Хичээлийн шинэ жил эхлэхтэй холбогдуулан нийслэлийн замын хөдөлгөөний ачааллыг бууруулахаар автомашиныг улсын дугаараар нь хязгаарлаж байгаа.
Өнөөдөр улсын дугаарын сүүлийн орон нь тэгш тоогоор буюу 0, 2, 4, 6, 8-аар төгссөн автомашинууд замын хөдөлгөөнд оролцоно. Харин сондгой тоогоор төгссөн дугаартай автомашинуудыг 08:00-20:00 цагт хөдөлгөөнд оролцохыг хориглоно.
2020 онд нийслэлийн Засаг даргын захирамжаар тогтоосон хязгаарлалтын хүрээнд дугаарын хязгаарлалт үйлчилнэ. Тодруулбал
- 32-ын тойрог
- Тэмээтэй хөшөөний уулзвар
- Саппорогийн тойрог
- Чулуун-Овооны постоос дотогш замуудад дугаарын хязгаалалт үйлчилнэ.
Уг хязгаарлалтад ажил үүрэг гүйцэтгэж яваа тээврийн хэрэгсэл болон дипломат байгууллагын автомашин, зочид төлөөлөгчдийн цуваа, нийтийн тээврийн хэрэгсэл, стандартын шаардлага хангасан такси, таних тэмдэг бүхий хэвлэл мэдээллийн байгууллагын тээврийн хэрэгсэл хамаарахгүй.
Хичээлийн шинэ жил эхлэхтэй холбогдуулан замын хөдөлгөөний ачааллыг бууруулах зорилгоор нийслэлийн Засаг дарга С.Амарсайхан амралтын өдрүүдэд дугаарын хязгаарлалт хийх захирамж гаргасан билээ. 