ДАШТ-ий үеэр Монголын хоккейчид Украины тамирчидтай зодоон эхлүүлжээ. Хүрэл медалийн төлөө Монгол-Украины багууд үлдсэн бөгөөд тоглолтын үндсэн 90 минутад 5-5-аар тэнцсэн байна. Улмаар нэмэлт цагт Украины баг гоол хийж, медалийн тавцанд зогссон. Монголын шигшээ багийн тамирчид нэмэлт цагт гоол алдсаны дараа украинчуудыг ялалтаа тэмдэглэж эхлэх үед зодооныг өдөөсөн тухай хэвлэлүүд мэдээлжээ.
Хоёр багийн үймээнийг цагдаагийнхан зогсоосон ба Олон улсын бөмбөгтэй хоккейн холбооны (FIB) тэргүүн Борис Скрынник тэднийг зодоон гаргасныг хатуу шийтгэнэ гэж мэдэгдсэн байна.
