Өмнөговь аймагт 1200 хүүхэд хичээллэх боломжтой ЕБС-ийг ашиглалтад оруулжээ. Тус сургуулиийг орон нутгийн төсвийн хөрөнгө оруулалтын таван тэрбум 60 сая төгрөгөөр “Аж констракшн” ХХК гүйцэтгэсэн байна. Одоогийн байдлаар 995 сурагчтай, 37 багш ажилчид, 38 анги танхимд үйл ажиллагаагаа явуулж эхэлсэн байна. Энэхүү сургууль нь хоёр давхар бөгөөд хамгийн сүүлийн үеийн чанар стандартад нийцүүлэн барьжээ. Мөн тус аймгийн хэмжээнд хамгийн томд тооцогдох спорт заалтай сургууль гэдгээрээ онцлог юм байна.