Энэ сарын 13-ны
өдөр Малайз Улсын Куала Лумпур хот дахь олон улсын нисэх онгоцны
буудалд бусдад хорлогдож амиа алдсан Ким Чен Намыг хөнөөсөн байж
болзошгүй хоёр эмэгтэйгээс байцаалт авч эхэлжээ.
Тодруулбал,
Вьетнам болон Индонез улсын иргэн болох хоёр эмэгтэй хамсаж Ким Чен
Нам-ын амь насыг хөнөөх гэмт хэрэг үйлдсэн хэргээр саатуулагдсан бөгөөд
тэд хийсэн хэргээ хүлээсэн талаар эх сурвалж мэдээлэв.
Дээрх
эмэгтэйчүүд “Бид хүний амь нас хөнөөж байна гэж мэдээгүй. Харин бидний
найзууд болох солонгос залуус “Нууц камер” гэдэг телевизийн хөгжөөнт
нэвтрүүлэгт оролцохыг санал болгосон. Бид тус бүрдээ 60, 80 доллар авч,
тэдний зааж өгсөн хүний нүүр рүү бодис цацсан. Гэхдээ уг бодис нь хүний
амь насыг хөнөөх хортой гэж мэдээгүй” гэж мэдүүлсэн байна. Малайз улсын
цагдаагийн газраас тэдгээр бүсгүйчүүдийг хууран мэхэлж хүний амь нас
хөнөөлгөсөн хэргээр Хойд Солонгос улсын нэг эрэгтэйг баривчилсан бол өөр
дөрвөн эрэгтэйг эрэн сурвалжилж байгаа аж.