Сүхбаатар аймагт “Урт гэзэг-бүсгүйн гоёо” нэртэй урт үстэй бүсгүйчүүдийн сонирхолтой наадам болж өнгөрсөн байна. Тодруулбал, Сүхбаатар аймаг байгуулагдсаны 75 жилийн ой, Баруун-Урт сум байгуулагдсаны 60 жилийн ойн баяр өчигдөр болж баяр наадмын үеэр дээрх арга хэмжээг зохион явуулсан аж.
Урт үстэй бүсгүйчүүдийн наадамд 110-140 см урт гэзэгтэй бүсгүйчүүд оролцсон бөгөөд дөрвөн үеэрээ ч урт үстэй бүсгүйчүүд байсан гэдгийг наадамд оролцогчид мэдээлж байна. Тэдний хамгийн бага нь дөрөвдүгээр ангийн сурагч , 85 см үстэй н.Энхзаяа гэх охин байсан гэв.