн нүүрс борлуулав.
Тодруулбал, “Эрдэнэс Тавантолгой” ХК энэ онд 1.3 тэрбум ам.долларын үнийн дүн бүхий 12.2 сая тонн нүүрс борлуулжээ. Үүнээс 465 сая ам.долларын үнэлгээтэй 2.9 сая тонн коксжих нүүрс, 767 сая ам.долларын үнэлгээтэй 7.3 сая тонн 1/3 коксжих нүүрс, 112 сая ам.долларын үнэлгээтэй 2.0 сая тонн эрчим хүчний нүүрс тус тус борлуулсан бөгөөд биржийн арилжаа тогтмол, хэвийн явагдаж байна.
“Эрдэнэс Тавантолгой” ХК нь 2023 оны хоёрдугаар сарын 09-ний өдрөөс өнөөдрийг хүртэл хугацаанд нийт 101 биржийн цахим арилжаа амжилттай зохион байгуулж, 2.6 тэрбум ам.долларын үнэлгээтэй 21.9 сая тонн нүүрсийг хилийн үнээр БНХАУ-ын Ганцмод болон Мандал боомт нөхцөлтэй арилжаад байна. Үүнээс 8.5 сая тонн нь коксжих нүүрс, 10.3 сая тонн нь 1/3 коксжих нүүрс, 3.1 сая тонн нь эрчим хүчний нүүрс тус тус арилжаалжээ.
Categories
мэдээ нийгэм

Гол, мөрөн, нууруудад усан зам тээвэр хийхийг хориглолоо DNN.mn

Усан замын тээврийн тухай хуульд заасан бүрэн эрхийн хүрээнд нийслэл, Архангай, Баян-Өлгий, Булган, Хөвсгөл, Ховд, Сэлэнгэ, Увс аймгуудын Засаг даргын захирамжаар аймгийн хэмжээнд гол, мөрөн, нууруудад усан зам тээврийн хэрэгслээр зорчигч тээвэрлэх хөвөлтийн эхлэх, дуусах хугацааг тогтоосон байдаг.

Энэ хүрээнд усан зам тээврийн хэрэгслийн хөвөлтийг нийслэл, Архангай, Баян-Өлгий, Булган, Хөвсгөл, Ховд, Сэлэнгэ, Увс аймгуудад зогсоолоо.

Иймээс дээрх шийдвэрийн дагуу аж ахуйн нэгж, иргэд та бүхнийг болзошгүй осол, эрсдэлээс урьдчилан сэргийлэх, аюулгүй байдлыг хангах зорилгоор усан замын тээврийн үйлчилгээг бүрэн зогсоож, цаашид гол, мөрөн, нуурт ашиглах, зорчигч тээвэрлэлтийн үйл ажиллагаа явуулахгүй байхыг анхааруулав.

Categories
мэдээ нийгэм цаг-үе

Нийтийн тээврийн хоёр чиглэлд түр хугацаанд өөрчлөлт оруулна DNN.mn

Авто замын өргөтгөл, шинэчлэлтийн ажил хийгдэхтэй холбогдуулан нийтийн тээврийн 2 чиглэлд түр хугацаанд өөрчлөлт оруулна.

Сүхбаатар дүүрэг 2, 4 дүгээр хороо, Нарны зам Циркийн уулзвараас Барс захын уулзвар хүртэлх авто замын хойд хэсгийн эгнээг зам засвар, шинэчлэлт хийхтэй холбоотойгоор 2024 оны 10 дүгээр сарын 04-ний 22:00 цагаас 2024 оны 10 дүгээр сарын 06-ны 06 цаг хүртэл хааж байгаа тул тус замаар зорчдог нийтийн тээврийн 2 чиглэлд түр хугацаагаар өөрчлөлт оруулж байна.

Зам хаах хугацаанд нийтийн тээврийн хэрэгслүүд дараах зураглалын дагуу иргэдэд үйлчилнэ.

М:5 “10-р хороолол-Нарны зам-Ботаник”

Ч:17а “Баруун 4 зам – Их тойруу – Зүүн 4 зам – Нарны зам /их тойрог/”