Засгийн газрын ээлжит хуралдаан болж байна.

Өнөөдөр буюу 2024 оны 12 дугаар сарын 25-ны Засгийн газрын хуралдаан 08 цагт эхэлж нийт 42 асуудал хэлэлцэж байна.

Тухайлбал,  Монгол, Францын хамтарсан “Бадрах энержи” ХХК-ийн хөрөнгө оруулагч Орано майнинг компанитай байгуулах хөрөнгө оруулалтын гэрээний төслийг тохирох яриа хэлэлцээний явцын талаар, Гашуунсухайт-Ганцмод хил дамнасан холболтын төмөр замын төслийн явцын талаар, Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг тогтоох тухай” Улсын Их Хурлын тогтоолын төсөл, “2025 оныг Нийслэлийн хөгжлийг дэмжих жил болгон зарлах тухай” Засгийн газрын тогтоолын төсөл, Гашуунсухайт-Ганцмод хил дамнасан холболтын төмөр замын бүтээн байгуулалттай холбогдох УИХ-ын тогтоолын төсөл зэрэг асуудлуудыг хэлэлцэж байна.

Засгийн газрын өнөөдрийн хуралдаанаар,

Нийслэлийн агаарын бохирдол, өвөлжилтийн талаар,
“Эрдэнэс Тавантолгой” ХК-ийг олон улсын менежментээр удирдуулах үйл ажиллагааны бэлтгэл ажлын талаар,
Төрийн бүтээмжийн сэргэлтийн хүрээнд хийж байгаа ажлын явцын талаар,

Тогтоол, тогтоолын хавсралтад нэмэлт оруулах тухай” Засгийн газрын тогтоолын төсөл /“Засгийн газрын үндэсний хороо, комисс, үндэсний зөвлөлийн бүрэлдэхүүнийг шинэчлэн батлах тухай” Засгийн газрын 2024 оны 21 дүгээр тогтоолын хавсралт “Орчны бохирдлыг бууруулах үндэсний хорооны бүрэлдэхүүн
Жагсаал, цуглаан хийх журмын тухай хуулийн шинэчилсэн найруулгын төслийн талаар,

Хүний эрхийг хангахтай холбоотой зарим хуульд нэмэлт, өөрчлөлт оруулах тухай хуулийн төслийн талаар зэрэг 28 асуудал хэлэлцэж байна.

Засгийн газрын ээлжит хуралдаан болж байна.

Хуралдаанаар цаг үеийн асуудлуудыг хэлэлцэж байна.

Хуралдаанаас гаргасан шийдвэрийг 13:00 цагийн орчимд мэдээлэх юм байна