Month: October 2024

Categories
мэдээ цаг-үе

ЦАГ АГААР: Улаанбаатарт өдөртөө 6 хэм дулаан байна DNN.mn

Хур тунадас: Ихэнх нутгаар солигдмол үүлтэй. Шөнөдөө төвийн аймгуудын нутгийн хойд, зүүн аймгуудын нутгийн баруун хойд хэсгээр, өдөртөө зүүн аймгуудын нутгийн хойд хэсгээр нойтон цас, цас орж, цасан шуурга шуурна. Бусад нутгаар хур тунадас орохгүй.

Салхи: Нутгийн зүүн хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, говь, тал, хээрийн нутгаар секундэд 14-16 метр хүрч ширүүсч, шороон шуурга шуурна.

Агаарын температур: Шөнөдөө Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэс, Идэр, Байдраг голын хөндийгөөр -10…-15 градус, Алтай, Хэнтийн уулархаг нутаг, Орхон, Сэлэнгэ, Хараа, Ерөө, Эг, Үүр, Туул, Тэрэлж голын хөндийгөөр -4…-9 градус хүйтэн, Их нууруудын хотгор, говийн бүс нутгийн өмнөд хэсэг, Дорнод-Дарьгангын тал нутгаар +3…+8 градус, бусад нутгаар -4…+1 градус дулаан, өдөртөө нутгийн зүүн хэсгээр эрс хүйтэрч, Дархадын хотгор, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Ерөө, Туул, Тэрэлж, Хэрлэн, Онон, Улз голын хөндий, Дорнод-Дарьгангын тал нутгаар +3…+8 градус, Алтай, Хангайн уулархаг нутаг, Сэлэнгэ, Хараа голын хөндий, говийн бүс нутгийн зүүн хойд хэсгээр +6…+11 градус, Их нууруудын хотгор, говийн бүс нутгийн баруун өмнөд хэсгээр +15…+20 градус, бусад нутгаар +10…+15 градус дулаан байна.

УЛААНБААТАР ХОТ ОРЧМООР: Үүлшинэ. Шөнөдөө ялимгүй цас орно, өдөртөө хур тунадас орохгүй. Салхи баруун өмнөөс хойш эргэж секундэд 6-11 метр. Шөнөдөө -2…-4 градус хүйтэн, өдөртөө +5…+7 градус дулаан байна.

БАГАНУУР ОРЧМООР: Үүлшинэ. Хур тунадас орохгүй. Салхи баруун өмнөөс хойш эргэж секундэд 7-12 метр. Шөнөдөө -5…-7 градус хүйтэн, өдөртөө +4…+6 градус дулаан байна.

ТЭРЭЛЖ ОРЧМООР: Үүлшинэ. Шөнөдөө ялимгүй цас орно, өдөртөө хур тунадас орохгүй. Салхи баруун өмнөөс хойш эргэж секундэд 6-11 метр. Шөнөдөө -5…-7 градус хүйтэн, өдөртөө +3…+5 градус дулаан байна.

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

ТОЙМ: Нэрт нийтлэлч Баабарын “Кирил монгол бичгийн давуу ба дутагдалтай тал” хэмээх нийтлэл хэвлэгдлээ DNN.mn

“Өдрийн сонин”-ы лхагва гаригийн дугаар хэвлэгдэж, та бүхний гарт хүрч байна. 

“Өдрийн сонин”-ы тэргүүн нүүрт ЦЕГ-ын Урьдчилан сэргийлэх газрын Гэмт хэрэг, зөрчлөөс урьдчилан сэргийлэх хэлтсийн дарга, цагдаагийн дэд хурандаа Б.Өсөхбаяртай цахим залилангийн талаар ярилцлаа. Тэрбээр “Телеграм хаягаар даалгавар биелүүлэх нэрийдлээр 112 сая төгрөг залилсан хэрэг гарсан” хэмээв.

Нийслэлийн Баянгол дүүргийн Засаг дарга Ө.Сумъяабаатар зарим гүтгэлгийн чанартай мэдээлэлтэй холбоотойгоор өчигдөр мэдээлэл хийлээ. Энэ үеэр түүнээс дээрх асуудлаар тодруулга авлаа.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Баабарын “Кирил монгол бичгийн
давуу ба дутагдалтай тал” нийтлэл хэвлэгдлээ.

Улсын дээд шүүхийн шүүгч П.Соёл-Эрдэнэ “Хууль хэрэглээний нэгдмэл байдлыг хангахад “Хэрэг судлал” гэх ойлголтыг хөгжүүлэх зайлшгүй шаардлагатай” гэв.

Судлаач, эдийн засагч Ч.Сумъяа “Юанийн ханшийн савлагаа ирэх саруудад ихээр мэдрэгдэх болов уу” гэв.

ЭМЯ: Тарваган тахал өвчний сэжигтэй тохиолдол бүртгэгдээгүй

ДЭЛХИЙН МЭДЭЭ: Нобелийн шагналтнууд тодорч эхлэв

Арын нүүр: Автобусанд сонссон яриа

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://tsahim.dnn.mn/login

Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.

“Өдрийн сонин”-той холбоотой мэдээ мэдээллийг 1900-1987-гоос лавлана уу

 

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Худалдааны төвөөс 120 ширхэг гар утас, дагалдах хэрэгсэл хулгайлсан этгээдүүдийг илрүүлжээ DNN.mn

Цагдаагийн байгууллагад өнгөрсөн есдүгээр сарын 27-нд СХД-ийн 17-р хорооны нутаг дэвсгэрт үйл ажиллагаа явуулдаг барьцаалан зээлдүүлэх газарт хулгай орж, эд зүйлс алдагдсан гэх дуудлага мэдээлэл бүртгэгджээ.

Дуудлагын дагуу СХД-ийн цагдаагийн 3-р хэлтсийн алба хаагчид шуурхай эрэн сурвалжлах ажиллагаа явуулж, гэмт хэргийг үйлдсэн байж болзошгүй, өмнө нь хулгайлах гэмт хэрэг үйлдэж ял шийтгэгдэж байсан Х зэрэг нэр бүхий гурван этгээдийн үйлдлийг ААН-ийн камерийн тусламжтайгаар тогтоож, Сүхбаатар, Сонгинохайрхан дүүрэг болон Хэнтий аймгийн нутаг дэвсгэрээс илрүүлж, саатуулсан байна. Мөн гэмт хэргийн замаар олж авсан эд зүйлсийг хуульд заасны дагуу хураан авч, мөрдөн шалгах ажиллагааг эхлүүлжээ.

Мөрдөн шалгах ажиллагааны явцад дээрх этгээдүүд нь мөн есдүгээр сарын 24-25-нд шилжих шөнө БЗД-ийн 7-р хорооны нутаг дэвсгэр дэх нэр бүхий худалдааны төвөөс 120 ширхэг гар утас, дагалдах хэрэгслийг хулгайлсан үйлдэл тогтоогдоод байгаа талаар цагдаагийн байгууллагаас мэдээллээ.

Categories
мэдээ улс-төр

Сонгуулийн сурталчилгаа маргааш дуусна DNN.mn

Аймаг, нийслэл, сум, дүүргийн Иргэдийн төлөөлөгчдийн хурлын 2024 оны ээлжит сонгууль 2024 оны аравдугаар сарын 11-ний өдөр болно.

Сонгогчийн саналыг 2024 оны аравдугаар сарын 11-ний баасан гаригт Улаанбаатарын цагаар 07.00-20.00 цаг хүртэл авна.

Нэр дэвшигчид есдүгээр сарын 26-нд албан ёсоор тодорч, үнэмлэхээ гардаж, энэ өдрөөс сурталчилгаа эхэлсэн. Орон нутгийн сонгуулийн сурталчилгаа 14 хоног үргэлжлэх бөгөөд хуулийн дагуу санал хураалт болохоос нэг өдрийн өмнө зогсооно. Тиймээс маргааш буюу аравдугаар сарын 9-ний 23.59 цагаас сонгуулийн сурталчилгааг албан ёсоор зогсоох юм.

Categories
эдийн-засаг

Экспортын дүн импортынхоос 3.2 тэрбум ам.доллараар давжээ DNN.mn

2024 оны эхний есөн сарын дүнгээр гадаад худалдааны нийт бараа эргэлт 20.4 тэрбум ам.доллар болж, 2023 оны мөн үеэс 2.3 тэрбум ам.доллар буюу 13 хувиар өсжээ. Экспортын дүн импортын дүнгээс 3.2 тэрбум ам.доллароор давж, гадаад худалдааны баланс эерэг гарсан байна.

Экспортод 11.8 тэрбум ам.долларын бараа, түүхий эд гаргасан нь өнгөрсөн оны мөн үетэй харьцуулахад 4.3 хувиар өслөө.

Экспортын барааны нийт дүнд

  • эрдэс бүтээгдэхүүн 10.3 тэрбум ам.доллар буюу 87.4 хувь
  • сувд, үнэт ба хагас үнэт чулуу, үнэт металл, гоёлын зүйлс, зоос 679.2 сая ам.доллар буюу 5.8 хувь
  • нэхмэлийн материал болон нэхмэл эдлэл 356.4 сая ам.доллар буюу 3 хувийг тус тус эзэлж эдгээр нь нийт экспортын дүнгийн 96.2 хувийг эзэлжээ.

Статистик мэдээллээс харахад энэ оны эхний есөн сард үхрийн мах 27.3 мянган тонн, ямааны мах 4.7 мянган тонныг экспортолсон нь 3.3-7.2 хувиар тус тус буурсан үзүүлэлт болов. Харин нүүрсний экспорт өнгөрсөн оны мөн үеэс 1.3 дахин, төмрийн хүдрийнх 28.8 хувиар өсжээ.

Categories
мэдээ нийгэм цаг-үе

Цас орж, цасан шуурга шуурахыг анхааруулж байна DNN.mn

Малчид, иргэд, тариаланчид, тээвэрчдийн анхааралд: Аравдугаар сарын 8-9-нд шилжих шөнө Орхон-Сэлэнгийн сав газраар нойтон цас, цас орж, цасан шуурга шуурч, 9-нд нутгийн зүүн хагаст хүйтэн, салхи шуургатай байхыг анхааруулж байна.

2024 оны 10-р сарын 08-ны 20 цагаас 10-р сарын 09-ний 20 цаг хүртэлх цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Шөнөдөө төвийн аймгуудын нутгийн хойд, зүүн аймгуудын нутгийн баруун хойд хэсгээр, өдөртөө зүүн аймгуудын нутгийн хойд хэсгээр нойтон цас, цас орж, цасан шуурга шуурна. Бусад нутгаар хур тунадас орохгүй.

Салхи: Нутгийн зүүн хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, говь, тал, хээрийн нутгаар секундэд 14-16 метр хүрч ширүүсч, шороон шуурга шуурна.

Агаарын температур: Шөнөдөө Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэс, Идэр, Байдраг голын хөндийгөөр 10-15 хэм, Алтай, Хэнтийн уулархаг нутаг, Орхон, Сэлэнгэ, Хараа, Ерөө, Эг, Үүр, Туул, Тэрэлж голын хөндийгөөр 4-9 хэм хүйтэн, Их нууруудын хотгор, говийн бүс нутгийн өмнөд хэсэг, Дорнод-Дарьгангын тал нутгаар 3-8 хэмийн дулаан, бусад нутгаар 4 хэмийн хүйтнээс 1 хэм дулаан, өдөртөө нутгийн зүүн хэсгээр эрс хүйтэрч, Дархадын хотгор, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Ерөө, Туул, Тэрэлж, Хэрлэн, Онон, Улз голын хөндий, Дорнод-Дарьгангын тал нутгаар 3-8 хэм, Алтай, Хангайн уулархаг нутаг, Сэлэнгэ, Хараа голын хөндий, говийн бүс нутгийн зүүн хойд хэсгээр 6-11 хэм, Их нууруудын хотгор, говийн бүс нутгийн баруун өмнөд хэсгээр 15-20 хэм, бусад нутгаар 10-15 хэм дулаан байна.

2024 оны 10-р сарын 10-наас 2024 оны 10-р сарын 14-нийг хүртэлх цаг агаарын урьдчилсан төлөв

Аравдугаар сарын 10-нд Хөвсгөл, Хэнтийн уулархаг нутаг, Орхон-Сэлэнгийн сав газар, Онон, Улз голын хөндийгөөр, 11-нд Онон, Улз голын хөндийгөөр, 12-нд Монгол-Алтайн уулархаг нутгаар, 13-нд Увс нуурын хотгор, Монгол-Алтай, Хөвсгөлийн уулархаг нутгаар нойтон цас, цас орж, цасан шуурга шуурна. 13-нд говийн аймгуудын нутгийн зүүн өмнөд хэсгээр бороо орно. Салхи 10-нд нутгийн зүүн хойд хэсгээр, 13-нд нутгийн хойд хэсгээр секундэд 13-15 метр хүрч ширүүснэ. 11-нээс ихэнх нутгаар дулаарч, Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж, Хэрлэн, Онон голын хөндийгөөр шөнөдөө 4-9 хэм хүйтэн, өдөртөө 5-10 хэм, говийн бүс нутгийн өмнөд хэсгээр шөнөдөө 8-13 хэм, өдөртөө 18-23 хэм дулаан, бусад нутгаар шөнөдөө 1 хэмийн хүйтнээс 4 хэмийн дулаан, өдөртөө 12-17 хэм дулаан байна.

Categories
мэдээ нийгэм

Энэ онд 15 байршилд 5137 метр авто замын борооны ус зайлуулах шугам угсарлаа DNN.mn

Сүүлийн жилүүдэд Улаанбаатар хотын иргэд, аж ахуйн нэгж байгууллагад үерийн улмаас багагүй хохирол учирсан. Тиймээс хотын дарга Х.Нямбаатар Геодези, усны барилга байгууламжийн газарт үүрэг болгосны дагуу 2024 онд нийт 15 байршилд 5137 метр авто замын борооны ус зайлуулах шугам угсарч дуусаад байна.
Мөн одоогийн байдлаар үерийн уснаас хамгаалах шаардлагатай гол байршлуудад шинээр 1.8 км үерийн далан барьсан. Үерийн далан нурж эвдэрсэн 9 газрыг засварлаж байна. Улаанбаатар хотод 4000 орчим шүүрт худаг байдаг бөгөөд тэдгээрт лаг цэвэрлэгээг 2-3 удаагийн давтамжтай хийж, борооны усыг саадгүй урсгаж гаргах нөхцөлийг бүрдүүлж байгаа билээ.
Түүнчлэн 2024 онд авто замын борооны ус зайлуулах 225 шүүрт худаг, 57 үзлэгийн худгийг шинээр барьж ашиглалтад орууллаа. Нийт 655 шүүрт худгийг засварлаж нөхжээ. Одоо байгаа үерийн далангуудын 46 байршилд 67.2 мянган тонн лаг хагшаас цэвэрлэж, цаашдаа нийслэл хотыг үерийн аюулаас хамгаалахад онцгойлон анхаарч ажиллаж байна.

Categories
мэдээ нийгэм цаг-үе

2024 оны өвлийн Монгол хэл, бичгийн шалгалтын онлайн бүртгэл энэ сарын 10-нд эхэлнэ DNN.mn

2024 оны өвлийн Монгол хэл, бичгийн шалгалтын онлайн бүртгэл 10-р сарын 10-ны 09:00 цагаас эхэлнэ.

2024 оны 11-р сарын 10-ны хооронд eyesh.eec.mn цахим хуудсаар явагдана гэж Боловсролын үнэлгээний төвөөс мэдээллээ.

Categories
мэдээ эдийн-засаг

Гадаад худалдааны эргэлт 20.4 тэрбум ам.доллар болжээ DNN.mn

Гадаад худалдааны 2024 оны эхний есөн сарын гүйцэтгэлийг Гаалийн ерөнхий газраас экспортын 556 мянга, импортын 306 мянган мэдүүлэг болон бусад эх сурвалжийг үндэслэн гаргажээ.

2024 оны эхний есөн сарын дүнгээр гадаад худалдааны нийт бараа эргэлт 20.4 тэрбум ам.доллар болж, өнгөрсөн жилийн мөн үеийнхээс 2.3 тэрбум ам.доллар буюу 13 хувиар өсчээ. Экспортын дүн импортын дүнгээс 3.2 тэрбум ам.доллароор давж, гадаад худалдааны баланс эерэг гарсан байна.

Экспортын барааны нийт дүнд эрдэс бүтээгдэхүүн 10.3 тэрбум ам.доллар буюу 87.4 хувь, сувд, үнэт ба хагас үнэт чулуу, үнэт металл, гоёлын зүйлс, зоос 679.2 сая ам.доллар буюу 5.8 хувь, нэхмэлийн материал болон нэхмэл эдлэл 356.4 сая ам.доллар буюу гурван хувийг тус тус эзэлж эдгээр нь нийт экспортын дүнгийн 96.2 хувийг эзэлсэн байна.

Categories
мэдээ нийгэм цаг-үе

Өнөөдрийн байдлаар 69.3 км авто замыг шинэчлээд байна DNN.mn

Улаанбаатар хотод 2025 онд давхар замын төслүүд хэрэгжиж эхлэхээс өмнө нэгдүгээр түвшний замуудыг үе шаттай шинэчлэхээр төлөвлөсөн. Тэгвэл энэ онд нийт 87 авто замыг шинэчилнэ.

Өнөөдрийн байдлаар 69.3 км авто замыг шинэчлээд байна. Тодруулбал, нийслэлийн гол гудамж замуудыг өргөтгөх, хуучин замуудыг засварлах ажлын хүрээнд 43 авто замыг шинэчилж дууслаа. 2024 онд шинэчлэх авто замууд нь сүүлийн 10 жилд шинэчилсэн авто замын дундажтай харьцуулахад 10 дахин урт байгаа юм. Тухайлбал, 2021 онд нийт 14 байршилд 12.9 км, 2022 онд 12 байршилд 15 км, 2023 онд 13 байршилд 18.5 км урт замыг шинэчилжээ. Авто замын ажлын хүрээнд суурь асфальт бетон хучилт хийх, худгийн таг өндөрлөх, шинээр ус зайлуулагч хийх, хашлага солих зэрэг ажлыг мөн гүйцэтгэдэг.
Цаашдаа ч авто замыг шинэчлэх болон засварлах ажил үргэлжилж байна.