УИХ-ын ёс зүйн дэд хорооны хуралдаан эхэллээ. Гишүүдийн гаргасан саналын дагуу хуралдаан хаалттай явагдаж байгаа бөгөөд хөрөнгө орлого нь огцом нэмэгдсэн гэх Л.Болд, Ж.Мөнхбат, М.Оюунчимэг нарын гурван гишүүнтэй холбоотой асуудлыг хэлэлцэж байгаа аж. “Бид уучлахгүй” хөдөлгөөнөөс дээрх гурван гишүүнийг шалгуулахаар АТГ-т хандсан юм. Харин АТГ-аас гишүүдийн хөрөнгө, орлоготой холбоотой асуудлыг УИХ-ын ёс зүйн дэд хороо шалгаж, шийднэ гэдэг хариулт өгсөн.