Нийслэлийн удирдлагын зөвлөлийн ээлжит бус хуралдаан өчигдөр болж энэ онд хийгдэх автозамын бүтээн байгуулалтын асуудлыг хэлэлцэв. Нийт 33.3 км авто зам 745 у/м гүүр шинээр барьж, 61.3 км авто зам 84 у/м гүүр өргөтгөн шинэчлэхээр болжээ. Энэ онд хийгдэх авто зам, замын байгууламжийн төсөл, арга хэмжээг танилцуулж байна.
Нэг: АСЕМ-ийн уулзалтын бэлтгэл ажлын хүрээнд 6 төсөл, арга хэмжээ хэрэгжүүлнэ
- Гандийн гудамжны 1.6 км авто зам шинэчлэлт
- Баянмонгол хорооллын 1.1 км авто зам шинэчлэлт
- Их монгол улсын гудамжны 2.1 км авто замын өргөтгөл шинэчлэлт
- Зайсангийн гудамжнаас Жапан таун хүртэлх 0.75 км авто замын өргөтгөл шинэчлэлт
- Энхтайваны гүүрний зүүн талын туслах авто замаас Сөүл ресторан хүүхдийн паркын дундуур Олимпын гудамж, Гэндэнгийн гудамж хүртэлх 0.98 км авто замын зураг төсөл, барилгын ажил
- Яармагийн гүүрнээс “Чингис хаан” олон улсын нисэх буудал хүртэлх авто замын гэрэлтүүлэгчийг солих болон Богд уулын арын 17.5 км авто замын 1130 гэрэлтүүлгийг шинээр тавих ажлыг хийхээр төлөвлөжээ.
Хоёр: Хөгжлийн банкны эх үүсвэрээр төсвөөс эргэн төлөгдөх нөхцөлтэйгээр санхүүжүүлэх 6 төсөл арга хэмжээ
- Улаанбаатар Баянзүрх дүүрэг, 11 дүгээр хороо, Хонхор тосгон хүртэлх 1.79 км авто зам
- Улаанбаатар, Сонгинохайрхан дүүрэг Орбитын уулзварааас Толгойтын эцэс, Үйлдвэрчний эвлэлийн гудамж хүртэлх 3.6 км авто замын өргөтгөл шинэчлэл
- Улаанбаатар Налайх дүүрэг, Төв замаас Городок хүртэлх 1 км хатуу хучилттай авто зам
- Улаанбаатар, Баянзүрх дүүрэг, 21 дүгээр хороо Дарь Эх цогцолборын авто замын ажил
- БЗД, Фм-104.5 радиогийн хажуугийн 250 км замыг асфальтан зам болгох, сансарын колонкийн арыон төв зам хүртэл
Гурав: Нийслэлийн төсвийн хөрөнгөөр шинээр хэрэгжүүлэх 1 төсөл, арга хэмжээ
- ХУД, 7 дугаар хороо 60 дугаар сургуулийн баруун уулзвараас Сонсголонгийн арын зам хүртэлх 1,2 км авто зам
Дөрөв: Нийслэлийн Замын сангийн хөрөнгөөр он дамжсан болон шинээр хэрэгжүүлэх 4 төсөл, арга хэмжээ
- Чингэлтэйн гудамж, 7 буудлын уулзвараас Чингэлтэйн эцэс хүртэлх 3,3 км авто замын өргөтгөл, шинэчлэлт
- Дамбадаржаагийн уулзвар-Шарга морьтын төмөр бетон гүүр, Хандгайт чиглэлийн 16,35 км авто замын өргөтгөл, шинэчлэлт
- ХУД, 5 дугаар хороо Хаан банкны салбараас хойшхи 0,5 км авто зам
- Баянзүрх дүүрэг Монел орчмын 0.8 км авто зам
Тав: Нийслэлийн өмчийн Концессын зүйлийн жагсаалтаар хэрэгжүүлэх төсөл, арга хэмжээ
- Он дамжин хэрэгжиж байгаа 3 төсөл, арга хэмжээ
- Багануур дүүргийн 2.4.5 дугаар хорооны нутаг дэвсгэрт баригдах 6.44 км авто зам
- Гүнтийн давааны авто замыг үргэлжлүүлэн 7.36 км авто зам барих ажил
- Өвөр гүнтийн 11 км авто зам барих ажил
- 2015 онд батлагдсан гүйцэтгэгч нь шалгараагүй 5 төсөл, арга хэмжээ
- Салхитын амны 1.9 км хатуу хучилттай авто зам
- Хуурай мухарын амны шинээр барих 2.0 км авто зам
- Шадивлангийн авто замын өргөтгөл, шинэчлэлтийн ажил
- Яргайтын богинын 1.3 км авто замын шинэчлэлт
- Баянгол дүүргийн 1 дүгээр хороо Алтай хотхоны хорооллын доторх авто замыг дунд голын авто замтай холбох гүүр
- НИТХ-ын тогтоолоор батлагдсан 2016 онд Нийслэлийн өмчийн Концессын зүйлийн жагсаалтаар шинээр хэрэгжүүлэх 38 төсөл, арга хэмжээ
- Нарантуул ОУХТ-ийн баруун уулзвар болон төмөр зам дээгүүрх 435 у/м гүүрэн гарц
- Морингийн давааны гэр хорооллоос Авто худалдааны цогцолбор хүртэл 3.6 км авто зам, 310 у/м гүүрийн хамт
- Орбит-Баянголын уулзвараас Найрамдал зуслан хүртэлх 15.3 км авто зам, 24.7 у/м гүүрийн өргөтгөл, шинэчлэлт
- Авто худалдааны цогцолбороос Тахилтын авто замтай холбогдох 3.6 км авто зам
Зургаа: БНХАУ-ын Засгийн газрын хөнгөлөлттэй зээлийн хөрөнгөөр хэрэгжүүлэнх 4 төсөл, арга хэмжээ
- Замын цагдаагийн газрын ойролцоо барих гүүрэн гарцын төслийн “тусгайлан зээлийн гэрээ” 2015 оны арваннэгдүгээр сарын 10-нд байгуулагдсан
- Яармагийн шинэ гүүр барих, хуучин гүүрийг засварлах төслийн “тусгайлан зээлийн гэрээ” 2015 оны 11 сарын 10-ны өдөр байгуулагдсан.
- Туул гол дээгүүрх Баянзүрхийн 288 у/м гүүр, Сонсголонгийн 289.4 у/м төмөрбетон гүүрийг шинээр барих ажлын гүйцэтгэгчийн сонгон шалгаруулалтын тендерийг 2016.02.26-нд нээнэ.
- Улиастайн уулзвараас Налайх-Чойрын уулзвар хүртэлх 20.9 км авто замыг өргөтгөж шинэчлэлтийн төслийн санхүүжилтийг Засгийн газрын 2015 оны 458 дугаар тогтоолоор баталсан. Сангийн яам Хятадын ЭСЯ-аас ажил гүйцэтгэх компаниудын нэрсийг яаралтай ирүүлэх хүсэлтээ хүргүүлээд байна. Төслийн ажлыг 2016 оны зургаадугаар сард багтаан эхлүүлэх зорилт тавьж байна.
2016 онд улсын төсөв, хөгжлийн банк, нийслэлийн төсөв, авто замын сан болон концессын гэрээгээр 146 тэрбум төгрөгийн төсөвт өртөгтэйгээр зам, гүүрийн ажил хийж гүйцэтгэх юм байна. Зам засвар, шинэчлэлтийн ажлыг гуравдугаар сарын 15-нд эхлүүлж долоодугаар сарын 1-нд дуусгахаар төлөвлөжээ.