Month: July 2020

Иргэн танд хууль эрх зүйн туслалцаа хэрэгтэй байна уу. Тэгвэл та 1900-2211 лавлах товчоонд хандаарай.

Энэхүү лавлах товчоо нь мэдээллийн зах зээлд шударга өрсөлдөөнийг нэмэгдүүлэх, үйлчилгээний чанар, хууль эрх зүйн үнэн бодит мэдээллээр хангах, харилцаа холбооны салбарын хөгжилд бодит хувь нэмэр оруулах зорилгоор 2020 онд байгуулагдсан. Мөн газарзүйн байршлаас үл хамааран өдөр бүр иргэн, хуулийн этгээд, хуулийн этгээдийн эрхгүй байгууллагад туслалцаа зөвлөгөөг үзүүлэн ажиллаж байна.

Тус лавлах товчоо нь:

• Бодит хууль, эрх зүйн лавалгааг түргэн шуурхай өгч хэрэглэгчийн хүсэл сонирхлыг дээдлэх хэтийн зорилготой,
• Хэрэглэгчид ойлгомжтой хүртээмжтэй мэдээлэл хүргэх, бүх шатны хууль эрх зүйн туслалцааг чин сэтэглээсээ өгөх эрхэм зорилготой,

• Хэрэглэгчээ дээдэлсэн, эерэг хандлагыг бий болгосон, мэдлэгийг эхэмлэж, хариуцлагтай байдлыг чухалчилж, үнэт зүйлээ болгон ажилладаг.

Давхардсан тоогоор үүрэн болон суурин холбооны 3 сая гаруй хэрэглэгчид байдаг гэсэн судалгаа бий бөгөөд энэ нь 1900-2211 хууль эрх зүйн лавлахын хэрэглэгчид юм.

1900-2211 хууль эрх зүйн лавлах үйл ажиллагаандаа богино хугацаанд бодит мэдээллийг гаргаж чадах хамгийн сүүлийн үеийн дэвшилтэт тоног төхөөрөмж, цогц программ хангамжийг ашигладаг. Хуулийн лавлахын чиглэлээр үйл ажиллагаа явуулдаг байгууллагуудаас цогц үйлчилгээ явуулдгаараа давуу талтай. Энэ нь хэрэглэгчдэд мэдээллийг илүү түргэн шуурхай өгөх боломж бүрдснээс гадна хэрэглэгчийн тулгарсан асуудалд бүхий л шатны тусламж үзүүлэх боломж юм.

Мөн дэлхий дахинд мэдээлэл харилцаа холбоо, дижитал эрин зуунд шилжин хамгийн хурдан өөрчлөгдөн, шинэчлэгдэж байгаа энэ үед өөрчлөлт, шинэчлэлтэд үргэлж бэлэн байж, шинийг санаачлан, хууль зүйн лавлах үйлчилгээний, хуулийн зөвөлгөөний, өмгөөллийн үйлчилгээгээрээ дамжуулан хэрэглэгчдэдээ илүү өргөн боломж олгохын төлөө зорин ажиллаж байна.

17 цагийн үед 22-ын товчоо явах замд том оврын авто машин нь вагонтой мөргөлдсөн гэх мэдээлэл ирлээ. Тус мэдээллийн дагуу замын цагдаагийн лавлах 102 луу залгахад одоогийн байдлаар гадагш мэдээлэл өгөх боломжгүй байна гэсэн юм.

Засгийн газраас өвөлжилтийн бэлтгэл ажлыг хангахад анхаарч аймгийн удирдлагуудтай хийх уулзалтыг бүсчилэн зохион байгуулжээ. 5 бүсийн аймгуудыг нэгтгэж хийж буй эхний уулзалт Өвөрхангай аймагт болсон бол энэ удаа Хэнтий аймагт боллоо.

Уулзалтын үеэр Шадар сайд Я.Содбаатар, Засгийн газраас гаргасан өвөлжилтийн бэлтгэлийг хангах тухай тогтоолыг хэрэгжүүлэх чиглэлээр орон нутгийн удирдлагууд онцгой анхаарах, болзошгүй эрсдэлээс урьдчилан сэргийлж, санаачилгатай ажиллахыг үүрэг болголоо.

Түүнчлэн ХХААХҮ-ийн сайд З.Мэндсайхан хэлэхдээ “Зүүн бүсийн гурван аймгийн сумдын 50 хувь нь зуншлага сайтай, 30 хувь нь тааруу, 20 хувь нь гантай байна. Бусад аймагтай харьцуулахад зүүн бүсийн аймгууд зуншлага харьцангуй сайн байгаа учраас өвөлжилтийн бэлтгэл хангах, хадлан тэжээл бэлтгэх чиглэлээр Хэнтий, Дорнод, Сүхбаатар аймгийн удирдлагуудад өндөр хариуцлага ирж байгааг ухамсарлаж ажиллах шаардлагатай байна. Засгийн газраас хадлан тэжээл бэлтгэхэд төсвөөс дэмжлэг, татаас үзүүлэхгүй байх шийдвэр гарсан учраас орон нутгийн удирдлагууд нөөц бололцоогоо бүрэн дайчилж, малчин өрх бүрийг хадлан тэжээлээ хангалттай төвшинд бэлтгэхийг уриалж ажиллах шаардлагатай байна” хэмээв. Өвөлжилтийн бэлтгэлийг хангах Засгийн газрын тогтоолыг хэрэгжүүлээгүй, хариуцлагагүй хандсан албан тушаалтанд хатуу хариуцлага тооцно гэдгийг зөвлөгөөнд оролцогчдод хатуу санууллаа.

Өнөөдөр буюу 07 дугаар сарын 31-ний Цаг уурын байгууллагын ирүүлсэн мэдээллээр Хэнтий нурууны зүүн хажуугийн Хэрлэн, Онон, Хөвсгөлийн уулсаас эхтэй Бэлтэс, Үүр зэрэг голуудын усны түвшин өмнөх өдрийнхөөс 10-45 см нэмэгдэж, Ховд, Хархираа, Чигж мөн Хэрлэн, Онон зэрэг голууд үерийн түвшинг 10-40 см даван үерлэж, Онон, Балж голууд үерийн аюултай түвшинг 30-40 см даван хүчтэй үерлэж байна.

Маргааш буюу 08 дугаар сарын 01-нд Онон, Туул голын усны түвшин 10-20 см нэмэгдэх төлөвтэй байна. Иймд хур тунадасны эрчимшилээс шалтгаалж гол мөрний усны түвшин богино хугацаанд нэмэгдэн үерлэж болзошгүй тул дээр дурьдсан голууд болон гол мөрний сав дагуу суурьшиж, нутагшиж буй ард иргэд, аж ахуйн нэгж, аялж зугаалж яваа хүмүүсийг болзошгүй үер усны аюулаас урьдчилан сэргийлэхийг Онцгой байдлын ерөнхий газраас онцгойлон анхаарууллаа.

Баянзүрх дүүргийн 8 дугаар хороо Ботаникын эцсийн тролейбусны буудлын зам дагуу нийтийн эзэмшлийн талбайд зөвшөөрөлгүй баригдсан барилгыг Нийслэлийн Засаг даргын 2020 оны А/513 дугаар захирамжийн хүрээнд буулгалаа.

Чөлөөлсөн талбайд нийслэлийн 2020 оны Газар зохион байгуулалтын төлөвлөгөөний дагуу ногоон байгууламж, тохижилт болон цахилгаан автобус цэнэглэх байгууламжийн ажил хийгдэх юм байна. Баянзүрх дүүргийн 8 дугаар хорооны авто зам, замын байгууламжийн доогуур Улаанбаатар хотын төв магистраль цэвэр, бохир усны 600 мм-ийн шугам хоолой явдаг хамгаалалтын бүс оршдог. Энэхүү магистраль шугам нь 1985 онд баригдсан, насжилт өндөртэй. Эвдрэл гэмтэл гарвал засвар үйлчилгээ хийх талбайгүй учраас нүүлгэн шилжүүлэхийг Улаанбаатар хотын Ус сувгийн удирдах ОНӨААТҮГ-ийн газраас удаа дараа шаардах бичиг ирсний дагуу газар чөлөөлөлт хийсэн байна.

Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан, Газар зохион байгуулалт, геодези зураг зүйн газрын дарга Ц.Ганхүү болон дүүргийн Засаг дарга нар, нийслэлийн Хот, байгуулалт хөгжлийн газар, Газар зохион байгуулалтын албаны удирдлагууд өнөөдөр дүүргүүдийн хаягийн зураг, мэдээллийн санг нэгдсэн нэг удирдлага зохион байгуулалтад оруулах асуудлаар хуралдлаа.

Хуралдааны эхэнд Улаанбаатар хотын хаягжуулалтын өнөөгийн байдал, цаашид авах арга хэмжээний талаар Газар зохион байгуулалт, геодези зураг зүйн газрын дарга Ц.Ганхүү мэдээлэл хийв. Тэрбээр “Хаягийн асуудал маш тулгамдсан асуудал болсон. 2013 онд Хаягжуулалтын тухай хууль гарсан. Дараа нь хаягжуулалтын журам батлагдсан. Бид олон улсын стандартад нийцсэн хаягтай болохоор зорьж ажиллаж байна. Хаягт тавигдах таван шаардлага гэж бий. Энэ дагуу нийслэлийн бүх дүүрэг, хороогоо цэгцлэх нь зүйтэй. Аймаг, нийслэл нэгдсэн стандарттай хаягжилттай байх шаардлагатай” гээд цаашид нийслэл хотын хэмжээнд хаягжилттай холбоотой хийхээр зорьж байгаа ажлуудаа танилцуулсан юм.

Хотын Захирагчийн үүрэг гүйцэтгэгч Ж.Батбаясгалан энэ үеэр хэлсэн үгэндээ “Захирамж гаргаж, нэгдсэн зохион байгуулалтад орж ажиллах нь зүйтэй. Бүх мэдээллийн санд хаягжилттай холбоотой мэдээллүүд байгаа боловч мэдээлэл зөрөх асуудал байна. Захирамж гарахад хариуцсан албан тушаалтнууд дор бүрнээ шийдвэрээ гаргаж ажлаа зохион байгуулж ажиллах шаардлагатай. Ажлын хэсэг байгуулагдан ажлаа төлөвлөж, яаж үр дүнтэй явуулах талд шуурхай зохион байгуулалтад орж ажиллаарай” хэмээлээ.

Хуралдааны төгсгөлд нийслэлийн дүүргүүдийн хаягийн зураг, мэдээллийн санг нэгдсэн удирдлагаар хангах асуудалд холбогдох албан тушаалтнууд санал солилцов.

Чингэлтэй дүүргийн 9, 10, 11 дүгээр хороо, “Э.Галданбошготын гудамж”-аас “Дэнжийн мянгын гудамж”-ны авто зам дагуу дулааны шугам сүлжээний ажил хийгдэх болсонтой холбогдуулан тухайн авто замыг 2020.\ 08.01- 08.02\-ны өдөр хүртэлх хугацаанд хаахаар болжээ.

Тухайн авто замаар дайран өнгөрөх нийтийн тээврийн үйлчилгээний Ч:21А “Булгын 19-р гудамж – Вокзал – 3,4 хороолол”, Ч:21Б “Булгын 19-р гудамж – 3.4 хороолол – Вокзал”, Ч:31 “Улиастай – Баянбүрд – Зам гүүрийн автобааз”, Ч:55 “Зайсан – Дэнжийн 1000 – ЗГАБааз – Согоотын гудамж” чиглэлүүдийн замналд түр хугацаагаар өөрчлөлт орох тул нийтийн тээврээр зорчигч иргэд та бүхэн авто зам хаах хугацаанд дараах зураглалын дагуу зорчилтоо төлөвлөнө үү.

НИЙТИЙН ТЭЭВРИЙН ҮЙЛЧИЛГЭЭНИЙ ГАЗАР

Нийслэлийн Зам, тээврийн асуудал хариуцсан төслүүдийн удирдагч Б.Отгонсүхээр ахлуулсан ажлын хэсэг өнөөдөр Сонгинохайрхан дүүргийн 22 дугаар хороо Тахилтын авто замаас авто цогцолбор хүртэлх 1,5 км авто зам болон нүхэн гарцын ажлын явцыг шалгалаа.

Уулзалтын үеэр нийслэлийн Засаг даргын орлогч Б.Отгонсүх хэлэхдээ “Өнөөдөр нийслэлээс Тахилтын авто замаас авто цогцолбор хүртэлх замын ажлын явцыг шалгаад, шуурхай шийдвэрлэх асуудлууд дээр нь нийслэлээс дэмжлэг үзүүлэхээр ярилцлаа. Уг зам нь 1,5 км урттай, 14 м өргөнтэй дөрвөн эгнээ зорчих хэсэгтэй, хоёр цэгт ус зайлуулах Ф1000 хоолойтой, иж бүрэн гэрэлтүүлэгтэй байхаар төлөвлөгдсөн. Өнөөдрийн байдлаар Тахилтын авто замаас урагш төмөр зам хүртэлх 700 м газрын хөрс хуулалт, ухмал, далангийн дүүргэлтийн ажлууд хийгдээд хуваарийн дагуу явж байна.

Нийслэлээс замын ажил хийгдэж буйтай холбоотой газар чөлөөлөх шаардлагатай гурван байршлыг шийдэж өгөхөөр болсон. Энэ жил бороо хур ихтэй байгаа учраас ажлаа зөв төлөвлөн зохион байгуулах шаардлагатай байна. Шинээр тавигдаж буй бүх замууд дээр ус зайлуулах хоолойг стандартын дагуу хийлгэж байна. Хот замуудаа хүлээж авахдаа зургийн дагуу иж бүрэн гүйцэтгэлтэй хүлээж авах болно. Энэхүү зам нь гадна тойруугийн зам болж байгаа бөгөөд ашиглалтад орсноор хөдөлгөөний ачааллыг хуваалцах чухал ач холбогдолтой. Нүхэн гарцын ажлын явцын талаар холбогдох инженер, мэргэжилтнүүдтэй хуралдаж, явцыг хэлэлцэнэ. Сайн чанартай, гүйцэтгэл сайтай хийж байгаа аж ахуйн нэгжүүдээ хот дэмжээд явна, харин хариуцлагагүй, гүйцэтгэл муутай газруудыг бид хар жагсаалтанд оруулаад явна. Нэгэнт ажил хийж чадна гээд авсан бол сэтгэл гаргаж, мэргэжлийн түвшинд гүйцэтгэхийг бид шаардах болно” гэлээ.

Уг замын ажлыг зам доогуур нүхэн гарцын хамт ирэх 10 дугаар сард ашиглалтад оруулах аж.