Япон улсын ажилгүйдлийн түвшин 2021 оны 12 дугаар сард буурч, 2.7 хувьд хүрсэн байна. Энэ нь шинжээчдийн хүлээлтээс сайн үзүүлэлт боллоо.
COVID-19-ийн “Omicron” хувилбарын халдварын тархалт эрчимжихээс өмнө Япон улсын хөдөлмөрийн зах эргэн сэргэсэн дүр зурагтай байгааг статистик мэдээллээс харж болохоор байна.
Тайлант хугацаанд шинэ ажилчдын тоо 490 мянгаар нэмэгдсэн байна. Энэ нь 1986 оноос хойших дээд үзүүлэлт болжээ.
Хэдий тийм боловч COVID-19-ийн “Omicron” хувилбарын халдварын тархалт өндөр байгаа нь Япон улсын эдийн засгийн сэргэлтэд сөргөөр нөлөөлж болзошгүй гэж шинжээчид дүгнэж байна.