Монголын үнэт цаасны бирж гэх нэгэн компани үүд хаалгаа нээж, хөрөнгийн зах зээл дээр үйл ажиллагаагаа эхлүүлж байгаа юм байна. Тус компани нь үнэт цаасны анхдагч болон хоёрдогч арилжааг явуулах бөгөөд Монголын хөрөнгийн биржтэй ижил үйл ажиллагааг явуулахаар болсноо олон нийтэд зарлажээ.
Монголын үнэт цаасны бирж ХХК нь өнгөрсөн оны долдугаар сард Санхүүгийн зохицуулах хорооноос зөвшөөрлөө авчээ. Одоогоор 10 гаруй брокерийн компанийг нэгтгээд байгаа бөгөөд цаашид хамтран ажиллах хүсэлтээ илэрхийлсэн компаниуд ч цөөнгүй бий гэнэ. Мөн хоёр ч компани IPO хийлгэхээр тус компанид захиалгаа өгчээ. Монголын үнэт цаасны зах зээл, хөрөнгийн зах зээлийг хөгжүүлэхээр Монголын хөрөнгийн биржтэй зэрэгцэн ажиллана гэж тус компанийн менежер онцолсон юм. Шинээр байгуулагдаж буй үнэт цаасны бирж, хөрөнгийн зах зээлийн технологийн шийдлүүдийн талаарх танилцуулга өнөөдөр 14:00 цагаас GB plaza-д болох юм байна.