Нийслэлийн хүүхэд, гэр бүлийн хөгжлийн газраас өнөөдөр Хүүхдийн зуслангийн стандарт болон энэ зун үйл ажиллагаа явуулах зуслангийн талаар мэдээллээ.
Нийслэлийн хэмжээнд бүртгэлтэй 35 зуслан байдгаас сүүлийн 3 жил 20 зуслан тасралтгүй үйл ажиллагаа явуулж байгаа аж. Тухайлбал, СХД-т Нарс, Найрамдал, ирээдүйн эзэд, СБД-т Хараацай, Хандгайт, Маргаашийн хөгжил, Ундраа, Янзага, Сэлбэ, БЗД-т Сансар, Галакси, Налайх дүүрэгт Нарлаг, Жавхлант, Өгөөмөр, Багануур дүүрэгт Тэмүүлэл, Төв аймгийн нутаг дэвсгэрт Цагааннуга, Мөрөөдөл, Цоглог, Чухаг, Хайрын бэлэг, Од, Шонхор зуслан ажиллахаас төрийн болон байгууллагын дэргэдэх 6, хувийн хэвшлийн 16 зуслан байна. Энэ жилийн хувьд 24 зуслан үйл ажиллагаа явуулах саналаа өгсөн байна. Амрах эрхийн бичгийн нэг өдрийн дундаж үнэ 23-25 мянган төгрөг. Зуслангууд эхний ээлжийн амрагчдаа ирэх сарын 8-наас авах бөгөөд эрхийн бичгийг “Улаанбаатар чуулга”-аас борлуулна. Зуслан руу зорчих унаа “Скай” их дэлгүүрийн гаднаас хөдөлнө гэж НХГБХГ-ын мэргэжилтэн Г.Ариунгэрэл мэдээлэв.
Дашрамд сонирхуулахад, 2015 оноос “Хүүхдэд ээлтэй зуслан”-г шалгаруулж эхэлжээ. Өнгөрсөн жил Нарлаг, Нарс, Ундраа зуслан эхний гурван байрт шалгарсан юм.