УИХ-ын үйл ажиллагаа түр хугацаагаар завсарлага авч, Үндсэн хуулийн нэмэлт, өөрчлөлтийн төслийг танилцуулж, иргэдийн саналыг сонсч байгаа. УИХ-ын үйл ажиллагаа энэ сарын 27-ны өдөр эхлэх бөгөөд ажлын хэсэг, намын бүлгийн хуралдаанаар эхлэнэ. Ажлын хэсгийн бэлтгэсэн Үндсэн хуулийн нэмэлт, өөрчлөлтийн төслийн хоёрдугаар хэлэлцүүлгийг хийж эхэлнэ. Харин чуулганы хуралдааныг VII сарын 5-нд хаахаас өмнө хоёрдугаар хэлэлцүүлгийг дуусч, нийтийн санал асуулга явуулах эсэхийг шийдэх ажээ.