Өнөөдрөөс хичээлийн шинэ жилийн үзэсгэлэн худалдаа болох 15 байршлийг танилцуулж байна.
Month: August 2024
Цагдаагийн байгууллагад энэ оны наймдугаар сарын 01-ний өдрийн 00 цаг 40 минутад “Завхан аймгийн Тосонцэнгэл сумд байрлах Шивэрт гэх газарт жимс түүхээр явсан дөрвөн хүүхэд, нэг том хүн алга болсон.
Тэгвэл Завхан аймгийн цагдаагийн газрын Тосонцэнгэл сум дахь сум дундын цагдаагийн хэлтсийн 6, Онгой байдлын газрын 10 алба хаагч, 2 тээврийн хэрэгсэлтэйгээр эрэн хайх ажиллагааг шуурхай зохион байгуулж, 09:00 цагийн үед эсэн мэнд оллоо гэж ЦЕГ-аас мэдээллээ.
Харшил үүсгэгч шарилж лууль болон бусад хөл газрын ургамлыг хадаж, тайралт хийх хугацааны талаар Нийгмийн эрүүл мэндийн үндэсний төв/НЭМҮТ/-өөс мэдээллээ.
1. Эхний тайралт:
Зургаадугаар сарын 20-ноос Долдугаар сарын 7
2. Хоёрдугаар тайралт:
Долдугаар сарын 20-ноос Наймдугаар сарын 1
3. Гуравдугаар тайралт:
Наймдугаар сарын 5-наас Наймдугаар сарын 30
Хадалт, тайралтыг 2-3 жил дараалан хийснээр шарилж, луулийн төрлийн ургамал багасаж ногоон зүлэг нэмэгдэхийг НЭМҮТ-өөс зөвлөв.
Баяр наадмын өдрүүд дууссан ч орон нутгийн замын хөдөлгөөн ачаалалтай байна. Түүнчлэн орон нутгийн замд хүний амь эрсэдсэн тохиолдлууд гарсаар байна. Энэ талаар Тээврийн цагдаагийн албаны Урьдчилан сэргийлэх хэлтсийн ахлах зохицуулагч, цагдаагийн ахлах Д.Ганхуягтай ярилцлаа.
-Буруу талдаа жолооны хүрдтэй машин гүйцэд түрүүлэх үед осол гарах эрсдэлийг ямар хэмжээнд нэмэгдүүлдэг вэ?
-Гарч байгаа нийт ослын зонхилох шалтгаан нь хориглосон нөхцөлд гүйцэд түрүүлэх үйлдэл. Орон нутгийн замд явж байхдаа жолооч нар нэгэндээ нөхцөл байдлыг мэдээлэх боломжтой. Жишээлбэл, ар талын машин гүйцэд түрүүлэх үйлдэл хийх гэж байхад урдаас ирж буй машин зүүн талын дохиогоо асааж “Урдаас машин ирж байна аа” гэж мэдэгдэх боломжтой шүү дээ. Энэ нь дүрэмд байхгүй ч гэсэн замын хөдөлгөөний соёл юм.
-“Амь аврах алтан гурвалжин” аяны тухай тодруулбал?
-Жил бүр уламжлал болгон зохион байгуулж ирсэн “Орон нутгийн замын хөдөлгөөний соёл 2024” арга хэмжээ явагдаж байна. Энэхүү арга хэмжээний өмнөх жилүүдэд “Аажуу явбал аяндаа хүрнэ”, “Нэг зам нэг соёл” гэсэн уриатай явагдаж байсан бол энэ жил “Амь аврах алтан гурвалжин” гэсэн уриатай явагдаж байна. Яагаад ийм уриатай байгаа вэ гэхээр орон нутгийн замд гарч байгаа зам тээврийн ослын судалгаанаас болсон юм. Судалгаагаар орон нутгийн зам дээр гарсан авто ослын улмаас амь насаа алдсан, бэртсэн гэмтсэн иргэдийн 87 хувь нь суудлын бүс хэрэглээгүй гэсэн дүн мэдээ бий. Тиймээс суудлын бүсний хэрэглээг нэмэгдүүлэх зорилгоор хатуу чанд шаардлага тавьж байна.
-Эхний зургаан сарын байдлаар 26 хүүхэд зам тээврийн ослын улмаас харамсалтайгаар амиа алдсан-
Мөн суудлын бүсний хэрэглээг нэмэгдүүлэх зорилгоор энэ чиглэлийн хяналт шалгалтыг хийж байна.
-2024 оны хагас жилийн байдлаар зам тээврийн ослын тоон мэдээлэл ямар байна вэ?
-Эхний хагас жилийн байдлаар нийт 60 орчим мянган зам тээврийн осол, зөрчилтэй холбоотой дуудлага, мэдээлэл ирсэн байна. Үүнээс 13.700 гаруй зам тээврийн осол бүртгэгдсэн. Зам тээврийн ослын улмаас 1800 орчим иргэн хүнд болон хөнгөн хэлбэрээр гэмтэж бэртсэн. Мөн 247 хүн харамсалтайгаар амь насаа алдсан байна. Түүнчлэн хүүхэд бэртэж гэмтсэн зам тээврийн осол 134 бүртгэгдсэн. Түүнээс 26 хүүхэд харамсалтайгаар амь насаа алдсан байна.
-Иргэд хүүхдийн зориулалтын суудлыг хэрэглэж байна уу?
-Баяр наадмын өмнөх өдрүүдэд хотоос гарах чиглэлд тээврийн товчоонууд дээр хяналт шалгалт хийсэн. Хагас цагийн хяналт шалгалтын эцэст хүүхдийн зориулалтын суудал хэрэглэсэн хоёр тээврийн хэрэгсэл л байсан. Энэ төрлийн нарийн судалгаа удахгүй гарна. Үүнээс хүүхдийн хамгаалалтын суудлын хэрэглээ маш хангалтгүй байгааг харж болно. Иргэд бараг хэрэглэхгүй байна. Ийм нөхцөл байдалтай байгаа болохоор зам тээврийн осол гарсан тохиолдолд хүүхэд хүнд бэртэж гэмтэх, амь насаа алдах эрсдэл буурахгүй байна. Хүүхдээ эцэг эхчүүд маш буруу тээвэрлэж байна. Арын суудал дээр сул орхичихдог. Эсвэл жолоочийн хажуугийн суудал дээр өөрөө хүүхдээ тэврээд явж байдаг. Энэ нь маш буруу алхам. Зам тээврийн осол гарсан тохиолдолд хүүхэд хамгийн түрүүнд эрсдэлд орж байгаа юм. Өөрөө суудлын бүс зүүчихсэн хэрнээ хүүхдээ өвөр дээрээ авч сууж болохгүй ээ.
-Баяр наадмын өдрүүдэд хотоос гарах чиглэлийн замын ачаалал их байв уу?
-Гарч байгаа дийлэнх авто осол орон нутгийн замд бүртгэгдэж байна. Баяр наадмын өдрүүдэд нийслэлээс гарах таван чиглэлийн замд өндөр ачаалалтай байдаг. Жишээлбэл, Улаанбаатараас Лүн чиглэлд их ачаалалтай байдаг учир урт цуваа үүсдэг. Тиймээс зарим жолооч нар хориглосон нөхцөлд гүйцэд түрүүлэх гэж эсрэг урсгалд орж онхолдсон, мөргөлдсөн тохиолдол гарсан.
-Хүүхдүүд зам тээврийн осолд яагаад ийм өндөр дүнгээр өртөж байна вэ?
-Яагаад вэ гэхээр скүүтерийн хэрэглээ нэмэгдсэнтэй холбоотой. Авто зам дээр цахилгаан скүүтертэй хүүхдүүд замын хөдөлгөөнд оролцож өөрсдийгөө болон бусдыг эрсдэлд оруулж байна. Зориулалтын замаар зорчих хэрэгтэй. Мөн эцэг эхчүүд хүүхдээ зориулалтын дагуу тээвэрлэх ёстой.
-Орон нутгийн зам дээр гарч байгаа ослын үндсэн шалтгаан нь юу байна вэ?
-Нийтлэг шалтгаан нөхцөл хэд хэд бий. Нэгдүгээрт, шөнийн цагаар гэрлээ шилжүүлээгүйгээс үүдэж онхолдох, мөргөлдөх, эсвэл мал амьтан мөргөх гэх мэт. Хоёрдугаарт, хурд хэтрүүлэх, гүйцэд түрүүлэх үйлдлийг хориотой нөхцөлд гүйцэтгэх гэсэн хоёр үндсэн шалтгаан байна. Хүний амь нас хохирч байгаа авто ослын 76.6 хувь нь орон нутгийн зам дээр гарч байна.
-Жолооч нар ямар нийтлэг алдаа гаргаж байна вэ?
-Орон нутгийн замд гарч байгаа жолооч нар техникийн хэрэгслийн бүрэн бүтэн байдлаа хангах хэрэгтэй. Мөн дагалдах хэрэгсэл буюу анхны тусламж, эмийн сан, галын хор, ослын тэмдэг зэрэг зүйлсийг бүрэн авч явах ёстой. Хяналт шалгалтын явцад ажиглагдаж байгаа нийтлэг зөрчил нь жолооч, иргэд эдгээр зүйлсийг зөвхөн цагдаад харуулах, үзүүлэх зорилгоор авч явж байна.Хүний нүд хуурах гэж. Шалгаад үзэхээр эмийн санд нь анхны тусламж үзүүлэхэд шаардлагатай эм, эмийн бүтээгдэхүүн байхгүй. Эм эмийн бүтээгдэхүүн байсан ч хугацаа нь дуусчихсан. Галын хор нь ажиллагаагүй байх гэх мэт зөрчил илэрч байна. Мөн очих гэж байгаа аймаг, орон нутгийнхаа зам маршрутыг судалж, цаг агаарын мэдээгээ харж байх хэрэгтэй. Үертэй байгаа гол усыг гатлахаас зайлсхийх хэрэгтэй. Архи, согтууруулах ундааны төрлийн зүйл хэрэглэхгүй байх ёстой. “Амь аврах алтан гурвалжин” уриатай аяны хүрээнд орон нутгийн зам дээрх хяналт шалгалт тогтмол ажиллаж байгаа. 100 км тутамд байнгын постууд ажиллаж байна. Мөн зам тээврийн осол ихээр гардаг хэсгүүдэд хяналт шалгалтыг түлхүү гаргаж байгаа.
Нийслэлийн цэцэрлэгийн бүртгэлийн хүсэлтийг өнөөдөр(2024.08.01)-өөс эхлэн E-Mongolia системээр хүлээн авна.
Хэрвээ та E-Mongolia системээр дамжуулан цэцэрлэгийн бүртгэлийн хүсэлт явуулах боломжгүй бол харьяа дүүргийн цэцэрлэг дээр ажиллаж буй ажлын хэсэгт хандаж зөвлөгөө, дэмжлэг авах боломжтой.
Цэцэрлэгийн элсэлт, бүртгэлтэй холбоотой лавлах утасны жагсаалт:
- Нийслэлийн боловсролын газар: 7011-3039
- Баянгол: 7611-9595
- Баянзүрх: 7010-4005
- Сүхбаатар: 7011-1606
- Сонгинохайрхан: 7017-1110
- Хан-Уул: 11-342470
- Чингэлтэй: 11-315442
- Багануур: 7021-3815
- Багахангай: 7049-1017
- Налайх: 7023-3008
Энэ амралтын өдрүүдэд буюу наймдугаар сарын 3, 4-ний өдрүүдэд Хүй долоо худагт “Даншиг наадам-Хүрээ цам 2024” наадам болно.
Тодруулбал:
1. у.з Мөнхсайханы Өсөхбаяр
2. у.з Батзоригийн Батмөнх
3. у.з Доржийн Анар
4. у.з Баярхүүгийн Бат-Өлзий
5. у.з Цэдэнбазарын Одбаяр
6. у.з Баттулгын Соронзонболд
7. у.з Сүхбаатарын Сүхбат
8. у.х Эрдэнэбатын Даш
9. у.х Цэдэндоржийн Мөнхбаяр
10. у.н Цогтоогийн Лхагвасүрэн
11. у.н Чинчулууны Батчулуун
12. у.н Базаргүрийн Бадамсүрэн
13. у.н Эрдэнэцогтын Ванданцэрэн
14. у.н Галсан-Очирын Ганжад
15. у.н Батбаярын Даваа-Очир
16. у.н Эрдэнэбатын Нямаа
17. у.н Энхтүвшиний Батмагнай
18. у.н Батдоржийн Сосорбарам
19. а.а Одсүрэнгийн Баярхүү
20. а.а Мядагмаагийн Адъяахүү
21. а.а Баарангийн Отгонбаатар
22. а.а Даваадоржийн Буянт
23. а.а Төрөөгийн Мягмаржав
24. а.а Мөнхтуяагийн Батцэнгэл
25. а.а Төрмөнхийн Төгсдөлгөөн
26. а.а Пүрвээгийн Өсөхбаатар
27. а.а Баасандоржийн Бадрал
28. а.а Батхуягийн Батзориг
29. а.а Балжиннямын Мөнх-Эрдэнэ
30. а.а Пүрэвдоржийн Эрхэмжаргал
31. а.а Цэвээнпүрэвийн Төмөрцоож
32. а.а Баасанжавын Сэр-Од
33. а.а Бямбын Түвшинтөгс
34. а.а Болдбаатарын Доржсүрэн
35. а.а Хүрэлбаатарын Батбаяр
36. а.а Тулгаагийн Сүрэнжав
37. а.а Ядамсүрэнгийн Бумбаяр
38. а.а Цэвээнпүрэвийн Адъяа
39. а.а Цэрэндоржийн Ганбат
40. а.а Доржсүрэнгийн Батсүх
41. ц.а Баасанцогтын Өлзийсайхан
42. а.а Доржготовын Батбаатар
43. а.а Батжаргалын Чинбат
44. а.а Доржпаламын Энхболд
45. а.а Сандагдоржийн Галданцогт
46. а.а Хүрэлбаатарын Болдбаатар
47. а.а Энхболдын Нандин-Эрдэнэ
48. а.а Сампилын Цогтбаатар
49. а.а Даваадоржийн Болдбаатар
50. а.а Пүрэвсүрэнгийн Батхуяг
51. а.а Даваадоржийн Эрдэнэтулга
52. а.а Доржийн Ням-Очир
53. а.а Эрдэнээгийн Буянтогтох
54. а.а Төмөрбаатарын Баттогтох
55. а.а Болоржавын Отгонбаатар
56. а.а Баасангийн Шаравдорж
57. а.а Нэргүйн Дэмбэрэлцэрэн
58. а.з Сүхбатын Оргилбаатар
59. а.з Мягмарын Тэгшбаяр
60. а.з Баатарын Уртнасан
61. а.з Мягмарын Баттүвшин
62. а.з Эрдэнэбаатарын Түмэндэмбэрэл
63. а.з Батсүхийн Энхсайхан
64. ц.з Өнөрбаянгийн Батсуурь
65. а.з Цогтбазарын Заяатүшиг
66. а.з Дэлгэрдалайн Пүрэвдорж
67. а.з Мишигдоржийн Лувсандорж
68. а.з Гармаагийн Бат-Эрдэнэ
69. а.з Баттунгалагийн Чүлтэмпунцаг
70. а.з Сайнбилэгийн Бат-Үүл
71. а.з Ням-Осорын Наранбаяр
72. а.з Ганболдын Төрболд
73. а.з Жаргалсайханы Жавхлан
74. а.з Жигжидсүрэнгийн Бямбадонид
75. а.з Эрдэнэбаярын Мөнхболд
76. а.з Содбилэгийн Ган-Эрдэнэ
77. а.з Отгонбатын Баяржаргал
78. а.з Энхтайваны Бадмаанямбуу
79. а.з Болдын Адъяарагчаа
80. а.х Дөрбетхан Бейбит
81. а.х Улаанхүүгийн Мөнхчулуун
82. ц.х Дашийн Төрбаяр
83. а.х Дамдинсүрэнгийн Пүрэвдорж
84. а.х Эрдэнэбатын Лхамхүү
85. а.х Галбадрахын Гантулга
86. а.х Сандуйжавын Дамдин
87. а.х Энхмэндийн Ширнэн
88. а.х Ширнэндоржийн Алтангэрэл
89. а.х Чойжоохорлоогийн Чойжилсүрэн
90. а.х Нямжавын Ширчинхүү
91. а.х Батцэнгэлийн Сайнбаяр
92. а.х Мөнгөнхуягийн Анхбаяр
93. а.н Батаагийн Даваадорж
94. а.н Тодсайханы Мөнх-Эрдэнэ
95. а.н Батхуягийн Адъяасүрэн
96. а.н Батбадралын Ганзолбоо
97. а.н Батсүхийн Баатарболд
98. а.н Батмөнхийн Лхагва-Очир
99. а.н Сумъяабээсийн Бат-Орших
100. а.н Отгонбатын Баярбаасан
101. а.н Мягмарсүрэнгийн Нямбаатар
102. а.н Равдандоржийн Лхамжав
103. ц.н Гэлиймаагийн Биндэрьяа
104. а.н Доржготовын Батхүрэл
105. а.н Эрдэнэзаяагийн Санчир
106. а.н Хатанбаатарын Тулга
107. а.н Баттулгын Түмэн-Өлзий
108. а.н Дашжамцын Дагвадорж
109. а.н Зоригтболдын Мөнхтулга
110. а.н Нямцогтын Даваадагва
111. а.н Болдын Лхамдорж
112. а.н Мөнхбатын Хүрэлбаатар
113. а.н Нацагдоржийн Даваадорж
114. а.н Батжаргалын Золбоо
115. а.н Бүдээгийн Баяраа
116. а.н Батаагийн Хүдэр
117. а.н Баярсайханы Батзориг
118. а.н Хүрэлбаатарын Балжинням
119. а.н Сэнгэдондогийн Пүрэвжанцан
120. а.н Хүрэлбаатарын Цолмон
121. а.н Төрбатын Мягмаржав
122. а.н Мөнхбаатарын Өгөөдэй
123. а.н Батсуурийн Бат-Эрдэнэ
124. а.н Батжаргалын Боорчи
125. а.н Өнөрбаянгийн Шийрэв
126. а.н Цагаанхүүгийн Мөнх-Эрдэнэ
127. а.н Дүгэрсүрэнгийн Дашням
128. а.н Баярын Данзанрагчаа
129. а.н Болорын Бадрал
130. а.н Батбаатарын Бат-Эрдэнэ
131. а.н Төмөрбатын Мөнхбат
132. а.н Баярсайханы Бямбадорж
133. а.н Отгонбатын Бат-Эрдэнэ
134. а.н Батболдын Баасандорж
135. а.н Цэрэнжавын Мөнх-Эрдэнэ
136. а.н Оюунчимэгийн Пүрэв-Очир
137. а.н Болдоогийн Пүрэвдорж
138. а.н Довдоны Сумъяабазар
139. а.н Мөнхбатын Сумъяабазар
140. а.н Бээжингийн Энх-Оргил
141. с.з Энхтайваны Совджамц
142. с.з Бат-Эрдэнийн Ган-Эрдэнэ
143. с.з Хөхөөгийн Эрдэнэбат
144. с.з Дамдин-Очирын Мягмаржав
145. с.з Ганпүрэвийн Мэндбаяр
146. с.з Жалгирын Ганхуяг
147. с.з Чинбатын Батбанди
148. с.з Дондовын Нямдаваа
149. с.з Баяндэлгэрийн Алтангэрэл
150. с.з Лувсандондовын Батбаяр
151. с.з Цэдэвваанчигийн Нямсүрэн
152. с.з Батбаярын Золбаяр
153. с.з Төгсийн Түвшин
154. с.з Алтанхуягийн Банзрагч
155. с.з Лхагвадоржийн Насантогтох
156. с.з Эрдэнэбаатарын Эрдэнэ-Очир
157. с.з Загдсүрэнгийн Нямдорж
158. с.з Галбадрахын Дашлхүмбэ
159. с.з Даваадоржийн Төмөрхүлэг
160. с.з Дашийн Жамсранжав
161. с.з Цэрэн-Очирын Эрдэнэсайхан
162. с.з Наранхүүгийн Баатархүү
163. с.з Зоригоогийн Сэр-Оддамба
164. с.з Дэмүүлийн Саранцогт
165. с.з Бярваагийн Ганбат
166. с.з Дамбын Мөнх-Очир
167. с.з Алтанзулын Дөлгөөн
168. с.з Одончимэгийн Баттулга
169. с.з Баясгалангийн Лхагварагчаа
170. с.з Гарьджавын Цолмон
171. с.з Эрдэнэбаатарын Дэлгэрхишиг
172. с.з Жамсранпүрэвийн Мягмарсүрэн
173. с.з Эрдэнэтогтохын Түмэннасан
174. с.з Наранмандахын Шинэтөр
175. с.з Гантулгын Мөнх-Эрдэнэ
176. с.з Баярсайханы Батзаяа
177. с.з Болортөгсийн Анхбаяр
178. с.з Гантулгын Мөнхтулга
179. с.з Эрдэнэмөнхийн Эрхэмжаргал
180. с.з Ганболдын Дэлгэрсайхан
181. с.з Ганболдын Ганбаяр
182. с.з Базаррагчаагийн Энхмэнд
183. с.з Баярсайханы Итгэлмөнх
184. с.з Шаалайн Энхбаяр
185. с.з Бямбацогтын Молцогсайхан
186. с.з Баттогтохын Мөнх-Эрдэнэ
187. с.з Энхбаярын Нямсанж
188. с.з Лхамсүрэнгийн Энхсайхан
189. с.з Цогтбаатарын Даваабат
190. с.з Хишигтийн Батням
191. с.з Гонгорын Отгонбат
192. с.з Дуламжавын Нямдорж
193. с.з Ганбатын Өнөрбаатар
194. с.з Баттулгын Энхмэнд
195. с.з Жаргалсайханы Ган-Эрдэнэ
196. с.з Энхболдын Лхагвадорж
197. с.з Өлзийбаярын Мөнхсайхан
198. с.з Бямбажавын Мөнх-Алдар
199. с.з Барсболдын Цэнгүүн
200. с.з Энхбатын Нямдаш
201. с.з Чинбатын Даваадорж
202. с.з Болдын Самбууням
203. с.з Ганцоожийн Машидравжих
204. с.з Отгоны Хаш-Эрдэнэ
205. с.н Буяндэлгэрийн Цэвэгдорж
206. с.н Эрдэнэбатын Мөнгөнхуяг
207. с.н Өгийдалайн Бэлгүтэй
208. с.н Бямбадоржийн Маргад-Эрдэнэ
209. з.б Батжаргал Бямбадорж
210. з.б Гэрэлмаа Буянбат
211. з.б Отгонбаатарын Мөнхбаяр
212. з.б Ядамсүрэнгийн Буянтогтох
213. з.б Эрдэнэмөнх Энхдалай
214. з.б Мөнгөнцоожийн Жамбалцэрэн
215. з.б Загддорж Эрдэнэ-Очир
216. з.б Б.Мөнгөн
217. з.б Баттулга Содбилэг
218. з.б Баярбаясгалангийн Эрдэнэчулуун
219. з.б Бадарчийн Пүрэв-Очир
220. з.б Баянмөнх Баянжаргал
221. з.б Гэрэлмаа Буянбат
222. з.б Гантулгын Нинжинбаяр
223. з.б Цоодолын Ганболор
224. з.б Батболдын Өсөхбаяр
225. з.б Энэбишийн Мягмар-Очир
226. з.б Ононпунцаг Бямбажав
227. з.б Эрдэнэцогтын Ганбилэг
228. з.б Доржравдансүрэнгийн Жамсрандорж
229. з.б Ганбаатарын Ёндонжамц
230. з.б Баасандорж Мөнх-Эрдэнэ
231. з.б Баяраагийн Сэнгэрагчаа
232. з.б Мөнгөнцоожийн Мягмарцэрэн
233. з.б Цэрэнгомбо Баттулга
234. з.б Дэлгэрбаатар Мөнхтулга
235. з.б Төртогтох Амгаланбаатар
236. з.б Бизъяа Наранбат
237. з.б Хүрэлбаатар Бөхбат
238. з.б Тунгалаг Тэгшжаргал
239. з.б Баатарсүхийн Аажимзориг
240. з.б Батчулууны Хаш-Эрдэнэ
241. з.б Эрдэнэбат Батболд
242. з.б Түвдэнсүрэн Лхүнрэв
243. з.б Эрдэнэбилэг Алтаншагай
244. з.б Батсуурь Батзориг
245. з.б Сэлэнгийн Дорждэрэм
246. з.б Мөнхбатын Далайцэрэн
247. з.б Амарсанаагийн Сүмбэрэл
248. з.б Оюундалай Батцоож
249. з.б Сүхбаатарын Бат-Эрдэнэ
250. з.б Хөөхуягийн Шаарийхүү
251. з.б Алтаншагайн Энхбаяр
252. з.б Рэнцэндоржийн Эрдэнэсайхан нарын бөхчүүд бүртгүүлжээ.
Сугалаа өнөөдөр, маргааш 12.00-17.00 цагийн хооронд Монгол бөхийн өргөөнд болох бөгөөд барилдаан наймдугаар сарын 3-ны 14.00 цагт Хүй долоон худагт эхэлнэ.
Английн Ливерпүүлийн ойролцоох Саутпорт хотод өнгөрсөн даваа гаригт Хүүхдийн бүжгийн клубт гурван охин хутгалуулж, хэд хэдэн хүүхэд шархадсаны улмаас Исламын шашны эсрэг үймээн самуун тус хотод дэгджээ.Английн радикал үндсэрхэг үзэлтэй хэдэн зуун хүн орон нутгийн исламын сүм хийд болон тэднийг зогсоохыг оролдсон цагдаа нар руу чулуу, шил болон бусад эд зүйл шидэж, улмаар цагдаагийн микро автобус болон хогийн савыг шатаасан байна.Орон нутгийн түргэн тусламжийн алба “Эхний удаа 22 цагдаа гэмтэж бэртэж, 11-ийг нь эмнэлэгт хүргэсэн.Цагдаа нараас ес нь ясны хугарал,тархины доргилт зэрэг ноцтой гэмтэл авсан” гэж мэдэгджээ.
Цагдаа нар уг хэргийг үйлдсэн 17 настай хүүгийн нэрийг нууцлан, исламын шашин, мусульманчуудтай холбоотой эсэхийг дурдахаас зайлсхийсэн боловч бүс нутгийн Исламын байгууллагын мэдэгдэл болон бусад нөхцөл байдлаас үүдэн, хүн амины хэргээр баривчлагдсан залууг лалын шашинтан, радикал исламист гэж үзсэн хүмүүс ийнхүү үймээн самуун дэгдээсэн байна.Тэд олон нийтийн сүлжээгээр тарсан мессэжүүдэд үндэслэн ийм дүгнэлтэд хүрсэн гэжээ. Харин цагдаагийнхан эдгээр мэдээлэлд итгэж болохгүй гэж сануулан Цагдаагийн Ерөнхий газрын даргын туслах Алекс Госс “Цагдаагийн газарт хоригдож байгаа 17 настай хүүгийн талаар олон янзын таамаг, тарсан бөгөөд зарим хүмүүс үүнийг манай гудамжинд эмх замбараагүй байдал үүсгэхийн тулд ашиглаж байна. Баривчлагдсан хүн Их Британид төрсөн бөгөөд одоо ийм буруу таамаглал хэнд ч тус болохгүй” гэж мэдэгдэв.Цагдаа нарын мэдээлснээр баривчлагдсан залуу Уэльсийн нийслэл Кардифф хотод төрсөн бөгөөд Саутпортын ойролцоох Банкс тосгонд амьдарч байжээ. Мөн Ливерпүүлийн бүс нутгийн исламын сүм хийдийн холбоо олон нийтийн “X” сүлжээгээр дамжуулан “Нутгийн лалын шашинтнууд Саутпорт дахь хүүхдүүдийн аллагад ямар ч холбоогүй” гэж мэдэгдэв. Исламын сүм хийдийн холбоо мэдэгдэлдээ “Цөөн тооны хүмүүс энэхүү хүмүүнлэг бус үйлдэл лалын шашинтнуудтай холбоотой мэтээр харуулахыг оролдож байна. Үгүй ээ, бид үүнд ямар ч холбоогүй.Биднийг хагалан бутаргаж, үзэн ядалт үүсгэхийг хүссэн хүмүүст бууж өгөхгүй байхыг бид уриалж байна” гэж дурджээ.
Саутпорт хотод үймээн дэгдээсэн хүмүүсийг Их Британийн ерөнхий сайд Кейр Стармер, Дотоод хэргийн сайд Иветте Купер нар эрс буруушаав.Стармер “Хохирогчдыг дуугүй байх мөчийг далимдуулан хүчирхийлэл, дээрмийн үйлдэл хийсэн хүмүүс уй гашууд автсан олон нийтийг доромжиллоо” гэж Стармер Network “X” дээр бичиж, үймээн дэгдээгчид “хуулийн бүрэн хүчийг мэдрэх болно” гэж амлав.
Саутпорт бол Ливерпүүлээс хойд зүгт 27 км зайд орших далайн эргийн амралтын хот юм. Тэнд 94.5 мянга орчим хүн амьдардаг бөгөөд тэдний мянга гаруй нь л лалын шашинтнууд юм байна.
Г.АМАРСАНАА
Саудын Арабын Рияд хотод долдугаар сарын 21-30-ны өдрүүдэд Олон улсын Химийн 56 дугаар олимпиад зохион байгуулагдлаа. Тус олимпиадаас мөнгөн медаль хүртсэн “Орчлон” сургуулийн 11 дүгээр ангийн сурагч Б.Номин-Ундрахтай ярилцлаа.
Тэрбээр 2023 онд Олон улсын Химийн 55 дугаар олимпиадаас хүрэл медаль хүртэж байсан юм.
-Өмнө жил Олон улсын Химийн 55 дугаар олимпиадаас хүрэл медаль хүртэх үеэр ярилцаж байхад “Дараа жил амжилтаа ахиулна” гэж байсан. Энэ жил мөнгөн медаль хүртлээ. Баяр хүргэе?
-Баярлалаа. Энэ жил амжилтаа ахиулахад өмнө жилийн тэмцээнээс олж авсан туршлага их хувь нэмэр оруулсан гэж бодож байна. Мөн үргэлж тусалж дэмждэг гэр бүл, багш нар болон найзууддаа маш их баярлалаа.
-Хэдэн орны хүүхэд оролцсон бэ. Монголоос хэдүүлээ явав?
-Энэ жил 89 орны 333 сурагч оролцсон. Монголоос дөрвөн сурагч, таван дасгалжуулагч багшийн бүрэлдэхүүнтэй тэмцээндээ оролцсон.
-Энэ жилийн даалгавар хэр байв. Санасандаа хүртэл гүйцэтгэж чадсан уу?
-Сорил туршилтын даалгавар нь миний хувьд илүү хүнд санагдсан. 5 цагт хоёр даалгавар гүйцэтгэх байсан ч хоёрдугаар даалгавар нь маш урт байсан.
Энэ жилийн сорил, туршилтын даалгаврыг хүнд боловсруулсан юм шиг санагдсан. Харин онолын тэмцээнд 5 цагт есөн бодлого орж ирсэн. Энэ хэсэг нь өмнө жилийнхээс арай амархан байсан.
-Тэмцээнд ямар бодлого орж ирсэн?
-Тэмцээний бодлогууд Саудын Арабын онцлогийг агуулж чадсан байсан. Жишээлбэл, олимпиадын наймдугаар бодлого Саудын Арабаас гаралтай ургамал гүргэмийн синтез байсан. Мөн долдугаар бодлого нь SABIC буюу энэ жилийн олимпиадын томоохон ивээн тэтгэгч компанийн ажил дээр суурилсан байна лээ.
Миний хувьд бага зэрэг алдаа гаргасан. Ялангуяа сорил туршилтын тэмцээн дээр санасандаа хүртэл гүйцэтгэж чадаагүй. Гэсэн ч энэ алдаа эргээд миний цаашдын уралдаан тэмцээнүүдэд илүү туршлага болсон гэж бодож байна.
-Амжилтаа ахиулахын тулд мэдээж их бэлдсэн байх. Бэлтгэлээ хэзээнээс эхэлсэн бэ?
-Бэлтгэлийн хувьд ер нь бүтэн жил бага багаар бэлдсэн. Есдүгээр сараас хойш эхэлсэн. Хоёрдугаар сард бэлтгэх бодлогууд гарсны дараа илүү хичээж, тэмцээнд орж ирэх сэдвүүдээ чухалчилсан. Мөн шалгаруулалт дууссаны дараа, зургадугаар сараас эхэлж багаараа багш нарынхаа зөвлөмжийн дагуу сорил туршилт болон онол бодлогынхоо тэмцээнд бэлдсэн.
-Ганцаарчилж бэлдэх, багаар бэлдэхийн давуу талыг дурдвал?
-Миний бодлоор багаар бэлдэх нь маш үр дүнтэй байдаг. Бие биеэсээ суралцаж мэдэхгүй сэдвүүдээ ярилцах нь тухайн хичээлийг илүү гүнзгий ойлгоход тусалдаг.
-Химийн хичээлд дурлах шалтгаан юу вэ?
-Химийг central science буюу үндсэн шинжлэх ухаан гэж нэрлэдэг. Мөн бусад физик, биологийн зарим сэдвүүдтэй давхацдаг. Иймд хими сурснаар өргөн цар хүрээний мэдлэг олж авдаг. Энэ нь надад маш их таалагддаг. Мөн химийн шинжлэх ухаан маш эрэлттэй салбар бөгөөд улс орны хөгжилд том нөлөө үзүүлнэ гэж боддог юм.
-Дасгалжуулагч багш нартаа хандаж юу хэлмээр байна?
-Мэдээж дасгалжуулагч багш нарын хувь нэмэр их билээ. Сорил туршилтын тэмцээн бол химийн олимпиадын салшгүй нэгэн хэсэг юм. Дасгалжуулагч багш нар маань сорил туршилтын тэмцээнд түлхүү бэлдүүлдэг. Монголд олддоггүй ховор бодис урвалжийг чадахаараа орлуулан бүрдүүлж өгдөг. Биднийг бэлтгэлээр хангаж энэхүү олимпиадад оролцуулах гэж их цаг зав гаргадаг багш нартаа үргэлж талархаж явдаг. Мөн энэ жил Олимпиадын хороо Олон улсын олимпиадын бэлтгэл сайжруулах тал дээр их анхаарсан. Тиймдээ ч үр дүнгээ үзүүлсэн гэж бодож байна. Багш нар маань үргэлж бидний санал бодлыг сонсож, зарим санааг туршдаг.
Анх намайг химид дуртай болгосон хүн бол С.Хүрэлбаатар багш. Одоо Монголд байхгүй ч гэсэн үргэлж холбоотой байдаг. Харин С.Сувданчимэг багш өнгөрсөн хоёр жил намайг олимпиадад бэлдсэн. Сувдаа багш маань мэдэхгүй зүйлийг минь ойлгуулж, үргэлж урам зориг өгдөг. Зөвхөн хичээл гэлтгүй бүх зүйл дээр тусалж дэмждэг. Багшдаа маш их талархдаг.
-Цаашид ямар зорилго, төлөвлөгөөтэй байгаа вэ?
-Дараа жил төгсөх ангид орно. Тиймээс Их сургуулиудад бүртгүүлээд түүнийхээ дараа олимпиаддаа анхаарах төлөвлөгөөтэй байгаа. Мэдээж дараа жилийн олон улсын химийн олимпиадад сүүлийн жилдээ оролцон амжилтаа ахиулахыг зорих болно.
Монгол улсын Ерөнхийлөгчийн урилгаар АНУ-ын Төрийн нарийн бичгийн дарга Энтони Ж.Блинкен болон Швейцарын холбооны улсын Ерөнхийлөгч Виола Амхерд тэргүүтэй зочид төлөөлөгч нар энэ оны наймдугаар сарын 01-ний өдрөөс наймдугаар сарын 04-ний өдрийн хооронд Монгол Улсад албан ёсны айлчлал хийж байгаатай холбоотой богино хугацаагаар зарим авто замуудын хөдөлгөөнийг хязгаарлах зохицуулалт хийгдэж байна.
Иргэд та бүхэн бусдад хүндэтгэлтэй хандаж, уур бухимдалгүй замын хөдөлгөөний дүрмийг баримталж, цагдаагийн алба хаагчийн тавьсан хууль ёсны шаардлагыг биелүүлж, замын хөдөлгөөнд соёлтой оролцоно уу.
Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Архангай, Өвөрхангайн нутаг, Булганы өмнөд хэсгээр их бороо орно.
Малчид, иргэд, тээвэрчид, аялагчид, наадамчдын анхааралд: Өнөө маргаашдаа төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр дуу цахилгаантай аадар бороо, бороо үргэлжлэн орох тул мөндөр, аянга цахилгаан, нөөлөг салхи, болзошгүй үер усны аюулаас сэрэмжтэй байхыг онцгойлон анхааруулж байна.
2024 оны наймдугаар сарын 02-ноос 2024 оны наймдугаар сарын 06-ныг хүртэлх цаг агаарын урьдчилсан төлөв
2-нд төв болон зүүн аймгуудын ихэнх нутаг, баруун аймгуудын нутгийн зарим газар, говийн аймгуудын нутгийн хойд хэсгээр, 3-нд баруун аймгуудын нутгийн зүүн хэсэг, зүүн аймгуудын ихэнх нутаг, төв, говийн аймгуудын нутгийн зарим газраар, 4-нд баруун аймгуудын нутгийн зарим газар, төв, говийн аймгуудын нутгийн хойд хэсгээр, зүүн аймгуудын нутгийн зүүн хэсгээр, 5-нд төвийн аймгуудын нутгийн зарим газраар бороо, дуу цахилгаантай аадар бороо орно. Салхи борооны өмнө түр зуур ширүүснэ. 2, 3-нд төв, зүүн аймгуудын нутгийн хойд хэсгээр бага зэрэг сэрүүн, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө 4-9 хэм, өдөртөө 16-21 хэм, Их нууруудын хотгор, говийн бүс нутгийн өмнөд хэсгээр шөнөдөө 18-23 хэм, өдөртөө 30-35 хэм, бусад нутгаар шөнөдөө 10-15 хэм, өдөртөө 21-26 хэм дулаан байна. байна.