Гуравдугаар сард нийлүүлэх зэсийн үнэ Нью-Йоркийн Comex зах дээр 4.2%-иар өсөж, тонн нь 9174 ам.долларт хүрлээ.
БНХАУ цар тахлын хязгаарлалтаа цуцалсны дараа зэсийн эрэлт сэргэнэ гэсэн таамаглал ёсоор өнгөрсөн зургадугаар сараас хойш анх удаа ийнхүү тонн тутамдаа 9000 ам.доллараас давжээ.
Зэсийн үнийн өсөлт нь Европ болон Хятадад эрчим хүчний хомсдолд нэрвэгдсэнээс хойш нэг жилийн дараа биржийн нөөц бага хэвээр байгаа үед тохиож байна.
Трафигура группын гүйцэтгэх захирал Жереми Вайр металлын зах зээл урьд өмнө хэзээ ч ийм чангарч байгаагүй гэлээ.
Энэ оны эцэс гэхэд зэсийн үнэ 11 500 ам.долларт хүрч магадгүй тухай Goldman Sachs группын шинжээч Жефф Кюрри Bloomberg телевизэд өгсөн ярилцлагадаа мэдэгджээ.