Улсын хэмжээнд 03 дугаар сарын 22-28-ны өдрүүдэд нийслэлийн долоон дүүрэг, 20 аймгийн 49 суманд нийт 108 удаагийн аюулт үзэгдэл, ослын дуудлага бүртгэгдсэн байна.

Тохиолдсон аюулт, үзэгдлийн нэг нь ус цаг уурын гаралтай, 81 нь гал түймэр, 11 нь хүний үйл ажиллагаатай холбоотой осол, 3 нь геологийн гаралтай, 12 нь биологийн гаралтай аюулт үзэгдэл эзэлж байгаа юм.

Аюулт үзэгдэл, ослын улмаас хоёр иргэн нас барсан бол гэмтэж, бэртсэн, өвчилсөн нийт 1017 тохиолдол бүртгэгдсэн байна гэж Онцгой байдлын ерөнхий газраас мэдээллээ.