Оросын нэрт зохиолч Лев Толстойн “Анна Каренина” романаас сэдэвлэсэн сонгодог жүжиг аравдугаар сарын 3-наас Улсын драмын эрдмийн театрын тайзнаа нээлтээ хийсэн. Өнөөдөр /2020.10.31/ “Анна Каренина” жүжгийн хаалтын тоглолт болно. Тодруулбал, Улсын драмын эрдмийн театрын уран бүтээлчид 27, 28 дахь удаагийн тоглолтоо өнөөдөр 12.00 цаг, 17.00 цагт үзэгчдэд толилуулах гэж байна.
Үзэгчдийн дунд хүлээлттэй байсан “Анна Каренина” жүжгийн тасалбар аравдугаар сарын 31-нийг хүртэл зарагдаж дууссан бөгөөд дараагийн тоглолтын товыг тун удахгүй мэдээлэх ажээ. “Анна Каренина” сонгодог жүжгийг нэг сарын хугацаанд 12 мянган үзэгч үзээд байгаа аж.
Тэртээ 1877 онд бичигдэн, дэлхийн сая сая хүний сэтгэл зүрхийг татсан уг алдартай зохиолыг Н.Пүрэвдагва жүжгийн зохиол хэлбэрт оруулан бичиж, Төрийн соёрхолт, найруулагч Н.Наранбаатар найруулж, зураачаар Т.Ганхуяг ажилласан.
Драмын театрын энэ цаг үеийн сайхан бүсгүйчүүдийн нэг Н.Баярмаа “Анна Каренина” жүжгийн гол дүрийг бүтээсэн. Харин түүний нөхөр Алексей Каренинд Гавьяат жүжигчин Б.Жаргалсайхан, Соёлын тэргүүний ажилтан Д.Баттөмөр, Облонскийд Гавьяат жүжигчин Л.Дэмидбаатар, М.Түвшинхүү нар тус тус тоглож байна.
Хоёр бүлэг, 23 үзэгдэлт жүжгийн туслах дүрүүдийг Ардын жүжигчин С.Сарантуяа, П.Цэрэндагва, Гавьяат жүжигчин Г.Урнаа, Ж.Оюундарь, Соёлын тэргүүний ажилтан Б.Одончимэг, М.Тогтохжаргал, С.Болд- Эрдэнэ, Ш.Амгаланбаатар тэргүүтэй 20 орчим уран бүтээлч бүтээж буй.
One reply on “Өнөөдөр “Анна Каренина” жүжгийн хаалтын тоглолттой”
while these affordable mountains remain a bit of a challenge to reach — Grandvalira can be a four-hour drive from Barcelona — the days of smaller crowds may soon be a thing of the past.ランジェリー ショップThis flannel-clad city in the Blue Ridge Mountains checks all the boxes,