Япон улс ОХУ-ын гурван банк /”Россия”, ВЭБ, “Промсвязьбанк”/-ны өөрийн улс дахь активыг царцаажээ. Сангийн сайд Жюничи Сүзүки нь энэ талаар мэдэгдлээ. Тус улсын Ерөнхий сайд Фумио Кишида үүний өмнөхөн ОХУ-д хувь хүнд чиглэсэн визийн болон хөрөнгө царцаах зүйл заалтууд бүхий багц хориг арга хэмжээ авч байгаагаа танилцуулсан билээ. Тэрээр энэ үеэр мөн АНУ болон бусад улсуудын хүсэлтээр эрчим хүчний салбарыг хоригийн багцаас хассаныг онцолсон юм.