“Өдрийн сонин”-ы маргаашийн дугаарт Замын хөдөлгөөний аюулгүй байдлын тухай хуулийн талаар сонирхолтой нийтлэл хэвлэгдэж байна. Ирэх сарын 1-нээс мөрдөгдөж эхлэх энэхүү хуулийн талаар иргэд бараг ам дамжсан л мэдээлэлтэй байгаа. Тэгвэл хуулийн хүнд хэцүү үг хэллэггүйгээр гол санаа, хүмүүс анхаарах хэрэгтэй хэсгүүдийг нь түүвэрлэн хүргэсэн буй юм.
Энэ шинэ хуулиар бол жолооч бүр зөрчил гаргасан тоогоороо хар дэвтэрт бүртгэгдэх аж. Ингэж оноо тооцсоноор тодорхой хэмжээнд хүрвэл жолоодох эрхийг нь хасах юм байна. Түүнчлэн гадаадын иргэн олон улсын жолооны үнэмлэхээр нэг жил жолоо барихаар болжээ. Энэ мэтчилэн ядарсан ажилтнаараа жолоо бариулбал 576 мянган төгрөг, түргэний машинд зам тавьж өгөхгүй бол 19200 төгрөг, зорчигч хамгаалах бүс хэрэглээгүй бол, хэт удаан явах, шаардлагагүй үед тоормоз гишгэвэл хариуцлага хүлээх болжээ. Мөн хүүхдээ ганцааранг нь замын хөдөлгөөнд оруулбал 192 мянган төгрөгөөр торгох бол эвдэрсэн зам, таггүй траншейны нүхнээс болж машинаа эвдсэн бол хохирлоо нөхөн төлүүлэх аж. Эдгээр болоод бусад олон шинэ дүрмийг “Өдрийн сонин”-ы маргаашийн дугаарыг худалдан авч уншаарай.