Өнөөдөр Зуны эхэн сарын шинийн наймны билэгт сайн өдөр. Энэ өдөр бурхан багшийн амьдрал түүхтэй холбогдолтой жилийн зургаан их дүйцэн өдрийн нэг юм. Зуны эхэн сарын шинийн наймны өдөр бурхан багш тойн хувраг болсон дүйчэн өдөр. Энэтхэгийн Бихар мужийн Ведея хотоос 25 км газар Лориянандингар суварганы өмнө хаан эцгийн ордныг орхин гарч гэзгээ авч тойн хувраг болжээ.
Энэ өдөр Монголын бүх хүрээ хийдүүд Оточ манла бурханы их чого, Дарь-Эхийн мандал шиваа хурж буян ном үйлддэг юм байна.
Харин Амарбаясгаланд хийдийн лам хуваргууд энэ билэгт сайн өдөр нутгийн иргэдтэй хамтран Бүрэнхан уулаа тахиж байна.