Цагдаагийн байгууллагаас Сүхбаатар, Чингэлтэй, Сонгинохайрхан дүүргүүдийн нутаг дэвсгэрт байрлах бусдын орон байранд хууль бусаар нэвтэрч, эд хөрөнгийг нь хулгайлдаг Э, О, М, Э нарын бүлэг этгээдүүдийг илрүүлэн мөрдөн шалгах ажиллагаа явуулжээ.
Гэмт хэрэг үйлдсэн этгээдүүд нь 2022 оны 11 дүгээр сараас хойш Приус маркийн тээврийн хэрэгсэл ашиглаж 40 орчим удаагийн үйлдлээр зуслангийн бүсийн эзэнгүй айл, өрхүүдийн эд зүйлсийг хулгайлж худалдан борлуулсан нь урьдчилсан байдлаар тогтоогдож байгаа бөгөөд хулгайлсан зарим эд зүйлийг хураан авч, хохирогч нарт таниулан ажиллаж байна.
Иймээс иргэд та бүхэн орон байрныхаа хаалга цонхыг бүрэн гүйцэд хааж, түгжигдсэн эсэхийг сайтар шалгах, орон байраа удаан хугацаагаар эзэнгүй орхиж явахдаа үнэтэй эд зүйл, бэлэн мөнгийг үлдээхгүй байх, боломжтой бол дохиолол, хяналтын камер байршуулах, хөршийн хяналтын холбоогоо сайжруулахыг цагдаагийн байгууллагаас анхаарууллаа.
Сүхбаатар дүүргийн Цагдаагийн хоёрдугаар хэлтсийн алба хаагчид